办公厅 نى تەرجىمە قىلغىلى بولماسمۇ؟

dilxikar

     مەركەز ۋە ئاپتونۇم رايونىمىزدا پارتىيە ۋە ھۆكۈمەتنىڭ كۈندىلىك ئىشلرىنى بىر تەرەپ قىلىدىغان (شەخسىي چۈشەنچەم)، خەنزۇچىدا  办公厅 دەپ ئاتىلىپ كېلىۋاتقان بىر فۇنكىسىيىلىك ئورگان بولۇپ، 办公厅 دېگەن بۇ ئاتالما ھازىرغىچە ئانا تىلىمىزغا تەرجىمە قىلىنماي  شۇ پېتى ئىشلىتىلىپ كېلىۋاتىدۇ. شۇڭا办公厅 دېگەن ئورۇننىڭ زادى نېمە ئىش بىلەن شۇغۇللىنىدىغان ئورۇن ئىكەنلىكىنى شۇ ئورۇندا ئىشلەيدىغان كىشىدىن باشقا مۇتلەق كۆپ سانلىق كىشى بىلمەيدۇ. 总统，总理，国务院 دېگەن خەنزۇچە ئاتالغۇلارنى ئۇيغۇرچىدا «باش باقان»، «باش مىنىستېر»، «دۆلەت ئىشلىرى مەھكىمىسى» دەپ ئېلىش گەرچە تىل-يېزىق كومېتىتى تەرىپىدىن قېلىپلاشتۇرۇلغان بولمىسىمۇ لېكىن يەرلىك گېزىت-ژورنال ۋە تور قاتارلىق تاراتقۇلاردا ئومۇملىشىپ قالدى.
    تىلىمىز ئەزەلدىن ئىپادىلەش كۈچىگە بايلىقى بىلەن قەدىمدىن ھازىرغىچە چەت تىللاردىن كىرگەن سۆز-ئاتالغۇلارنى تىلىمىزغا لايىقىدا تەرجىمە قىلىپ، ئۆزىنىڭ لۇغەت تەركىبىنى بېيىتىپ، مۇكەممەللەشتۈرۈپ كەلگەن. بۇ ساھەدە يېقىنقى يىللاردىن بۇيان نۇرغۇن تەتقىقاتچى، ئالىملار، تىل-تەرجىمە ھەۋەسكارلىرى ئورتاق كۈچ چىقىرىپ، بۇرۇندىن ئاتاپ ئادەتلىنىپ كەتكەن بىر قىسىم خەنزۇچە ئاتالغۇلارنى تىلىمىزغا ئوڭۇشلۇق ئاغدۇرۇپ لايىقلاشتۇردى ۋە خەلقنىڭ ئالقىشىغا ئېرىشتى، كۆپ قىسمى ئۆز تىلىمىز بويىچە ئومۇملاشتى. لېكىن نېمىشقىدۇر办公厅 ئاتالمىسى ھازىرغىچە ئۆز پېتى ئېلىنىپ كېلىۋاتىدۇ، شۇڭا بۇ ئورۇننىڭ زادى قانداق ئىش بىلەن شۇغۇللىنىدىغانلىقىنى بىلىدىغانلار ساناقلىق. تىل تەتقىقاتچىلىرى، تەرجىمانلار ۋە كەڭ تىل سۆيەر كىشىلىرىمىزنىڭ موشۇ ئاتالغۇنى ئۇيغۇرچىلاشتۇرۇش ھەققىدە ئورتاق ئىزدىنىپ بېقىشىنى تەۋسىيە قىلىمەن.
    (قوشۇمچە: 80-يىللارنىڭ ئاخىرىدا «گاڭسەر» دەپ ئاتىلىدىغان ئالدى تەرىپى تۈگمىلەنمەيدىغان، يېڭىنىڭ ئۇزۇنى ۋە قىسقىسىمۇ بولىدىغان بىر خىل سۈنئىي تالالىق مايكا چىققان ئىدى. بۇ «گاڭسەر» دېگەن ئاتالمىنىڭ خەنزۇچىدا قانداق يېزىلىدىغانلىقىنى ئېنىقلىيالمىدىم. بەلكىم بۇ ھازىر مودا بولىۋاتقان T恤  دېگەن ئاتالغۇنىڭ 80-يىللادىكى شەكلى بولۇشى مۇمكىن. لېكىن «گاڭسەر» دېگەن بۇ شالغۇت ئاتالغۇمۇ، T恤 دېگەن بۇ مودا ئاتالغۇمۇ تىلىمىزدا ئۆز پېتى ئىشلىتىلىپ كېلىۋاتىدۇ، شۇڭا بۇ ھەقتىمۇ ئاناتىلىمىزنىڭ ساپلىقى ئۈچۈن جان كۆيدۈرىدىغان ھەر بىر قېرىندىشىمىزنىڭ ئىزدىنىپ بېقىش مەجبۇرىيىتى بار دەپ ئويلايمەن).
مەنبە: قەلىمىم. 2014.01.01

Erkman

ئىشخانا، دېسەك بولاتتى، ئەمما بۇنى كىچىك كۆردۈكمىكىنتاڭ، دېگۈمىز كەلمىدى!

تۇردى ئەبەيدۇللا

تەشەككۇر،   ئەجەپ ۋاقتىدا  ئوتتۇرىغا قويدىڭىز، مەنمۇ ئۇزۇندىن بۇيان مۇشۇ ئاتالغۇلارنى ئۇيغۇرچىغا تەرجىمە قىلغىنى بولماسمۇ؟  بىزنىڭ نى-نى ئاتاقلىق تەرجىمانلىرىمىز تۇرۇپ نىمىشقا يۇقارقى ئاتالغۇلار ئۇيغۇرچىغا تەرجىمە قىلىنمايدىغاندۇ ؟  دەپ ئويلاپ كەلگەن ئىدىم.ئەجرىڭىزگە كۆپ رەخمەت.

yakup2514

办公厅 نى مىنىڭچە باش ئىش بېجىرىش ئورنى دىسەك مۇۋاپىق بولارمۇ؟يەنە 国务院 نىڭ تەرجىمىسىمۇ يوق بۇنى دۆلەت ئىشلىرى مەھكىمىسى دىسە قانداق بولا؟ئەمما دەرىجىسى تۆۋەنلەپ كېتەرمۇ؟

sakra

راس تەرجىمە قىلىنمىدى.بىزدە تىل خىلى مۇل تۇردا دەيمىنا.....

ئلىخو

نازىر ئشخانىسى بولغۇدەك

Erkman

撒德刚可太

ئۇيغارى

ئەسلىدە 办公室 بىلەن 办公厅 نىڭ فونكىسىيەسى ئوخشاش، 办公室 بولسا
ۋىلايەت، ئوبلاست، ناھىيە، شەھەرلەردە قوللىنىلىدۇ، ئۇنىڭ دائىرىسى كىچىكرەك
بولىدۇ؛ 办公厅 بولسا مەركەز ۋە ئۆلكە، ئاپتونۇم رايۇنلاردا قوللىنىلىدۇ، دائىرىسى
چوڭراق بولىدۇ. مەنا جەھەتتە ھەر ئىككىلىسىنى «ئىشخانا» دەپ ئالسا بۇلامدىكىن
دەيمەن. مەسىلەن، ناھىيىلىك پارتكوم ئىشخانىسى، ئاپتۇنۇم رايونلۇق پارتكوم ئىشخانىسى،
مەركىزىي كومېتىت ئىشخانىسى دىگەندەك.

yulghun

ناھايىتى بەلەن گەپ قىپسىز ! تىلىمىزنىڭ يوقاپ كىتىشىدىن شۇنداق ئەنسىرىگەن ئىدىم ،( بولۇپمۇ ئابدۇكىرەم ئابلىزنىڭ  «چۇشەنمىدىم » ناملىق ئېتوتىنى كۆورگەندىن كىيىن ) دىمىسىمۇ تىلىمىزغا خەنزۇ تىلى قوشۇلۇپ سۆزلىنىۋاتقان بۇگۇنكى كۇندە كىشىنى ئەندىشىگە سالماي قويمايدۇ.شۇ سەۋەپلىك تىلىمىز تەببىيلا يوقۇلۇش گىردابىغا كەپ قالغاندەكلا تۇيغۇ بىرەتتى .تىلىمىزنى ساپلاشتۇرۇش ۋەزىيەتنىڭ تەقەززاسى دىيىشكە تامامەن ھوقۇقلۇقمىز.چۇنكىي دۆلىتىمىز ئورتاق تىلنى ھازىرغىچىلىك ئومۇملاشتۇرۇشقا كۇچەۋاتىدۇ . شۇنداقلا دۆلىتىمىز ئۆز تىلىمىزنى تەرەقىي قىلدۇرىشىمىزغا ئۇنى ساپلاشتۇرۇشىمىزغا مەدەتكار .شۇ سەۋەپلىك مۇشۇنداق ئىشلار  بىزنىڭ بۇرچىمىز ھەم مەجبۇرىيتىمىز .

چەرچەن

بىزنىڭ ئىنتايىن مول تىل بايلىقىمىز بار بۇ ئاتالغۇلارنى قېلىپلاشتۇرۇپ ئۆزۈمىزنىڭ تىلىدا ئىشلەتسەك بەك ياخشى بۇلاتتى