بۇ بىر يىلنى يىغىنچاقلاپ باقامدۇق؟

تەڭرىتاغ

بۇ بىر يىلنى يىغىنچاقلاپ باقامدۇق؟

    مانا ھەش-پەش دېگۈچە 2014- يىلغا قەدەم قويۇش ئالدىدا تۇرۇۋاتىمىز، ھەر بىرەيلەن ئۈچۈن ئېيتقاندا بىز بۇ بىر يىلدا ئاز بولمىغان ئىشلارنى قىلدۇق، ئاز بولمىغان نەتىجىلەرنى قازاندۇق. ھەممەيلەن ئۆزىمىزگە تۇشلۇق ئالدىراشلىقىمىز بىلەن 2013- يىلنى ئۇزۇتۇپ قويۇش ئالدىدا تۇرۇۋاتىمىز. ئەمدى مۇنبەرداشلاردىن بىر سوئال سورىغۇم كېلىۋاتىدۇ؟ سىلەرنىڭ 2013-يىلىڭلار زادى قانداق ئۆتتى؟ بەلكىم نۇرغۇنلىغان مۇنبەرداشلار ئەھمىيەتلىك ئۆتتى دەپ جاۋاپ بېرىشى مۇمكىن، ئۇنداقتا ئەھمىيەتلىك يېرى قەيەردە؟ سىلەر ئۆتكۈزگەن بۇ بىر يىلىڭلاردىن رازىمۇ؟ بۇ بىر يىلدا پىلانلىغان ئىشلىرىڭلارنىڭ ھەممىسىنى ئورۇنداپ بولالىدىڭلارمۇ؟ كۆپچىلىكنىڭ ئۆزىنىڭ بۇ بىر يىلدا نېمىلەرنى قىلغانلىقىنى ئويلانغاچ كەڭ مۇنبەرداشلار بىلەن ئەركىن-ئازادە مۇنازىرىلىشىشىنى چىن كۆڭلۈمدىن ئۈمىد قىلىمەن.

تەڭرىتاغ

بەلكىم تورداشلار قايتۇرۇپ ئۆزىڭىزنىڭچۇ دەپ سورىشىڭلار مۇمكىن، مېنىڭ بۇ بىر يىلىم ناھايىتى ئالدىراشچىلىق ئىچىدە ئۆتتى، پۈتۈن ۋۇجۇدۇم بىلەن ئۆز خىزمىتىمگە كىرىشىپلا كەتتىم، شۇنچىلىك ئالدىراشچىلىق ئىچىدە ئۆتتىكى ناھايىتى تېز ئۆتۈپ كەتكەندەك ھېس قىلدىم، ھازىرقى خىزمەت ۋە تۇرمۇش ئەھۋالىم ياخشى، كېلەر يىلى تېخىمۇ ياخشى نەتىجىلەرنى قولغا كەلتۈرۈشكە ئىشەنچىم كامىل.

راستچى

بىر يىل جاپالىق ئىشلەپ، سېلىقنىڭ كۆپلىگىدىن  قولغا قالغاننىڭ تاينى يوق، يىل تۈگەپتۇ،

گۈلگۈل

ئارقامغا قارىسام ئۆتكەن بىر يىل شۇنچىلىك تېز ئۆتۈپتۇ،ئۆتكەن ئىشلارنى ئويلىسام بۇ بىر يىلدا شۇنچە كۆپ ئىشلار يۈز بېرىپتۇ.باشقىلار سەۋەبىدىن كۆڭلۈم ئازار يەپ ،تالاي كۈنلەرنى ئازاپ ئىچىدە ئۆتكۈزۈپتىمەن.بەلكىم مەنمۇ باشقىلارنىڭ كۆڭلىگە ئازار بەرگەندىمەن.بەلكىم مۇشۇ دەملەردە باشقىلارمۇ مەن ئۈچۈن ئازابلىنىۋاتقاندۇ.مەيلى قانداق بولىشىدىن قەتئىينەزەر ئۆتكەن يىللار ئۆتتى؛ئەمدى مەن ئالغا قاراپ يېڭى يىل،يېڭى كۈننى كۈتىۋېلىشىم كېرەك.مەن ياخشى كۆرگەن،مېنى ياخشى كۆرگەنلەر ئۈچۈن تېخىمۇ ياخشى ياشىشىم كېرەك.

未来和田

بۇ بىر يىلدا پىلاننى ئورۇندايمەن دەپ ئالدىراش ئۆتكەن بولساممۇ لېكىن ناھەقچىلىق كۆپ بولدى.

بۇغداي

يىلنىڭ بېشى شۇنداق ياخشى بولىۋىدى  يېرىمىدىن كېيىن كۆڭۈلسىزلىكلەر باشلاندى ، يېقىن ئىككى تۇغقىنىمدىن ئايرىلىپ قالدىم.( ئاللاھ ئاخىرەتلىكىنى ئاسان قىلسۇن!).  تېخى ئالدىنقى ئايدىكى بىر سودىدا خىلىلا كۆپ زىيان تارتىۋالدىم... ھەييي ئىشقىلىپ بۇ يىلقى پىلان -پىلان بولماي ، ئۆيدىكى ھېساپ تالاغا توغرا كەلمەي دېگەندەك ئالدىراش ئۆتۈپ كەتتىم تۈزۈك نەتىجىمۇ يوق. ئاللاھقا كۆپ شۈكرى يېڭى يىلغا ئىشەنچ ھەم ئۈمىد بىلەن كىرىمەن.

xipayi

مىنىڭ  بۇ يىلىم تولىمۇ ئالدىراشلىقتا ئۆتتى،بۇ بىر يىلدا ئىرىشكىنىم ھىكمەت ئۈنچىلىرىم دىن ئۈچ پارچىسى شىنجاڭ مەدەنىيتى ژورنىلىدا ئىلان قىلىندى،يەنە توت پارچىسى ئۈرۈمچى كەچلىك گېزىتىدە ئىلان قىلىندى،بىر قىز بىر ئوغلۇمنىڭ تويىنى مۇۋەپپىقىيەتلىك قىلىۋالدىم،11-ئايدا  10 كۈن گۇاڭجۇ،شىنجىن ،جۇخەي قاتارلىق شەھەر رايۇنلارنى ساياھەت ئىكىسكۇرسىيە قىلغاندىن باشقا يەنە ئاۋمىن ئارىلىنى پاراخۇت بىلەن يىقىن ئەتىراپىدىن ئىكىسكۇرسىيە قىلدىم، 10 پارچىدىن كۆپراق شىئېر يازدىم ھەم مۇنبەردە ئىلان قىلدىم،  يىل بىشىدا بىر ئادەمنى رەنجىتىپ قويغان ئىدىم ،يىل ئاخىردىن بۇرۇن ئەپۇ سوراپ يىقىن دوستلاردىن بولىۋالدىم،  ئائىلەمدىكىلەر بىلەن ئىناق ئۆتتۈم ،يوقۇتۇپ قويغانلىرىم ،ئالدىراشلىقتا ئۇرۇق-تۇققان دوستلارنى ياخشى يوقلىيالمىدىم،ئاتا-ئانامنىڭ قەۋرىسىنى پات-پات يوقلىيالمىدىم، خۇلاسى كالام بىر يىل قىرىدىم، ئارزۇيۇم يىڭى يىلدا تىخىمۇ تىرىشىپ يىڭى نەتىجە يىڭى غەلبىلەرنى جولغا كەلتۈرۈشكە تىرشىمەن، بولۇپمۇ خۇدا خالىسا تىنىم ساق بولسىلا ئۇرۇق -تۇققان  دوستلارنى يوقلاپ تۇرىمەن،ئامال بار ھىچكىمنىڭ كۆڭلىنى ئاغرىتمايمەن، شىئېر ۋە ھىكمەت ئۈنچىلىرى ناملىق بىر كىتاپ چىقىرىش ئارزۇيۇم بار ، يۇرتۇم ۋە خەلقىم ئۈچۈن كۆپراق ياخشى ئىش قىلىپ بەرسەم دەيمەن

ئەلنۇر

   قاراپ باقسام بۇ بىريىل خۇددى بىر ئايدەكلا ئىنتايىن تېز ئۆتۈپ كېتىپتۇ.باھار كەلدى دەپ بولغۇچە كۈز كېلىپ،مانا يەنە بىر باھارنى كۈتۈۋېلىش ئالدىدا تۇرۇپتىمىز.
  تولا ئويلىنىپ قالىمەن:كىچىك چاغلىرىمدا ۋاقىت ئۆتكۈزەلمەي بەك قىينىلاتتىم،ھېيت-بايرام كېلىدىغان كۈنلەرنى ساناپ بەك تەستە ئۆتكۈزەتتىم.مانا ھازىر بولسا كۈنلەرنى ئاستا ئۆتكۈزەلمەي ئاۋارە.
    بۇ بىر يىلىم ئىنتايىن ئالدىراشچىلىق ئىچىدە پىلانغا ئالغان ئىشلىرىمدىن كۆپىنى قىلالماي،پىلانغا ئېلىنمىغان بىر مۇنچە ئىشلارنى قىلىپ ئۆتكۈزۈپتىمەن. ئىشقىلىپ ئەھمىيەتسىز دەپ ئېيتالمايمەن،ئەمما بەك ئەھمىيەتلىك دەپمۇ ئېيتالمايمەن.
   ئەڭ ئەپسۇسلانغىنىم شۇكى:ئۆز خىزمىتىمدە پىلانغا ئالغان بىر مۇنچە ئىشلىرىم بار ئىدى،تۈرلۈك سەۋەبلەر تۈپەيلىدىن قىلالمىدىم.بۈگۈنكى بىر ئىش سەۋەبىدىن شۇنداق ئىرادىگە كەلدىم:يېڭى يىلدا قانداق ئىش بولۇشىدىن قەتئىينەزەر خىزمىتىمدىكى پىلانغا ئالغان دائىرىدىكى ئىشنى چوقۇم قىلماي قويمايمەن،تىرىشىمەن.(ئاللاھ ئىگەم مەدەت بەرسە)

Erkman

بۇ بىر يىلنى  سەھرادا ھەم جاپادا، ھەم شان-شەرەپتە ئۆتكۈزدۈم، شەرەپسىزلەردىن بولۇپ قالمىدىم! بىر يىللىق ھاياتىمدىن ھۆددەس ئۆكۈنمىدىم، ئەمما مەن ئۆكۈنىدىغان ئىشلار بەك كۆپ بولدى، تالاي كۈنلەر گېلىمدىن غىزا ئۆتمىدى، تالاي تۈنلەر كۆزۈمگە ئۇيقۇ ئىلىنمىدى، تالاي چاغلىرىمنى چىشلىرىمنى غۇچۇرلىتىپ، دېھقانلارنى بوزەك قىلغانلارغا ھومىيىپ ئۆتكۈزدۈم. قولۇمدىن كېلىشىچە بەزى ئىشلارنى قىلىپ باقتىم، يۇقىرىغا قاتراپ نەچچە مىليون يۈەنلىك تۈر مەبلىغىنى ھەل قىلىپ، يامغۇرلۇق كۈنلەردە ۋە ئەتىيازدا ئايىقىمنى سالدۇرۇۋالىدىغان  پاتقاق يوللارنى يوق قىلىش ئۈچۈن   13 كلومېتىر قاراماي يول ياسىدىم،  دېھقانلارنىڭ سۇ تالىشىپ  جېدەللەر قىلىدىغىنىنى كۆرۈپ 13 كىلومېتىر تۇرۇبا ياتقۇزۇپ دېھقان ئۆيلىرىگە تۇرۇبا سۈيى ئېلىپ كىردىم،  يەنە قاغجىراپ كېتىۋاتقان  دېھقان ھويلىلىرىنى  كۆرۈپ ئىىچىم سىيرىلىپ، دېھقانلارنىڭ ھويلا-ئاراملىرىغا سۇ يەتكۈزۈش ئۈچۈن  8 كىلومېتىر سۇ سىڭمەس ئېرىق ياساتتىم،  قاراڭغۇدا تاپشۇرۇق  ئىشلىيەلمەيۋاتقان بالىلارنى كۆرۈپ 200 دەك ئائىلىنىڭ  توكىنى  تارتىپ يورۇق قىللدىم. يەنە،  يەسلى سېلىشقا  پۇل ھەل قىلغان بولساممۇ قىش كىرىپ كېتىپ بۇ قۇرۇلۇشنى كېلەر يىلىغا قالدۇردۇم، كەنتنىڭ 70-يىللاردىكى ئەبجەق كەنت ئىشخانىسىنى يېڭىدىن سالدۇرۇش ئىشىنى كېلەر يىلىغا قويدۇم!

ھەر قېتىم كەنتكە نامرات دېھقانلار شۈمشىيىپ كەلگەنلىرىدە بەك ئازابلاندىم، يوشۇرۇن ياشلار تۆكتۈم، يۈرىكىم تىلغانغاندەك ئېچىشتى ...

تەڭرىتاغ

بۇغداي يوللىغان ۋاقتى  2013-12-26 13:23
يىلنىڭ بېشى شۇنداق ياخشى بولىۋىدى  يېرىمىدىن كېيىن كۆڭ ...

بۇ دۇنيا ھېچكىمگە باقىۋەندە ئەمەس، كۆڭلىڭىزنى يېرىم قىلماڭ، ياخشى كۈنلەر تېخى ئالدىمىزدا...