تالاشتۇق ( سەرسانى )

sarsani

             ئەسسالامۇ - ئەلەيكۇم . تەڭرىتاغ مۇنبىرىدىكى بارلىق مۇنبەرداشلار . شېئىرىمنىڭ نۇخسانلىرى كۆپ ، بەلكىم بىر تەرەپلىمە قاراشلار بار بۇلىشى مۇمكىن . شۇڭا كۆپچىلىكنىڭ توغرا چۈشۈنۈپ تۇرۇپ ئوقۇشىنى ئۆمۈد قىلىمەن . رەھمەت . قىممەتلىك تەكلىپ پىكىرىڭلارنى ئايىمىغايسىلەر . رەھمەت .  

                                                  تالاشتۇق


                                    ئالىمجان تۇرغۇن (سەرسانى )


                           شۇنچە كەڭ يول، پېتىشماي ،خان يولىنى تالاشتۇق ،
                          پاك ھالاللار قەدىرسىز ، «مەينەت»   لەرنى تالاشتۇق  .
                           ئىسىل خىسلەت ئۇنتۇلدى ، روھىمىزنى قۇم بېسىىپ ،
                          ئىرىشمەككە  شان  شەرەپ  ئىتلار  كەبى  تالاشتۇق  .


                           بىر تۆشەكتە تەڭ يېتىپ ئۇخلىشاتتۇق بىر ۋاقىت ،
                          نۆۋەتلىشىپ كىيەتتۇق ، بىر چاپاننى بىر ۋاقىت  .
                           ئاكا  ،  ئىنى ، قېرىنداش سۆيۈنەتتۇق بىر ۋاقىت  ،
                          بۈگۈن ئاتام كۆز يۇمدى ، ئەتە مىراس تالاشتۇق .


                           كۆزىمىزگە  مىخ  بولدى  ، ئىگىز  ئۇچسا  بەزىلەر  ،
                          سانسىز ئورا كولىدۇق ، « ھەق »تىن بۆلەك كىم بىلەر  .
                           يەتتە  نەزىر  ئۆتكۈچە  قىلالمىدۇق  « سەبىر»  لەر ،
                          قەبرىدىمۇ  ياتقۇزماي  ، غەيۋەت  قىلىپ  تالاشتۇق  .


                           شان قازاندى بىرىمىز ، بۈگۈن  تالماي  ماختىدۇق  ،
                          قوش قول بىلەن قوللىدۇق « زادى ئەركەك»كەن  دىدۇق .
                           ئېزىپ كەتسە بىر سۆزدىن ، ھەممە بىر بوپ تىللىدۇق ،
                          خالى ئەمەس ھىچ بىر جاي ، تورلاردىمۇ تالاشتۇق  .



                          ئىدارىگە  يۇقىردىن  خىزمەت   گۇرپپا  كەلدىلەر  ،
                       « تەقدىرلەشكە لايىقكەن » ماختاپ شۇنداق دىدىلەر  .
                          لېكىن  يامان  بولغىنى  پەقەت  بىر  سان  بەردىلەر  ،
                         دادام  بىلەن  تۆھپىنى  دۈشمەن  كەبى  تالاشتۇق  .



                          ئاتا - ئانا  قېرىدى ،«  ۋاقتىمىز  يوق »  بارمىدۇق  ،
                         بۈشۈك تويمۇ ، قاتار چاي ، ھىچ بىر يەردىن قالمىدۇق  .
                          بېسىلمىدى  نەپسىمىز  ،  ھەر  نەرسىدىن  يانمىدۇق ،
                         ھارام  ئىدى  ھاراقمۇ  ،  زەمزەم  كەبى  تالاشتۇق  .


                          ساقالغا  ئاق   ئارلاشتى   ،  قېرىغاننى   بىلمىدۇق  ،
                         گۈلدەك قىزنى ئالغان ياش ، گاھ قەدرىگە يەتمىدۇق  .
                          مۇھەببەتلىك  خاتىرجەم  بىر  ئائىلە  قۇرمۇدۇق  ،
                         ئاتا    بالا   بىر   قىزنى   ئاشنىلىققا    تالاشتۇق  .   


                         ماختاندۇق بىز« قايسى قىز قول ئاستىمدا گۈزەل»  دەپ  ،
                        « ئىشتىن بوشا ھازىرلا »  دىسەم ، ھەردەم ئۈنەر دەپ  .
                          پۇلنى باغلام تاشلىسام  ، ھەر  نەرسىگە كۆنەر دەپ  ،
                         ماختىنىشقا   سورۇندا  ،  سۆز   نۆۋىتى    تالاشتۇق  .



                          نەسىھەتلەر ياغدىلەر ، ئاڭلىمىدۇق ، ئالمىدۇق  ،  
                          بارچە گۇناھ ھارامدىن بىزلەر مەھرۇم قالمىدۇق  .
                          كۈندە ئىشرەت يولىدا ، مېڭىۋاتىمىز ھارمىدۇق  ،
                         ئويلان ! شۇنداق قىلىپ بىز ، دوزاقنىمۇ تالاشتۇق  .

                               مەنبە : ئالىمجان تۇرغۇن (سەرسانى)

                                  2013 - يىلى نويابىر  ئەنخۈي

Erkman

بۇ مۇنبەردە دوللار سۆيۈنچە قىلىدىغان كۆزنەك يوقاپ كېتىپتا؟ ياخشى ئەسەرلەرگە سۆيۈنچە تەسەددۇق قىلاتتۇق ئەمەسما!!!

باھاردا

    ساقالغا  ئاق   ئارلاشتى   ،  قېرىغاننى   بىلمىدۇق  ،
                         گۈلدەك قىزنى ئالغان ياش ، گاھ قەدرىگە يەتمىدۇق  .
                          مۇھەببەتلىك  خاتىرجەم  بىر  ئائىلە  قۇرمۇدۇق  ،
                         ئاتا    بالا   بىر   قىزنى   ئاشنىلىققا    تالاشتۇق  .
   نەسىھەتلەر ياغدىلەر ، ئاڭلىمىدۇق ، ئالمىدۇق  ،  
                          بارچە گۇناھ ھارامدىن بىزلەر مەھرۇم قالمىدۇق  .
                          كۈندە ئىشرەت يولىدا ، مېڭىۋاتىمىز ھارمىدۇق  ،
                         ئويلان ! شۇنداق قىلىپ بىز ، دوزاقنىمۇ تالاشتۇق  

شىېرنى نادىر تېما قاتارىغا كىرگۈزۈپ قويغىدەك شىئېركەن  باشقۇرغۇچىلار  قىنە سىلەر   دىمىسۇ ھازىرقى   تۇرمىسىمىزنىڭ كارتېنىسى ئەينەن ئىپادىلىنىپتۇ  

hokumran

باھاردا يوللىغان ۋاقتى  2013-12-8 10:37
ساقالغا  ئاق   ئارلاشتى   ،  قېرىغاننى   بىلمىدۇق  ،
      ...

باھاردا خانقىز:

ئارتۇقچە ھاياجانلىنىپ كەتتىڭىزمۇ قانداق؟ ئەجەبا جاھاندىكى ناچار ئىللەتلەرنىڭ ھەممىسىنى ئۆزىمىزگە مەجبۇرى ‹‹تېڭىۋېلىشىمىز›› كېرەكمۇ؟

شېئىردا تەسۋىرلەنگەن تۇرمۇش كارتىنىسى قايسى قىتئە، قايسى دۆلەت، قايسى مىللەت كىشىلىرى تۇرمۇشىدىكى ئومۇملۇققا ۋەكىللىك قىلالايدىكەن؟. شۇنداق ھادىسىلەر بىر مىللەتتە ئومۇميۈزلۈك ساقلاندى دېگەندىمۇ ئۇ ھەرگىزمۇ بىزنىڭ مىللىتىمىز ئەمەس.
بىز نېمىشقا داۋاملىق ناچار ئىشلارنىلا كۆرۈپ ياخشى ئىشلارغا كۆزىمىزنى يۇمۇۋالىمىز؟ ‹‹ئاتالمىش›› يازغۇچى، شائىرلىرىمىز نېمىشقا قاۋاقخانا، پاھىشخانىلارنىڭ سىرتىغا چىقالمايدۇ؟ تۇرمۇشنىڭ ئېغىر يۈكىنى شىللىسىگە ئارتىپ، ئەۋلادلىرى ئۈچۈن قان-تەر ئاققۇزۇۋاتقان جاپاكەش ئاتىلار، ئۆمۈر بويى ئائىلە، بالا دەپلا ئۆتىدىغان مېھرىبان ئانىلار، مېھىر-مۇھەببەتلىك قەلبىدىن مېھىر ئۇرۇقى چېچىپ باشقىلارنىڭ قەلبىنى ئىللىتىۋاتقان ساخاۋەتچىلىرىمىز، تۇرمۇشتا باشقىلارغا ئۈلگە بولۇپ ياشاشنىڭ ھەقىقىي مەنىسىنى دۇنياغا جاكارلاۋاتقان ياشلىرىمىزنىڭ ئىش-ئىزلىرى نېمىشقا ئۇلارنىڭ نەزىرىگە چۈشمەيدۇ؟ شۇلارغا كەلگەندە قەلىمىنىڭ رېڭى تۈگەپ كېتىپ قالىدۇ؟
يازغۇچى، شائىرلار ئاۋال ئۆز روھىيىتىدىكى مەينەتچىلىكلەرنى سۈپۈرۈپ تاشلاشقا جۈرئەت قىلالىسا، ئاندىن خەلققە ياققۇدەك نادىر ئەسەرلەرنى ۋۇجۇدقا چىقىرالىشى مۇمكىن. بولمايدىكەن، ئۇلارنىڭ يازغانلىرى ئەل نەزىرىدىن چۈشۈپ قالىدۇ.

باھاردا

hokumran يوللىغان ۋاقتى  2013-12-8 11:47
باھاردا خانقىز:

ئارتۇقچە ھاياجانلىنىپ كەتتىڭىزمۇ قا ...

ياقەي ھاياجىنىمنى باسالمايدىغانغان  ئاياللاردىن ئەمەس مەن!!  ئەمىلىيەتنى چىقىش نۇختىسى قىلىپ يىزىپتىكەن باھا بىرېپ قويدۇم  توغرا كاۋاپچى ئالىمجانلارمۇ چىقتىغۇ  تەغدىرلەشكە تىگىشلىك !!!!!

باھاردا

شېئىردا تەسۋىرلەنگەن تۇرمۇش كارتىنىسى قايسى قىتئە، قايسى دۆلەت، قايسى مىللەت كىشىلىرى تۇرمۇشىدىكى ئومۇملۇققا ۋەكىللىك قىلالايدىكەن؟.        ما  گىپىڭىز توغرا    ئومۇملۇققا ۋەكىللىق قىلاممايدۇ                 شۇنداق ھادىسىلەر بىر مىللەتتە ئومۇميۈزلۈك ساقلاندى دېگەندىمۇ ئۇ ھەرگىزمۇ بىزنىڭ مىللىتىمىز ئەمەس

sarwi

ھەممە كۆڭۈل بۆلىدىغان مەزموننى ئوتتۇرىغا قويۇپسىز ، بىراق ئەسەردىكى بەزى مىسرالاردىكى سۆزلەرنىڭ ئاھاڭدارلىقى كۈچلۈك بولماي قاپتۇ . مەسىلەن : 1- كوبلېتتىكى ‹ تالاشتۇق › سۆزىنىڭ ئالدىغا كەلگەن سۆزلەرنىڭ ھەممىسى ئۆزئارا  قاپىيداش كېلىشى كېرەك ئىدى . بۇنىڭدىن كېيىنكى ئىجادىيىتىڭىزدە مۇشۇ نۇقتىلارغا دىققەت قىلسىڭىز بولغىدەك .

  سەمىمىي پىكرىم قوبۇل قىلسىڭىزكەن . سىزگە ئۇتۇقلار تىلەيمەن !