ئايشەم كېرىمگە:
ئەي گۈزەل پەرىزات سەنئەت چولپىنى، ئەسلەيمىز ھەرقاچان سىنى يۈرەكتىن. ئۆچمەيدۇ ئوبرازىڭ خەلقىم دىلىدا، كۈيلەيمىز ئەجرىڭنى ئوتلۇق تىلەكتىن.
سەن رولچى رول ئالدىڭ تەبىي رەۋىشتە، ئايىمخان، نىساخان،ئامىنە بولۇپ. زور ئىلھام دىللارغا ھەر بىر سىياقىڭ، قۇت ئاتتىڭ خەلقىمگە شان-زەپەر قۇچۇپ.
رول ئالدىڭ بىر تالاي شاھ فىلىملەردە، «بوستانلىقتا تەنتەنە» بۇنىڭ مىسالى. گاھ مۇدىر، گاھ پۇخرا بولۇپ ئىكراندا، نۇرلاندى دىللاردا شاتلىق ۋىسالى.
ئىكراندا ئايىمخان مۇدىر ئوبرازىڭ، قالدۇردى ھەيرانە ئەل-جامائەتنى. ئىلغارلىق، قالاقلىق ئايرىلدى تولۇق، سەن باتۇر قوغدۇدۇڭ چىن- ئادالەتنى.
ياراتتىڭ بىز ئۈچۈن شانلىق بىر ئۆلگە، ۋاپادار بولۇشتا ۋەتەن-خەلقىڭگە. سەن باسقان يول بىلەن باسىمىز ئالغا، قايتۇرماق بۇرچىمىز ۋەتەن-خەلقىڭگە.
ئايىمخان، نىساخان، ئامىنە نامىڭ، ئۆچمەيدۇ تائەبەت خەلقىم دىلىدا. خاتىرجەم يات مەڭگۈ بىز ساڭا ۋارىس. ئاقلايمىز ئەجرىڭنى يېڭىپ بەيگىدە.
يازغۇچى-ئابدۇمىجىت مۇھەممەتئېلى | 
يوللىغان ۋاقتى 2014-2-2 18:51:59
