ئۈرۈمچىنىڭ كەچكۈز ئاخشىمى

سائادەت

ئۈرۈمچىنىڭ كەچكۈز ئاخشىمى

سائادەت ساتتار ئايتۇغ

ئۈرۈمچىنىڭ كەچكۈز ئاخشىمى،

قار يېغىشقا باشلىدى يەنە.

تەمتىرەيدۇ كىملەر ئالدىراش،

قايتماق بولۇپ تېزرەك ئۆيىگە.

ئۈرۈمچىنىڭ كەچكۈز ئاخشىمى،

رېستۇرانلار قاينار بەزمىدە.

ئۈمىت بىلەن سۆرەپ ھارۋىنى،

يۈرەر كىملەر تۇرمۇش غېمىدە.

ئۈرۈمچىنىڭ كەچكۈز ئاخشىمى،

ئانا يىغلار بالا دەردىدە.

پىنھانلاردا ئەتىۋار ئوغۇل،

مەستخۇش يۈرەر زەھەر كەيپىدە.

ئۈرۈمچىنىڭ كەچكۈز ئاخشىمى،

ئاللىكىملەر ئىسسىق ئۆيىدە.

سوغۇق تىترەپ دۈگدىيەر كىملەر،

كېچە بولماس ئاۋات شەھەردە.

ئۈرۈمچىنىڭ كەچكۈز ئاخشىمى،

باققال بوۋاي كونا رەستىدە.

ئالمىسىنى تىزىدۇ تاللاپ،

تىترەپ تۇرغان ئەلەملىرىدە.

ئۈرۈمچىنىڭ كەچكۈز ئاخشىمى،

قىز كۈتىدۇ سۆيگەن يارىنى.

يىگىت مەستخۇش ئۆزگە قىز بىلەن،

ئۇنتار شۇدەم ئۆيدە بارىنى.

ئۈرۈمچىنىڭ كەچكۈز ئاخشىمى،

بالا ئەنسىز قارار ئىشىككە.

ئاتا-ئانا قايتمىدى چايدىن،

ئاز قالسىمۇ سائەت ئىككىگە.

ئۈرۈمچىنىڭ كەچكۈز ئاخشىمى،

‹‹ھەمراھ خېنىم›› كۈلەر پۇرسەتتە.

قىزىل گېلەم سېلىنغان زالدا،

نەرقى تۆۋەن تۇرار ئۆچرەتتە.

ئۈرۈمچىنىڭ كەچكۈز ئاخشىمى،

ھەممە ياقتا قار ياغقانمىدۇ؟

ئۈرۈمچىدە بولمايدۇ كېچە،

ئۆزگە يۇرتتا تاڭ ئاتقاندىمۇ؟

ئۈرۈمچىنىڭ كەچكۈز ئاخشىمى،

كىملەر خۇشال، كىملەر پەرىشان.

مۇز تۇتمايدۇ بۇ يەردە ئۆستەڭ،

مۇز تۇتسىمۇ تارىم-زەرەپشان.

ئۇيغارى

بۇ شىئېردا ئۈرۈمچى جەمئىيىتىدىكى كىشىلەرنىڭ تۇرمۇشى، روھىي ھالىتى
جانلىق ئەكس ئەتتۈرۈلۈپتۇ، تۇرمۇش پۇرىقى كۈچلۈك ئىكەن.

yakup2514

بۇ شېئىردە مەركىزى شەھەر ئۈرۈمچىدە تۇرمۇش كەچۈرىۋاتقان ھەرخىل تىپتىكى كىشىلەرنىڭ مەشغۇلات-تۇرمۇشى جانلىق روشەن ئىپادىلەنگەن كۈچلۈك پۇراققا ئىگە شېئىر بوپتۇ .قولىڭىزغا دەرت كەلمىگەي .

ئەلشىر

سائادەت ساتار خانىم  بۇ شېرىڭىزنى خۇدى ئۇرۇمچىنىڭ پۇتۇن كۇچىلىردا  تەكشۇرۇپ تەتققى قىلىش  ئىنىچكە تەسىراتلىرىڭىز  ئارقىلق  جانلىق سۇپەتلەپ ، چوڭقۇر ئوي پىكىرلىرڭىزنى خەزەپ - نەپرەتلىرىڭىزگە  مۇجەسەلەشتۇرۇپ ئىلمى يۇسۇندا يېزىپ چىقانلىقڭىزدىن يۇرەك تارىم پىلدىرلاپ سىزگە شاگىرىت بۇلىمەن دەپ ئىلتىماس  قىلىش ئالدىدا تۇرۋاتىمەن .

Erkman

Bu insan barliki jemiyette shundaq bir hadise bolsa kérek
Ürümchinila shundaqmikin, désem Kashgher, Ghulja, Aqsu,  Kucha, Korla qatarliq sheherlermu shundaq iken

ئېلى

ئۈرۈمچىگە بارغاندەك بولدۇم، مەھەللەمگە بولغان مىھرىم تېخىمۇ كۈچەيدى.

Erkman

ئېلى يوللىغان ۋاقتى  2013-12-31 11:33
ئۈرۈمچىگە بارغاندەك بولدۇم، مەھەللەمگە بولغان مىھرىم  ...

شۇنداق، سىز ياشاۋاتقان ئۇ مەھەللە ئاجايىب مېھرى ئاتەش بىر ماكان، بولسا ئاشۇ مەھەللىدىن ھېچ يەرگە بارماڭ، مەن ھېلىھەم شۇ مەھەلەمنى تاپالماي ئاۋارىمەن ...

نازدىل

سائادەت ھەدە ، شىئىرىڭىز تولىمۇ ياخشى چىقىپتۇ ، بۇندىن كىيىنكى ئىجادىيىتىڭىزنىڭ تىخىمۇ ئۇتۇقلۇق بولىشىنى تىلەيمەن

sakra

تۇلىمۇ يىقىملىق ئەسەر بۇپتۇ....

م ئاقتۇ

ناھيايىتى ياخشى يىزىلىپتۇ،تىلى راۋان،مەزمۇنى مول،ئاددى تىل بىلەن چوڭقۇر مەنالارنى ئولتۇرغا قويۇپسىز،باركالا سىزگە،يىڭى يىلدا يىڭى نەتىجىلەر سىزگە يار بولسۇن