جاندىن تويۇپ كەتمە ئالدىراپ

rustorahbar

رۇستەم قاراسۇ ئىجادىيتى

تويۇپ كەتمە

بىر كۆزۈڭگە بىر كۆزۈڭ دۈشمەن،

ھاياتىڭغا ئۆز-ئۆزۈڭ دۈشمەن.

ئۆي-بىساتلار قالار شۇ پىتى،

بۇ دۇنياغا ھەمىمىز كۆچمەن.

قالار پەقەت ياخشى-يامان نام،

ئۆمۈر دىگەن ئېقىپ كۆيگەن شام.

قارا تۇپراق ئالسا قوينىغا،

شام-چىراقسىز زېننەتىسز ئۆي تام.

كىملەر كىتىپ كىملەر قالىدۇ،

بىرى يالغان پالنى سالىدۇ.

ھىچكىم بىلمەس بۇ قېسمەتلەرنى،

پېشانىگە تەغدىر يازىدۇ.

تەغدىرىڭگە تەدبىر سەۋەبكار،

ھاياتىڭغا ئۆزۈڭ جاۋابكار.

جاندىن تۇيۇپ كەتمە ئالدىراپ،

بىر يېغىنىڭ بىر كۈلكىسى بار .

2014.1.20...ئالاتاۋدا يېزىلدى

مىھرىم

بەكلا ياخشى تىمىدىن بىرنى يوللاپسىز،ھايات بولغانلىقىمىزنىڭ ئۆزى بىر خۇشاللىق ئىش ئازراقلا ئوڭۇشسىزلىققا بەرداشلىق بىرەلمەي ئۆزىنى تاشلىۋىتىپ يامان يوللارغا كىرىپ كىتىشنىڭ قىلچە ئورنى يوق.

باھاردا

2013-2014-يىل سىزنىڭ مول ھوسۇللىق يىلىڭىز بولدى جىمۇ ئېنىم  ياخشى تېمىللېرىڭىز ئۈزۈلمەي ۋۇجۇتقا چىقىۋاتىدۇ

sarwi

بۇ ھايات ھاياتنى سۆيگەنلەر ۋە ئۇنى قەدىرلىگەنلەر ئۈچۈن تولىمۇ تاتلىق .

rustorahbar

باھاردا يوللىغان ۋاقتى  2014-1-20 22:23
2013-2014-يىل سىزنىڭ مول ھوسۇللىق يىلىڭىز بولدى جىمۇ ئېنىم ...

رەھمەت ھەدە سىلەردەك ئۇستازلارنىڭ تەكلىپ-پىكىرلىرىڭلارنىڭ ئايىماسلىقىڭلارنى ئۈمۈد قىلىمەن .

rustorahbar

باھاردا يوللىغان ۋاقتى  2014-1-20 22:23
2013-2014-يىل سىزنىڭ مول ھوسۇللىق يىلىڭىز بولدى جىمۇ ئېنىم ...

رەھمەت ھەدە سىلەردەك ئۇستازلارنىڭ تەكلىپ پىكىرلىرىنى ئايىماسلىقىڭلارنى ئۈمۈد قىلىمەن

yakup2514

ئۇستاز رۇستەم  قاراسۇ مۇنبەرنى ھارماي ياخشى تېمىلەر بىلەن تەمىنلەپ ،بىزلەرگە تەغدىم قىلىۋاتىسىز تېمىلىرىڭىز ئۈزۈلۈپ قالمىغاي .

ah~tilek

ھاياتنى سۈيۈپ ياشايلى ...

سەۋرى

شېئىر بۇلا مۇشۇنىڭدەك بۇلا