ئاتىلار يوق

ئەركيار

ئاتىلار يوق


مەقسۇت ئەمىن ئەركيار

ئاتىسى بار روھلۇق،خاتىرجەم،
ئاتىسىزنىڭ كىرپىكلىرى نەم،
قارا قىسمەت يىتىمغا ھەردەم،
ئاھ!يۆلەنچۈك تاغدەك ئاتىلار...

ئاتىلار يوق، ئاتا بولغۇدەك،
قەرىزلىرى ئادا بولغۇدەك.
بالا ئازغۇن ساددا بولغۇدەك،
مېۋىزارلىق باغدەك ئاتىلار.

ئاتىلار يوق،يېلىڭچە ئېڭىل،
ئاتىلار يوق دۇدۇقلايدۇ تىل،
ئاتىلار يوق تالادا سىڭىل،
سۆزى كەسكىن، ئۆرنەك ئاتىلار.

ئاتىلار يوق،تاغدەك ئاتىلار،
نەسىھىتى ياغدەك ئاتىلار.
ساقىلىنى يېقىپ كۈلدۈرۈپ،
كۆككە ئاتقان چاغدەك ئاتىلار!

رەخمەت