بۇ دۇنيا ( سەرۋى )

sarwi

          بۇ دۇنيا



                  شۇنداق قىزىق ئىكەن بۇ دۇنيا ،
                  ھايات تۇرۇپ ئۆلگەنلەرمۇ بار .
                  بۇ جاھاندىن كەتسىمۇ بىراق ،
                  ھايات ياشاپ يۈرگەنلەرمۇ بار.

                 يۆلىمەسەستىن يىقىلغانلارنى ،
                 زاڭلىق قىلىپ كۈلگەنلەرمۇ بار .
                 چاپىنىدا تەرلەپ ئۆزگىنىڭ ،
                 بەخت پەيزىن سۈرگەنلەرمۇ بار.

                ھاجىتىدىن چىقماي مۇھتاجنىڭ ،
                ئاڭا قاپاق تۈرگەنلەرمۇ بار .
                 پۇل - ھوقۇقى بولغانلارغىلا ،
                 دائىم كۆڭۈل بۆلگەنلەرمۇ بار .
               
                 دوست تۇتماستىن مالۇ - دۇنيانى،
                 يوقسۇللارغا بەرگەنلەرمۇ بار .
                 قان - تەر تۆكمەي تۆھپىكارمەن دەپ ،
                 مەيدىسىنى كەرگەنلەرمۇ بار .

                ئېتىزىغا رەڭدار ھاياتنىڭ ،
                گۈل - چېچەكلەر تەرگەنلەرمۇ بار .
                خازان قىلىپ گۈلزار پەسلىنى ،
                ئۇرۇق چاچماي كەلگەنلەرمۇ بار .


                               مەنبە : ئۆزۈم

ablajan

   بۇ شېئىرىڭىز پەيزى چىقىپتۇ، بۇ شېئىرىڭىز بىلەن سىزنى قىزغىن مۇبارەكلەيمەن !

未来和田

ئىسىل شېئىرىڭىزدىن ھوزۇر ئالدىم.

راستچى

                  دوست تۇتماستىن مالۇ - دۇنيانى،
                 يوقسۇللارغا بەرگەنلەرمۇ بار .
                  قان - تەر تۆكمەي تۆھپىكارمەن دەپ ،
                 مەيدىسىنى كەرگەنلەرمۇ بار .
ماڭا  ماۋۇ مىسرالار بەك ياردى،  

تۇردى ئەبەيدۇللا

يېڭى يىلدا ياخشى شئېرىڭىزدىن ھۇزۇرلاندىم.

ئېلى

سىز بەكلا يۇقاپ كەتتىڭىز جومۇ، مۇشۇنداق پەيزى شېئىرلىرىڭىزنى بىزدىن ئايىمىغايسىز.

بۇغداي

ئادەملەرنىڭ ياخشى -يامان  مىجەز- خارەكتىرنى ئىخچام ئوبدانلا ئىپادىلەپسىز.  شېئىرنى ئۈنلۈك ئاۋازدا ئوقۇسا باشقىچە تۇيغۇ بىرىدىكەن.  رەھمەت سىزگە!!

sakra

  قىرىندىشىم سەرۋى مەن ئالدى بىلەن ئىجادىي ئەمگىەىڭىزگە تەشەككۈر بىلدۈرىمەن،يۇقۇردىكى شىئىرىڭىز راستىنلا  جەمىيەتنى ئەينەكلەپ بىرىپتۇ،تەبەككۈرى جايىدا كىشىلەر بۇ رىياللىقتىن  ئۆزىگە چۇڭقۇر مەنالار تاپالايدۇ،راس دەيسىز بەزىلەر تېرىك ياشاۋاتقىنى بىلەن ئۇنىڭ ئۆلۈكتىن قىلچە پەرقى يۇق،يەنە بەزىلەر مەڭگۈلۈك ئۇيقۇغا كەتكەن بۇلسىمى ئۇ قەلىپلەردە ،تارىقتا مەڭگۈ ھايات.ئادەم شۇنداق ياشىشى كېرەككى بىر چىشلەم نان ياكى بىر سۇمكا،بىر مىشكاپ بۇل ئۆچۈن ساتقىنلىق،قارا يۈزلىك ،كاززاپلىق قىلماسلىغى كېرەك،ۋېژدان،غۇرۇرنىڭ ئۆزى كاتتا بايلىق،ئالتۇن قانچىلىق ئەخلەت ،تۇپا ئاستىغا كۈمۈلىپ قالسىمۇ ئۇ ئۆزىنىڭ پاقىراقلىغى ۋە قىممىتىنى يۇقاتمايدۇ.يەنىمۇ ئىسىل شىئىرلىرىڭىزنى ئۇقۇشتا تەشنا مەن.

م ئاقتۇ

ياخشى يىزىپسىز

م ئاقتۇ

مۇنبەرداشلار يول كورسەتسەڭلار،باش سۇرتىمنى ئالماشتۇرالمىدىم،«باش سۇرەت ئالماشتۇرۇش»سىتۇنى ئىچىپ،ئوز سۇرىتىمنى تەھرىرلەپ بەتنى يىڭلىسام باش سۇرتىم يىڭلاندى بىراق مۇنبەرگە چىققاندىكى باش سۇرەت يىڭلانماي ئوز پىتى تۇرۋاتىدۇ،قەيەردە خاتالىق بارلىقىنى بىلەلمىدىم ،بىلگىنىڭلارنى ئايمىساڭلار