ئۇ دۇنيادا بانكا يوق
ئەسلى مەنبە: ساقتۇر خەلقىم ساغلاملىق تورى
بىز ئالدى بىلەن بىر-بىرىگە تامامەن ئوخشىمايدىغان ئىككى خىل كىشىلىك قاراش ھالىتىگە قاراپ باقايلى:
بىرىنچى خىلى: ئامېرىكىدا ئىنتايىن نامرات 80 ياشلىق بىر بوۋاي بار بولۇپ، ئۇنىڭ ياخشى تائاملار بىلەن خۇشى يوق، دائىم ئەرزان باھالىق پىشلاق بىلەن پەمىدۇر ساندۋىچ يەيدىكەن، قىسقىسى ھەددىدىن زىيادە تېجەشلىك ئىكەن.
ئىككىنچى خىلى: ئوخشاشلا ئامېرىكىلىق بوۋاي، ئەمما ئۇنىڭ مال دۇنياسى ھېسابسىز، دەرىجىدىن تاشقىرى باي، ئۇ ئامېرىكىدىكى نەچچە ئۇنىۋېرسىتېتقا نۇرغۇن پۇل، نەچچە يۈز مىليون دوللار ئىئانە قىلغان. ئۇ نۇرغۇن مېيىپ بالىلارغا ياردەم بەرگەن.
يۇقىرىقى ئىككى ئادەم ئەمەلىيەتتە بىر ئادەم. ئۇنىڭ خەيرخاھلىقى ئاشكارىلىغاندىن كېيىن، نۇرغۇن مۇخبىرلار ئۇنىڭ تۇرالغۇسىغا بارغان بولۇپ، ھەممەيلەننىڭ كۆڭلىدە مۇنداق بىر تۈگۈن قالغان: شۇنچىۋالا باي تۇرۇپ نېمىشقا شۇنچە ئاددى-ساددا ياشايدىغاندۇ؟ كۆپچىلىكنىڭ ھەيران قالغىنىغا قاراپ ئۇ مۇنداق دېگەن:
بىر مايمۇن ئۈزۈمزارلىقتىكى سانجاق-سانجاق مەي باغلاپ پىشقان ئۈزۈملەرنى كۆرۈپ راسا بىر ھۇزۇرلىنىپ يېگۈسى كەپتۇ. بىراق ئۇ بەك سېمىز بولغىنى ئۈچۈن باغ توسۇقلىرىنىڭ تۆشۈكلىرىدىن پاتماپتۇ. شۇنىڭ بىلەن ئۇ ئۈچ كېچە-كۈندۈز يېمەي-ئىچمەي ئورۇقلاپ تۆشۈكتىن پېتىپ باغقا كىرىپتۇ. ئۇ راسا يەپ-ئىچىپ تويغاندىن كېيىن مۇرادىغا يەتكەندەك بوپتۇ. بىراق ئۇ چىقىپ كېتىدىغان چاغدا تۆشۈكتىن يەنە پاتماپتۇ. بۇنىڭ بىلەن ئۇ باشتىكى تىراگىدىيەنى قايتىدىن ئوينىماقچى بولۇپ، ئۈچ كېچە-كۈندۈز يېمەي-ئىچمەي ئاچ تۇرۇپتۇ. نەتىجىدە قورساقلىرى تارتىشىپ كىرگەن چاغدىكى بىلەن ئوخشاش بولۇپ قاپتۇ. بوۋاي ھېكايىنى سۆزلەپ بولۇپ سۆزىنى داۋاملاشتۇرۇپتۇ.
«ئۇ دۇنيا بانكا يوق. بۇ دېگەنلىك ھەر قانداق ئىنسان بۇ دۇنياغا قانداق كەلگەن بولسا شۇنداق كېتىدۇ دېگەنلىكتۇر».
http://www.sahtur.com
| 
يوللىغان ۋاقتى 2014-2-6 10:17:22
