بىر ئەركەكنىڭ سۆيۈشىگە يارايمەن.

قەھۋە

بىر ئەركەكنىڭ سۆيۈشىگە يارايمەن.


سۆيۈپتىمەن مېھىر بىرىپ مەن سىنى،
مەجنۇن بولۇپ ئەتراپىڭدا ئايلىنىپ.
كېلەلمىسەڭ ئەگەر ئۆيگە بەزىدە،
تاڭ ئاتقۇچە سىنى كۈتتۈم تەلمۈرۈپ.


كۈتۈپ باقتىم بىردەم تۇرۇپ كىلەر دەپ،
ساڭا ساقلاپ سەندىن شۇنداق ئەنسىرەپ.
ئۇچۇر يوللاپ كۆزۈم سەككىز بولدى دەپ،
جاۋابىڭ يوق بەك رەنجىدىم بولدى دەپ.


كۆزگە ئۇيقۇ كەلمەيدىكەن سېنى دەپ،
تاڭ ئاتقۇزدۇم سېنى تېزراق كىرەر دەپ.
بانا بولدى ئاچچىغىمدا دىگەن گەپ،
ئاجىز تىنىم زەپ چەيلەندى تاياق يەپ.


ئاچچىق كىسەر ئىكەن ئېسل دىگەننى،
ئاياپ قويغىن ياش قۇرمىغان كۆزۈمنى.
ئازار يىگەچ ساڭا سادىق پاك كۆڭلۇم،
قۇيارغا جاي تاپالمىدىم ئۆزۈمنى.


بىلىپ قويغىن، مەن ھەققىي بىر ئايال،
بىر ئەركەكنىڭ سۆيۈشىگە يارايمەن.
مىنى سۆيگىن باشقىلارنى سۆيمىگىن،
ئۆمۈر بۇيى يوللىرىڭغا قارايمەن.


مەنبە :ئۆزۈم.

2013-يىلى 1-ئاينىڭ 2-كۇنى.     چۈشتىن كىيىن.

1772005701

ياشاپ كىتىڭ!!!لىكىن ھاراق كەشنى كۈتمەڭئۇ ئىشىك ئالدىڭىزغا مەڭگۈەە ئاياق باسمىسۇن!!!

ئارتۇچ

رەققاس

قەھۋە ئىچكەچ ئۇسسۇل ئوينىسا بەك ياخشى بولۇدىكەن...شئىرنى ياختۇرۇپ قالدىم...

تۇرغان

ياخشى يېزىپسىز لىكىن سۆيۈش بىلەن خارلىنىش ئوتتۇرىسىدا تىڭرىقىماڭ...

maptun

دانالىرىمىز شۇنداق ئېيتقان:
  
    ‹‹دۇنيانىڭ بەخت-سائادىتىنى ئەرلەر ياراتسا،دۇنيانىڭ گۈزەللىكىنى ئاياللار يارىتىدۇ››-دەپ.ئەمما ئەرلەرنىڭ كۆيۈنىشىكە،ئىللىق مېھر-مۇھەببىتىگە نائىل بولالمىغان ئايالدا گۈزەللىك تۇيغۇسى مەۋجۇتمۇ؟بۇنداق ئايالنىڭ دىلى سۇنۇق،پەرزەنتلەرنىڭچۇ؟بەختى پۇچەك.........

   قەلەم قۇۋۋىتىڭىزگە ئاپىرىن،تېخىمۇ ئالقىشلىق، نادىر تېمىلارنىڭ ئىجتىھادلىق يازغۇچىسى بولغايسىز!

قەھۋە

maptun يوللىغان ۋاقتى  2013-10-25 00:04
دانالىرىمىز شۇنداق ئېيتقان:
  
    ‹‹دۇنيانىڭ بەخت-سائا ...

ياقتۇرغىنىڭىزغا رەخمەت.

yaalla

سۆيۈش بەخىت ھېساپلىنامدۇ سۆيىلىشمۇ ؟

بۇغداي

ئىككى يۈرەك قىسمەتنىڭ ئۇلى ، ئىككى يۈرەكتىن قىسسە باشلىنىدۇ....
ئەر ياكى ئايالنىڭ ئائىلىسىگە قىلغان مەسئۇلىيەتسىزلىكى نۇرغۇن كۆڭۈلسىزلىككە سەۋەپ بولىدۇ.  ئۈمىد، تىلەش، چۈشىنىش، كۆيۈنۈش،ساداقەت،سەۋرىچانلىق.......ئاخىرىدا ‹‹ يار چىشلىگەن غورا ، ۋازىغا تىزىلغان ئالمىدىن لەززەتلىك›› دېگەندەك سۆيگۈ بېغىغا ئەكىرىشى مۇمكىن.
ياخشى يېزىپسىز، بەرىكەتلىك بولغايسىز....!!

azat007

ئاچچىق كىسەر ئىكەن ئېسل دىگەننى،
ئاياپ قويغىن ياش قۇرمىغان كۆزۈمنى.
ئازار يىگەچ ساڭا سادىق پاك كۆڭلۇم،
قۇيارغا جاي تاپالمىدىم ئۆزۈمنى.

بۇ مىسرالىرى ماڭا  بەك ياقتى قالتىس