«ئانارخان» كىنوسىنى تۇنجى قېتىم كۆرگەندە
( ئەسلىمە)
-«ئانارخان كىنوسىنى قويىدىكەن!»-يۈرۈڭلار، كىنو كۆرۈپ كېلىمىز.
دېگەن كىشىلەرنىڭ شاۋقۇنلىرى بازار كوچىللىرىنى تېخىمۇ ئاۋاتلاشتۇرىۋەت كەن ئىدى.
بۇ دەل1978-يىلىنىڭ ئاخىرى بولۇپ،بۇ فىلىملار قايتىدىن قويۇلۇپ تاماشىبىنلارنىڭ قەلبىنى شاتلىققا تولدۇرغان ئىدى. مەدىنىيەت زور ئىنقىلاۋىنىڭ قارا تۇمانلىرى شۇ قالايمىقانچىلىق 10يىلدا بۇرۇن ئامما ياقتۇرۇپ كۆرگەن «ئانارخان»،«بوستانلىقتىكى تەنتەنە»،«مۇز تاغقا كەلگەن مىھمان»... قاتارلىق بىر مۇنچىلىغان نادىر فىلىملارنى «سېرىق فىلىم،زەھەرلىك چۆپ» دەپ قارىلاپ بىر مەزگىل كۆرەش ۋە فىفەن قىلىپ
توختۇتۇپ قويۇلغان ئىدى.
پارتىيە 11-نۆۋەتلىك 3-ئومۇمى يىغىنى ئېچىلىپ،بۇ نادىر فىلىملار يەنە ئامما بىلەن دىدارلىشىش پۇرسىتىگە ئېرىشكەن ئىدى.
مەن بۇ چاغدا قەشقەر شەھەرلىك سىفەن مەكتىۋىگە ئوقۇشقا كىرگەن بولۇپ،بۇ چاغ مېنىڭ ھاياتىمدىكى ئەڭ خوشاللىق مىنۇتلار ئىدى. 3-ئومۇميىغىننىڭ پارلاق نۇرى ئېلىمىزنىڭ ھەر قايسى بۇلۇڭ-پۇشقاقلىرىگىچەھەممە يەرنى ئىللىتىپ، بازارلارنى تېخىمۇ ئاۋاتلاشتۇرىۋەتكەنتى.
بۇ دەل قەشقەر شەھرىنىڭ بازارلىرىنى كېڭەيتىپ قۇرۇش يۆنۈلىشىگە ئاساسەن قوغان يىزىسىغىچە كېڭەيتىلگەن چاغ ئىدى. قوغان يىزىلىق بازارغا كېلىۋاتقان سودا-سېتىقچىلار بازاردا خۇددى ئادەم دېڭىزىدەك چايقىلاتتى. مەن ئادەملەر توپلاشقان بۇ قىستاڭچىلىقتىن تولىمۇ تەستەئۆتۈپ،قوغان يىزىسىنىڭ يېنىدىكى كىنوخانا ئالدىغا كېلىپ، تامغا ئېسىپ قويۇلغان «ئانارخان » فىلىمنىڭ ئېلان رەسىمىگە كۆزۈم چۈشتى.مەن بۇ ئېلان خەيباۋسىنى كۆرۈپ ناھايىتى خوشال بولۇپ كەتتىم. كىنوخانىنىڭ بىلەت سېتىش ئورنىدا بىلەت سېتىۋالغۇچىلار شۇنچە كۆپ بولۇپ، تاماشىبىنلار بەس-بەس بىلەن بىلەت سېتىۋىلىشاتتى. ھەتتا ئۇلار بىلەتنىڭ تۈگەپ كېتىشىدىن ئەنسىرەپ، ئۆچرەتتە تۇرغان كىشىلەر
نىڭ باش-دۈمبىللىرىگە دەسسەپ بىلەت ساتىدىغان دەرىزىگە يامىشاتتى.
ھەش-پەش دېگۈچە بىلەت سېتىلىپ بولدى.لىكىن يەنىلا كۆپلىگەن تاماشىبىنلار بىلەت ئالالماي، ئارماندا قېلىشتى. كىنوچى خادىملار ئاممىنىڭ كىنو كۆرۈش ئىھتىياجىنى قاندۇرۇش ئۈچۈن، ئارقا-ئارقىدىن بىر
كۈندە 15 مەيدان كىنو قويۇپ، زىرىكمەي،ھارماي ئەلا مۇلازىمەت قىلدى. مەنمۇ تەسلىكتە بىر دانە بىلەتنى ھايانكەشنىڭ قولىدىن سېتىۋىلىپ كىنو كۆرۈشكە مۇۋاپپەق بولدۇم. كىنوخانىغا كىرسەم،كىشىلەر بەندىڭ جوزىلارغا سىغماستىن سوغۇق يەردە سۇنايلىنىپ ئولتۇرۇپ،،كىنو كۆرۈۋاتقان كىشىلەرنىڭ سىماسى مېنىڭ دىققىتىمنى تارىتتى.بىلەت ئالالمىغان خېلى بىر تۈركۈم كىشىلەر كىنوخانىنىڭ يېنىدىكى ئائىللىكنىڭ ئۆگزىللىرىگە ۋە دەرەخقە يامىشىپ چىقىپ كىنو كۆرۈۋاتاتتى.كىنوخانا ئادەم دېڭىزىگە ئايلانغان بولۇپ،بىرەر كىشىنى تېپىش بەكمۇ تەسكە توختايتى. كىنو باشلاندى. تاماشىبىنلارنىڭ ئالقىش سادالىرى ۋە خوشاللىقلىرى زالنى قاپلىدى.
بىز كىنو كۆرۈپ چوڭقۇر ھاياجانغا تولدۇق.سوغۇق كىشىلەرنىڭ ئىرادىسىنى تەۋرىتەلمىدى.
راۋابىم جاراڭلايدۇ،
تارىسى ئالتۇنمىكىن.
تويىمىز قىزىپ كەتتى،
قەلبىمىز يالقۇنمىكىن.
ئاسمان بىزنىڭ يۇرتىمىز،
بۇ چۆل بىزنىڭ زىلچىمىز.
مىھمان بولسۇن يۇلتۇزلار،
يۇلغۇنلۇقتا تويىمىز.
ئانارگۈلدەك ئانارخان،
ئۆچمەس بىزنىڭ مۇھەببەت.
يولىمىزنى توسالماس
تاغدەك جاپا-مۇشەققەت.
بۇ كىنو ناخشىللىرى تاماشىبىنلارنىڭ يۈرەك تارىنى چوڭقۇر چەككەن ئىدى. بىز بۇ خوشاللىق كۈنلەرنى مەڭگۈ ئەسلەيمىز.ياخشى كۈنلەر بىزگە مەڭگۈ ھەمراھ بولسۇن!
تەييارلىغۇچى-ئابدۇمىجىت مۇھەممەتئېلى
| 
يوللىغان ۋاقتى 2014-2-3 18:30:40
