- تىزىملاتقان
- 2012-11-24
- ئاخىرقى قېتىم
- 2013-1-19
- ھوقۇقى
- 200
- جۇغلانما
- 489
- نادىر
- 1
- يازما
- 75
 
- 真实姓名
- نىجات نىياز ئېھسان
- تۆھپە
- 0
- مۇنبەر پۇلى
- 274
- ئىشەنىچ
- 0
| 2013-يىلى 1-يانۋار يېڭى يىل كۈنى ھەممە يېڭى يىل خۇشاللىقىغا جۈر بولۇپ، ئائىلىسىدىكىلەر بىلەن بىرلىكتە يېڭى يىل ئۆتكۈزۈۋاتقان پەيتتە، پۈتۈن قەلبىنى، يۈرىكىنى، مېھرىنى يېزا مەكتەپ ئوقۇغۇچىلىرىغا بېغىشلىغان پىدائىيلار جىمجىتلا تۇرپانغا قاراپ يۈرۈپ كەتتى. يېڭى يىل كۈنلىرىدىكى دەم ئېلىشتا ئۇلار زادى نەگە ماڭغاندۇ؟ ئوينىغىلى ماڭدىمۇ ياكى بىرەر پائالىيەتكە ماڭغانمىدۇ؟
زېمىستان قىش كۈنلىرىدە سەپەرگە چىقىش، بولۇپمۇ ئارام كۈنلىرىنى قۇربان قىلىش بەدىلىگە بالىلارنىڭ ئوماق كۈلۈمسىرىگەن سەبىي چىرايىنى كۆرۈش پىدائىيلارنىڭ تۇرمۇشىدىكى ئەھمىيەتلىك بىر تېمىغا ئايلىنىپ كەتكەنىدى، يازنىڭ پىژغىرىم ئىسسىقلىرى ۋە ياكى قاتتىق سوغۇقتا بولسۇن، ئۇلارنىڭ قەدىمى ئاپتونوم رايونىمىزنىڭ ھەر قايسى جايلىرىدا ئۆزلىرىنىڭ ئەھمىيەتلىك ئىش-پائالىيەتلىرىنى قەتئىي داۋاملاشتۇردى، قىلچىمۇ ۋايساپ باقمىدى، ئۆزىنىڭ دەم ئېلىش، ھېيت-بايرام كۈنلىرىنى بالىلارنىڭ كۈلكىسىگە تېگىشتى.
1-يانۋار ئۇلار تۇرپان شەھىرىگە نېمىگە ماڭغاندۇ؟ نۇرغۇنلىغان كىشىلەرگە نامەلۇم بولغىنىدەك، ئۇلار بۈگۈن يەنى يېڭى يىل كۈنى تۇرپان، توقسۇن، پىچان قاتارلىق جايلاردىكى يېزا مەكتەپ بالىلىرىغا قىشلىق كىيىم، سومكا، ئاياغ قاتارلىق تۇرمۇش بۇيۇملىرىنى ئېلىپ ماڭغانىدى. ئۇلارنىڭ مەكتەپكە قەدەم بېسىشى بىلەن بالىلار يۈگۈرۈپ كېلىپ ئۇلارنى ئورىۋالدى، ئۇلار ئېلىپ كەلگەن كىيىم، ئاياغلارنى كەيگىنىدە بالىلارنىڭ چېھرىدە خۇشاللىق كۈلكىسى جىلۋە قىلاتتى.
يالقۇن ئوسمان بەلكىم نۇرغۇنلىغان كىشىلەر بۇ پىدائىينى تونۇماسلىقى مۇمكىن، يالقۇن ئوسماننى يېزا مەكتەپ بالىلىرىنىڭ ئاتىسى، غەمگۈزارى دېسەك ئارتۇق كەتمەس. چۈنكى ئۇ ئۆزىنىڭ بارلىقىنى يېزا مەكتەپلەردىكى بولۇپمۇ شارائىتى بىر قەدەر ناچار مەكتەپتىكى بالىلارغا ياردەم بېرىش ئۈچۈن بېغىشلىغان. مەن ئۇنى تونۇغاندىن باشلاپ، ئۇنىڭ پۈتۈن ۋۇجۇدى بىلەن يېزا مەكتەپلىرىدىكى ئوقۇغۇچىلارنىڭ تۇرمۇشىنى ئويلايدىغانلىقىنى ھېس قىلغان ھەمدە ئۇنىڭ ئىش-ئىزلىرىدىن تەسىرلەنگەن ھەم سۆيۈنگەن ئىدىم. مانا ھازىر يالقۇن ئوسماننىڭ ئەتراپىدىكى ئۇنى قوللايدىغان، ئۇنىڭغا مەدەت بېرىدىغان پىدائىيلارنىڭ سانى بارغانچە ئېشىپ، بىر چوڭ كوللېكتىپ ھاسىل بولدى، مانا بۇ كوللېكتىپنىڭ تىرىشچانلىقىدا ھازىر نۇرغۇنلىغان ياخشى ئىشلار، ياخشى پائالىيەتلەر بارلىققا كېلىپ، ئاپتونوم رايونىمىزنىڭ ھەر قايسى جايلىرىدىكى يېزا مەكتەپ ئوقۇتقۇچىلىرى شۇنداقلا ئوقۇغۇچىلىرىنىڭ قەلبى ئىللىقلىقققا چۆمدى.
يېزا مەكتەپ پىدائىيلىرىنىڭ تەسىرىنىڭ كۈنسايىن چوڭىيىشىغا ئەگىشىپ، ئۇلارنىڭ ياردەم بېرىش دائىرىسىمۇ بارغانسېرى كېڭەيمەكتە. ئۇلار ياردەم قىلغان ئوقۇغۇچىلارنىڭ سەبىي قەلبىگە مېھر-مۇھەببەت ئۇرۇقى تېرىلماقتا. مەن ئاخىرىدا بۇ كوللېكتىپنىڭ بۇنىڭدىن كېيىن تېخىمۇ زورىيىپ، سەبىي قەلبلەرنىڭ غەمگۈزارىغا ئايلىنىشىنى، ئۇلارنىڭ تېنچ، خاتىرجەم، غەمسىز ھالدا، بالىلىقنىڭ گۈزەل چاغلىرىدىن قانغۇچە زوق ئېلىپ، ئۆزىنىڭ بالىلىق ھاياتىنى، ئەڭ گۈزەل، ئەڭ ئۇنتۇلغۇسىز خاتىرىلەر بىلەن بېزىشىنى ئۈمىد قىلىمەن.
|
|
يوللىغان ۋاقتى 2013-1-10 12:11:25
يوللىغان ۋاقتى 2013-1-10 12:27:43