جاۋابىڭ

ئازادجان ئىبراھىم

جاۋابىڭ
ئازادجان ئىبراھىم
يامان غەرەز خىياللاردا بولمىساڭ،
توغرا ئىشنى ئىككىلەنمەي قوللىساڭ،
خاتاسىنى دەل ۋاختىدا ئوڭلىساڭ،
دىلغا ھوزۇر بىرىدىكەن جاۋابىڭ.

نەشتىرىڭنى ئەلگە دائىم بەتلىسەڭ،
زەھەرخەدەندە بولۇپ ئەلنى يەكلىسەڭ،
ھەق-ناھەقنى زادى  پەرىق ئەتمىسەڭ،
دىلغا يارا سالىدىكەن جاۋابىڭ.

ياخشىلارنى دائىم قاغاپ تاتلىساڭ،
بانا تېپىپ ئەلگە بەتنام چاپلىساڭ،
گەپ قىلغاندا ئەتراپىڭغا باقمىساڭ،
ئەلنى بىزار قىلىدىكەن جاۋابىڭ.

قىلغان سۆزۈڭ سۆڭەكلەردىن ئۆتمىسە،
ئاڭلىغانلار يىغلاپ ھەسرەت چەكمىسە،
ئىش ھەركىتىڭ چەكتىن ئېشىپ كەتمىسە،
كۆڭۈللەرنى ئالىدىكەن جاۋابىڭ.

ئۆزگىلەرگە ھەقىقەتنى سۆزلىسەڭ،
كۆپنىڭ ئارزۇ- ئۈمىدىنى كۆزلسەڭ،
ياخشىلاردىن ئۈمۈدىڭنى ئۈزمىسەڭ،
ئاچقان يارگە بارىدىكەن جاۋابىڭ.

ئۆزگىلەرگە قىلساڭ دائىم يامانلىق،
تىلىمىسەڭ ئەلگە تىنىچ –ئامانلىق،
سۆزدە چاقساڭ باشقىلارنى داۋاملىق،
ئەلگە ئېغىر كىلىدىكەن جاۋابىڭ.

پۇرسەت تېپىپ ئەلنى سۆزدە تالىساڭ،
ئۆزگىلەرگە دائىم قارا سانىساڭ،
قوللىماستىن  يامان كۆزدە قارىساڭ،
ئەلگە زەھەر بولىدىكەن جاۋابىڭ.

سەندە بولسا مىھرى-ۋاپا،ساداقەت،
»كەلتۈرمىسەڭ ئۇلۇغلارغا ھاقارەت،
ساقلىمىساڭ ئەلگە ئاغرىق ئاداۋەت،
جانغا ئارام بولدكەن جاۋابڭ.

ablajan

  ياخشق شېئىرلىرىڭىز ئادەمنى ئۆزىگە تارتىپ تۇرىدۇ

1008

  ۋاي سىز نىمانداق ئادەمنىڭ كۆڭلىنى چۈشىنىدىغانسىز ،بەك ياخشى يېزىپسىز،يەنە بولسا يوللاپ تۇرىڭە.