خىزىر كەبى ئاپئاق ساقاللىق ،
بوۋايلارغا تەلمۈرۈپ قالدىم.
ئەتراپىمغا باقتىم غېرىپتەك،
بوۋايلار يوق ئوي سۈرۈپ قالدىم.
تۈنۈگىنلا ئولتۇرغان ئىدى ،
مۇڭداشقانچە بىرنەچچە بوۋاي.
مانا بۈگۈن قالماپتۇ بىرى،
ھايات دىگەن قونالغۇ ساراي.
بوۋايلارغا تەلمۈرۈپ قالدىم ،
ئۇلار ئىدى بىز ئۈچۈن مازار .
بوۋايلارنىڭ دۇئالىرىدا ،
قىزار ئىدى رەستىدە بازار.
شۇ بوۋايلار كەتتى كەلمەسكە ،
ئەمما بىزگە كېلىدۇ نۆۋەت .
ئاپپاق ساقال سىرىغان چاغدا ،
ھايات شۇندا تۇيۇلار قىممەت.
بوۋايلارغا تەلمۈرۈپ قالدىم.
بوۋايلىققا يېتەلەمدىم دەپ.
ئاشۇ تۈرگۈن ،جەسۇر بوۋىدەك .
ئۆزگىنى خوش ئېتەلەمدىم دەپ. | 
يوللىغان ۋاقتى 