چەكسىز ئىكەن مۇھەببەتنىڭ سىھرى كۈچى
ئازادجان ئىبراھىم
ھاياتلىقنىڭ چىن سىرىنى بىلەلەيسىز،
مۇھاببەتنى ماھيىتىدىن چۈشەنسىڭىز.
يىتەلەيسىز گۈزەل ئارزۇ -ئارمانلارغا ،
ئەقىدىگە، كۈيۈنۈشكە ئىشەنسىڭىز.
بەخىت-ئامەت، خوشاللىقلا ھەمراھ ئىكەن،
مۇھاببەتنى مۇقەددەس دەپ بىلگەنلەرگە.
بىرىدىكەن كۆڭۈلسىزلىك ،پۇشايماننى،
شاختىن-شاخقا قونۇپ ئۇچۇپ يۈرگەنلەرگە.
مۇھاببەت ئۇ،ئىنسان ئۈچۈن ئۇلۇغ ئىشتۇر،
تاھىر-زوھرە،پەرھات شېرىن مىسالىدۇر.
بىربىرىگە ۋاپادارلىق كۆرسىتىشلا ،
ھەقىقى،ساپ ، مۇھەببەتنىڭ نىشانىدۇر.
مۇھاببەتنى چۈشىنىش قىيىن ئەمەس،
چۈشىنىشكە چىن ئەقىدە قىلسىڭىزلا.
چىن مۇھاببەت تەڭداشسىزدۇر بۇدۇنيادا،
مۇھاببەتنىڭ قىممىتىنى بىلسىڭىزلا.
بۇ دۇنيادا مۇھاببەتسىز ياشىغاننى،
ناپۇت قىلار ھامان بىر كۈن جەبرى-جاپا.
مۇھاببەتلىك تۇرمۇشتىن كىلەر پەقەت،
ئادەملەرگە خوشاللىق ،مىھرى ۋاپا.
ئاقىلنىڭ بېشى كۆككە تاقاشسىمۇ،
ئالدىڭدىن توغرا كېسىپ ئۆتمەيدىكەن.
ئۆچىدىكەن ھەرقانداق ئوت كۈيۈپ ھامان ،
مۇھاببەتنىڭ ئوت -يالقۇنى ئۆچمەيدىكەن.
قەدىرلىنىپ ئۆتىدىكەن بۇ دۇنيادا ،
توغرا بولسا ھەركىمنىڭ ئىش ھەركىتى.
مۇھاببەتنى ئۇلۇقلاپ ئۆتكەنلەرنىڭ ،
بولىدىكەن تاپقىنىنىڭ ھەم بەركىتى.
بۇ دۇنيادا مۇھاببەتلىك ياشىغاننىڭ ،
راۋاج تېپىپ تۇرىدىكەن ھەر بىر ئىشى.
مۇھاببەتسىز ھېچكىم گۈللەپ ياشنىمايدۇ،
چەكسىز ئىكەن مۇھاببەتنىڭ سىھرى كۈچى. | 
يوللىغان ۋاقتى