كەسىپداشلار ئورتاقلىشايلى (ئاۋۇت بارات)

AwutBarat

    كەسىپداشلار،دوستلار:
     سىلەر بىلەن ئورتاقلىشىش يۈزىسىدىن ئوتتۇز نەچچە يىللىق فوتوگىرافلىق چۈشەنچەمنى  يىغىنچاقلاپ باقتىم:
     فوتوگىرافلىق كەسپى دۇنيا ئەھلى ئىتىراپ قىلغان،دۆلەت ياكى مىللەت دەپ شەرت قويۇلمىغان ئەڭ مۇكەممەل ئەركىن كەسىپتۇر.
    ھەر كەسىپنىڭ ئۆز ئالدىغا خوشاللىقى ھەم جاپاسى بولغاندەك ، فوتوگىرافلىق كەسپىنىڭمۇ جاپاسى ھەم راھىتى بولىدۇ.
    فوتوگىرافلىق كەسپىي بىلەن شۇغۇللىنىش بىر خىل تۇرمۇش،تېرىشقاندىلا ئۈنۈمگە ئېرىشكىلى بولىدۇ.
    فوتوگىرافلىق كەسپى بولسا شەكىلسىز كۆۋرۈكتۇر،شۇنداقتىمۇ دوستلارنىڭ قەلبىگە ئۆتكىلى بولىدۇ.
    ئىزچىل سۈرەت تارتىش بىلەن شۇغۇللانغان كىشىنىڭ تېنى ساغلام بولىدۇ،دوستى كۆپ بولىدۇ،بولۇپمۇ ۋەتەنگە، ئانا يۇرتقا بولغان مىھرى مۇھەببىتى چۇڭقۇر بولىدۇ.
    تەگىسىز ئويلار ئىلكىدە ئۆرتەنگىنىمدە سۈرەت ماڭا سۆزلەيدۇ،ماڭا مەدەت بېرىدۇ.
    فوتوگىراف- ئۇ بىر شاھىد.
    ئىرادىلىك فوتوگىراف رېئال دۇنيانىڭ ئادىل كۈزەتچىسى.
    تېرىشىش ۋە سۆيۈش ئەڭ ياخشى فوتوگىراف مۇئەللىمى.
    سۈرەت تارتىش-قەلب سەنئىتى.
    فوتوگىرافلىق كەسپى مېنىڭ ھاياتىمدىكى ئەڭ ياخشى ھەمراھىم.
   ئاپىرات كۆزى شەرت،ئادەم كۆزى ھالقا
    رېئاللىققا چۇڭقۇر چۆكۈپ، خىلمۇ خىل رەڭلەرنى سۈزىۋېلىش مەن ئۈچۈن ئەڭ زور تەسەللىي.
    ناۋادا تارتقان سۈرىتىم كۆڭۈلدىكىدەك چىقماي قالسا، سەۋەبىنى ئوبىكېتقا يېقىنراق تۇرمىغىنىمدىن كۆرىمەن.
    رېئاللىقنى رەڭدار خاتېرىلىشىم ، ئۇنىڭدىن ھوزۇرلىنىپ غەرق «مەس» بولۇشىم كېرەك.
    دۇنيادىكى يوللار بىراۋلارنىڭ مېڭىشىدىن پەيدا بولغاندەك، فوتوگىرافلارنىڭ ئىزىدىنمۇ ھەر خىل سىرلىق يوللار پەيدا بولىدۇ،مەن دەل ئاشۇ سىرلىق يوللاردا كېتىۋاتقان يولۇچىنىڭ بىرى.
    تارتقان 20مىڭ پارچىدىن ئارتۇق بەدىئىي سۈرەت ئەسەرلىرىم رېئاللىقتىن، تەبىئىيلىكتىن ئايرىلمىدى، ئاخىرىغىچە شۇنداق بولۇشى كېرەك.
    گۈزەللىكتىن، رېئاللىقتىن ئىز قالدۇرۇش مېنىڭ ئەڭ زور ئارزۇيۇم.

sakra

ئالدى بىلەن مەن سىزنىڭ ئىجادىيىتىڭىزگە يەنىمۇ زۇر ئۇتۇقلار تىلەيمەن،مېنىڭچە سىز  كەسىپتە ئۆزۈپ چىقىۋاتقان ، ئىختىدارلىق فۇتۇگېراف .شۇڭا سىز ئكز تەجىربىلىرىڭىز ئۆستىدە كۈپىرەك تىما يۇللىسىڭىز،بۇنىڭ ئۆنۈمى بەك چۇڭ بۇلغان بۇلاتتى.تىمىڭىزغا تەشەككۈر قىرىندىشىم..............

ئۇيغارى

فوتۇگرافىيە ساھەسىدە ھېس قىلغان قىممەتلىك تەسىراتلىرىڭىزنى يوللىغانلىغىڭىزدىن
تولىمۇ سۈيۈندۇق، مومكىن بولسا تەجرىبىلىرىڭىزنى يەكۈنلەپ چىقىپ تورداشلارنىڭ
پايدىلىنىشىغا سۇنغان بولسىڭىز تېخىمۇ ياخشى بولاتتى.

xipayi

سىزگە ئۇتۇق تىلەيمەن،

yakup2514

گۈزەل سۈرەتلىرىڭىزدىن ھەرۋاقىت بىزلەرنى ھوزۇرلاندۇرغايسىز .سىزگە ئۇتۇق يار بولسۇن.

pixamxan

فوتوگىرافلارنىڭ جاپاسىنى ، خىزمىتىنىڭ ئەھمىيىتىنى ئادەتتىكى قولىغا ئاپارات ئېلىپ سۈرەتكە تارتقانلا ئادەم چۈشۈنۈپ بولالمايدۇ ، مېنىڭچە بۇ كەسىپكە ھەقىقى ئىشتىياق باغلاپ ، بۇ كەسىپنى سۆيگەن ، بۇ كەسىپ ئۈچۈن نۇرغۇنلىغان بەدەللەرنى تۆلىگەنلە بىر ئاز چۈشۈنىشى مۇمكىن ، مەنمۇ قولۇمغا ئاپارات ئالغىلى 20 يىلغا يېقىنلاشقان بولسىمۇ ئۆزەمنى بىر فوتوگىراف دەپ قارىيالمايمەن چۈنكى مەن تارتقان سۈرەتلەر تەلەپتىن خېلىلا يىراق ، بۇنىڭ سەۋەبى مەن تېخى بۇ كەسىپكە دىگەندەك ئۆزەمنى بېغىشلىيالىمىغانلىقىدا دەپ قارايمەن ، بىر قىسىم سۈرەتلەرنى تارتىش ئۈچۈن نورغۇنلىغان يەرلەرگە باغان بولساممۇ خەتەردىن قورقۇپ مۇۋاپىق ئورۇن ، مۇۋاپىق پەيىتنى ئۆتكۈزۋتىپ كۆڭلۈمدىكىدەك سۈرەتنى تارتالمىدىم . بولسا  ئاۋۇت بارات ئەپەندىدەك ئۇستازلارنىڭ ئۆز تەجىربىلىرنى بىزگە ئوخشاش ھەۋەركارلارغا كۆپرەك سۆزلەپ يېتەكلىشىنى چىن كۆڭلۈمدىن ئارزۇ قىلىمەن .