پۇل

ئارتۇچ

پۇل


ھاياتتەك ئۇلۇغلاپ كەتمىدىم سېنى ،
سېھرىڭدە ۋەسۋەسە بولمىدى كۆڭلۈم .
چاپمىدىم ۋەسلىڭگە باغلاپ رىشتىمنى ،
قانائەت ئىلكىدە شات - خورام كۈنۈم .


بىخىلدەك ئۇيقۇسىز تۈنلىرىم يوقتۇر ،
سېخىيدەك قولۇمدىن ئۇچمىدىڭ بىر رەت .
يۈرىگىم كۆيىدۇ زىھنىم ئوچۇقتۇر ،
ياشاشقا ئۈندەيدۇ ئەسلى مۇھەببەت .


چېھرىڭدىن كەچمىدىم جانان ئەتمىدىم ،
نامراتلىق گېلىمنى بوغۇپ تۇرسىمۇ .
ماشىنا ، ئېسىل ئۆي ... ئارمان ئەتمىدىم ،
شەيتانلار قۇترىتىپ بەزمە قۇرسىمۇ .


ھالال تەر ، ھۈنەردىن شاھمەن گوياكى ،
سۈپسۈزۈك تاڭلاردەك پارلايدۇ ئىزىم .
بىر ئوت بار كۈل بولسام ئەل - يۇرتۇم رازى ،
كەتسەممەن چوغلۇقتەك ئۈنگۈسى سىرىم .


مەنبە ؛ قەلەم .

yalkaw

نادىر ئەسىرىڭىزگە ئاپىرىن!

yalkaw

yalkaw يوللىغان ۋاقتى  2014-1-3 12:36
نادىر ئەسىرىڭىزگە ئاپىرىن!

چېھرىڭدىن كەچمىدىم جانان ئەتمىدىم ،
نامراتلىق گېلىمنى بوغۇپ تۇرسىمۇ .
ماشىنا ، ئېسىل ئۆي ... ئارمان ئەتمىدىم ،
شەيتانلار قۇترىتىپ بەزمە قۇرسىمۇ .

ياخشى چىققان مىسىرالار .

630

ھەقىقەتەن ياخشى يىزىلىپتۇ.

ئىبنۇرى

تەشەككۈر...!

sakra

  ناھايىتى چۇڭقۇر شىئىر پىكىر بۇپتۇ،پۇل بەك مۇيىم ئامما پۇلدىنمۇ مۇيىم بۇلغىنى يەنىلا ئادەمنىڭ قىممەت قارىشى............

wolfiram

مەزمۇنى بەكمۇ ياخشى ئىكەن.ياخشى يېزىپسىز.سىزگە رەخمەت.

ah~tilek

پۇل - دۇنيانى دوست تۇتمىغان ئېسىل پەزىلىتىڭىزدىن سۈيۈندۈم سىزگە بەخت ئامەت يار بولغاي .

sarwi

پۇلنى چوڭ بىلگەن ئادەم بارغانسېى ئاچكۆزلىشىدۇ ، ئاچكۆزلۈكنىڭ  ئادەمنى باشلايدىغان يېرى غاپىللىقتۇر .

xipayi

ياخشى يىزىپسىز،ھەرقانداق ئادەم پۇلغا قۇل بولسا ئادىمىيلىكىنى يوقۇتۇپ قويىدۇ،پۇلغا خوجايىن بولسا ھەقىقى ئادەمدەك ياشىيالايدۇ.