تەنبۇر....‹‹مەيپۇرۇچ››

1772005701

تەنبۇر

مەخمۇت سەلەي(مەيپۇرۇچ)



سەن دىلىمدا پۈتمەس بوشلۇق ئارىسى تەنبۇر،

ئائىيلەمدە يۈتمەس خوشلۇق بارىسى تەنبۇر.

دادام بىريان، بالام بىريان، (سەنۇبەر) ھەرئان،

سەن بىزلەرنىڭ يۈرەك،جىگەر پارىسى تەنبۇر.

سەنئەتكارمەن،سەنئەت سەن –قولۇمدا ھەردەم،

سەندىن ھەرگىز ئايرىلمايمەن تارتساممۇ ئەلەم.

ئاۋاز بەرسۇن دەيمىز ئەلگە بىز باسقان قەدەم،

بۇ دۇنيادا ئاشىقنىڭ دىل يارىسى تەنبۇر.

بىلدىم شۇنى چېلىپ بېقىپ باشقا سازنى مەن،

ئاۋازىدىن ھىس قىلدىمكى ئۆردەك،غازنى ھەم.

ئەسكە سالسا ئۆتكەن يىلقى باھار-يازنى ھەم،

دىدىم شۇندا بارچە ساز گۈل تاجىسى تەنبۇر.

كۆڭۈل كۆكسۇڭ كەڭكەن سىنىڭ قوللايسەن نەينى،

قاۋاقلاردا ئىغاڭلاپ ھەم ئىچمەيسەن  مەينى.

بىر ئوبدانلا كىتىۋىتىپ قىلمايسەن قەينى،

ئەدەپ-ئەخلاق مىيزانىنىڭ قازىسى تەنبۇر.

كىم ياسىغان بولسۇن بىزگە مەشرەپتىن قالدى،

قاي دەۋىردە ئاللا كىملەر-روزاخۇن چالدى.

جامىي بىلەن نۇر مۇھەممەت ساڭا ئىز سالدى،

بۇلۇپ قالدىڭ سەن سەنئەتنىڭ ئازىسى تەنبۇر..

2013－10－7
مەنبە ئۆز ئىجادىيىتىم.

ياشار

  ياخشى يېزىپسىز. ئەتىگەندىلا تەمبۇر ئېسىڭىزگە كېلىپ قاپتۇغۇ؟....

sakra

رىيال قىممىتى يۇقۇرى،چىنلىققا تۇيۇنغان ئەسىرىڭىزدىن بەكلا ھۇزۇرلاندىم ،تەشەككۈر قىرىندىشىم.......

ئەرك2

كۈيلەر شاھى تەنبۇر،
بېرىدۇ دىلغا ھوزۇر.

Jackie

باھاردا

نۇرمۇھەممەت تۇرسۇن ئالامەت چەپ قوياتتىغۇ  تەمبۇر  دىگەننى   شۇ ئادەممۇ ئۆلۈپ كەتتى         !!!  بىزمۇ ئۆلۈپ كىتىمىز بىر كۈنى  !!!!!!  !!

بۇغداي

ئېسىل !!   ئارتۇقچە تەكەللۇپلار ھاجەت ئەمەس ، ھەقىقەتەن ياخشى يېزىپسىز.
يېقىندىن بىرى يازغان ئەسەرلىرىڭىز ئىچىدە مۇشۇ شېئىرىڭىز ماڭا بەكلا تەسىر قىلدى. .... ئاللا زېھنىڭىزنى تېخىمۇ زىيادە قىلغاي!!!

تۇردى ئەبەيدۇللا

يۇرەكلەرنى تىترەتكىدەك شئېر يېزىپسىز، ئوقۇپ بەكمۇ ھۇزۇرلاندىم، تەمبۇر شاھى نۇرمۇھەممەت تۇرسۇننىڭ ياتقان يېرى جەننەتتە بولغاي.

Erkman

مەيخانىدا كىم ساقىيغا تەلمۈرۈپ مەي تامشىغاي،
نەي بولۇپ دىلكەش نەۋا بىرلە ئۇنى رەسۋا قىلغاي.
مەگەر كىشى مەي ھەۋەسىن ئەستىن چىقارماق بولسا،
غىجەك نالىسى بىرلە ئاڭا يېلىنىپ يىغلىغاي.
تەنبۇر پەدىسىدىكى مالامەت دىل ھالاك ئېتەر،
ئانىڭدىن ساقىي ھەم پەريادتا ياقاسىن چىشلىشەر.
چاڭ زارۇ-زار پىغان ئەيلەب گال-بوغۇزىنى تىلغاپ،
دەرىخا، راۋاب بېشىنى يەرگە قويۇپ مۇڭ تۆكەر.
دۇتار شادىيانەسىدە يىگىت-قىزلار ئولتۇرماغاي،
قاشلار سەكرەپ، كۆزلەر ئويناپ جانغا راھەت تارىغاي.
داپ چېكىلگەندە  مۈرە-ئاياغلار ھېچ جىم تۇرماغاي،
ئۇيغۇر سازلارىغا ھېچنەرسە ھەم قۇرداش بولماغاي.
http://hi.baidu.com/erkmandadxah?page=17

Erkman

ئىلى سەھرالىرىدا  ئىشلەۋاتقان  بۇ يارىم يىلدا تەنبۇر بىلەن دۇتاردا بىر قېتىم راك مۇقامى ۋە «ئەجەم» تىڭشىدىم، تەنبۇر ھەقىقەتەن  دىلىمنى مالامەت ئەئيلىدى، يۈرەكنى چاك ئەتتى ...