شىنجاڭ دېھقانلار تورىدىن خۇش خەۋەر

شىنجاڭ دېھقانلار تورى

ھەممىمىز بىلىمىز، شىنجاڭ ئۇيغۇر ئاپتونوم رايونى دېھقانچىلىقنى ئاساس قىلغان كۆپ مىللەتلىك رايون. شۇ مۇناسىۋەت بىلەن دىيارىمىزدىكى ئۇيغۇر تىلىدىن پايدىلىنالايدىغان دېھقانلارغا تېخىمۇ قولايلىق يارىتىش، كەڭ دېھقانلارنىڭ زامانىۋىي ئۇچۇر ۋاستىلىرىغا بولغان ئېھتىياجىنى قاندۇرۇش ھەم شۇ ئارقىلىق دىيارىمىزنىڭ دېھقانچىلىق ئىگىلىكىنىڭ تېخىمۇ تەرەققىي قىلىشىغا تېگىشلىك ھەسسە قوشۇش مەقسىتىدە، شىنجاڭ دېھقانلار تورى رەسمىي ئېچىۋېتىلدى.
شىنجاڭ دېھقانلار تورىنى زىيارەت قىلىش ئادرېسى: www.dihan.com.cn

شىنجاڭ دېھقانلار تورى دېھقانچىلىق، چارۋىچىلىق، باقمىچىلىق، باغۋەنچىلىك قاتارلىق جەھەتلەردىكى ساۋاتلار، ئۇچۇرلار، تېخنىكىلىق بىلىملەر، بىلدۈرگۈ بىلىملەرنى ئۆزىدە مۇجەسسەملىگەن كەسپىي بېكەت بولۇپ، تور بېكىتىمىز دىيارىمىزدىكى كەڭ دېھقانلار ئۈچۈن تېخىمۇ ئەتراپلىق مۇلازىمەت قىلىش مەقسىتىدە، ھەر قايسى رايونلاردىكى دېھقانچىلىق، باقمىچىلىق، چارۋىچىلىق، باغۋەنچىلىك ساھەلىرىدە خىزمەت قىلىۋاتقان ۋە شۇ كەسىپ بىلەن شۇغۇللىنىۋاتقانلارنىڭ ئۆز رايونىدىكى مۇناسىۋەتلىك خەۋەرلەر، تېخنىكىلىق بىلىملەر، ئۇچۇرلارنى تەمىنلەپ، شۇ ئارقىلىق ئۆز رايونىدىكى تەرەققىيات ۋە ئۆزگىرىشلەردىن باشقا رايونلاردىكى قېرىنداشلارنى ۋاقتىدا خەۋەردار قىلىش بىلەن بىرگە ئۆز رايونىنىڭ تەشۋىقات ئىشلىرى ئۈچۈن كۈچ چىقىرىشىغا ئەڭ يۇقىرى چەكتە پۇرسەت يارىتىپ بېرىش مەقسىتىدە، مۇناسىۋەتلىك ساھەلەر بويىچە خەۋەر، تېخنىكىلىق ساۋات، بىلىشكەر تېگىشلىك دائىملىق ساۋاتلار، يېڭى ئۇچۇرلارنى قوبۇل قىلىدۇ ھەم تەلەپكە چۈشكەنلىرىنى شىنجاڭ دېھقانلار تورىدا ئېلان قىلىپ، شۇ رايوننىڭ تەشۋىقات ئىشلىرىنى ئەڭ يۇقىرى چەكتە قوللايدۇ.

ماتېرىيال تەمىنلەش ئېلخەت ئادرېسى: mektup@live.cn

sarbax

رەھمەت بىزدەك دېھقان مۇخبىرلارنىڭمۇ تورى بار بولدى.

Erkman

ماڭا ئوخشاش بىر دېھقان خىزمەتچىنىڭمۇ تورى بولدى! ئەمما ھەرپلەر بىنورمال كۆرۈنۈۋاتىدۇ-يا؟

kargay

بەكمۇ ياخشى بوپتۇ ،ئاپتۇنۇم رايۇنىمىزدا ياشاۋتقان ئۇيغۇرلارنىڭ كوپ قىسمى دىھقان،دىھقانلار ئۇزىنىڭ دىھقانچىلىق مەھسۇلاتلىرىنى سىتىشى ،پەن-تىخنىكا ئىگەللەش ،سىياسەت  ۋە ھوقۇق مەنپىئەتىنى قوغداش قاتارلىق جەھەتلەردە خىزمەت قىلدىغان بىر تور بەتكە ئىھتىياجلىق ،قىنى بۇ تور بەتكە كىرىپ بىر كورۇپ باقايلى..

yakup2514

بۇ ياخشى بوپتۇ بىزدەك دېھقانچىلىق ساھەسىدە خىزمەت قىلىۋاتقانلار ئۈچۈن  دېھقانچىلىق بىلىملىرىنى تور ئارقىلىق دىيارىمىز دېھقانلىرى ئۈچۈن مۇلازىمەت قىلىش پۇرسىتى يارىتىلىپتۇ .ئەسەر ئەۋەتسەك بولغىدەك.

yakup2514

ئەسەرنى قايسى ئۇسۇلدا ،قايسى ئورۇنغا يوللايمىز؟تەپسىلى چۈشەنچە بەرگەيسىزلەر.

تۇردى ئەبەيدۇللا

بەك ياخشى بوپتۇ.

ئارتۇچ

تولىمۇ ئەھمىيەتلىك ، ئېسىل ئىش بوپتۇ .

شاخناز

تولىمۇ ئەھمىيەتلىك ، ئېسىل ئىش بوپتۇ .

نازدىل

قىرىنداشلىرىمىزنىڭ ئەجرىگە تەشەككۈر ......ئىشلىرىڭلارغا ئاسانلىق ھەم ئۇتۇق تىلەيمەن