ياشىساڭ
ئەرزىگەي مەردانە سۈپەت، ياشىساڭ،
ھاياتىڭدا تېپىپ قىممەت، ياشىساڭ، تىغ ئۇرۇپ ئىللەتكە قارشى سەن ھامان،
كەتكۈزۈپ قاراڭغۇ زۇلمەت، ياشىساڭ! دوست ئۈچۈنكى ئايىماي بارىڭنى ھەم،
قول تۇتۇپ ھەمكارۇ-ئۈلپەت، ياشىساڭ! يار قىلىپ دائىم ئۆزۈڭگە پەم-ئەقىل،
تولدۇرۇپ قەلبىڭگە ھىكمەت، ياشىساڭ!
كۆز قىرىڭ سالماي بىراۋنىڭ رىسقىغا،
ئەجرى قىپ شۈكرانە نېئمەت، ياشىساڭ! بولسا سەندە ياخشى خۇلق،چىن نىيەت،
يار قىلىپ ھەردەمدە نۇسرەت، ياشىساڭ!
دوست تۇتۇپ،ئاقىل كىشىنى بىر ئۆمۈر،
يارىتىپ ئىمكانۇ-پۇرسەت،ياشىساڭ!
ئانا يۇرتنىڭ تۇپرىقىنى جان بىلىپ،
قوغدىبان كەلسىمۇ كۈلپەت،ياشىساڭ! نام نىشانسىز كەتكۇسى نادان كىشى،
يات خۇيى بوپ ئەلگە ئىبرەت، ياشىساڭ!
ئىزدىسەڭ ھەربىرقەدەمدىن ياخشىلىق،
قوشۇلار ھۆسنۈڭگە سۈلكەت، ياشىساڭ!
يۇرت-ئېلىڭگە غەمگۈزارۇ-باش بولۇپ،
ئەل بىلەن مۇڭداشۇ-سۆھبەت، ياشىساڭ!
پۇل-پۈچەك بايلىق ئەمەس، ۋىجدان بىلەن-
كەتكۈزۈپ شەيتانۇ-ئىشرەت، ياشىساڭ!
بۇ مۇھەممەت قەلىمى ئاجىز،بىراق-
ئاز-تولا قىلدى نەسىھەت، ياشىساڭ!
مەنبە: ئىجادىيىتىم. | 
نامسىز يوللىغان ۋاقتى 4 كۈن ئالدىدا
