بالىسىنى ئاسمانغا ئېتىپ ئويناتقان ئەرنىڭ پۇشايمىنى.

zamanidin

    بالىسىنى ئاسمانغا ئېتىپ ئويناتقان ئەرنىڭ پۇشايمىنى.سەھەر گېزىتى مۇخبىرنىڭ 9-ئاينىڭ 27-كۈنىدىكى خەۋىرى:
بىر ئەر بالىسىنى ئەركىلىتىپ ئاسمانغا ئېتىپ ئويناتقان، نەتىجىدە ئويلىمىغان يەردىن بىر قورقۇنچلۇق پاجىئە يۈز بەرگەن: بىر ياش ئۈچ ئايلىق بولغان جۈن جۈن (ئۆزگەرتىلگەن ئىسىم) ئاسمانغا شۇنداق ئېتىلىشى بىلەن ئۆگزىدىكى ئېسىقلىق تۇرغان چوڭ شامالدۇرغۇچ بېشىغا تېگىپ كېتىپ يارىلانغان.
    دېڭ خانىم بىر ئائىلە كىشىلىرى ئەسلىدە مېڭچېڭ ناھىيىسىدە تۇرۇشلۇق بولۇپ، كېيىن جياڭسۇ ئۆلكىسى جياڭيىن شەھىرىگە كېلىپ ئىشلەمچىلىك قىلغان، 9-ئاينىڭ 23-كۈنى كەچتە، بالىسىنىڭ تاغىسى ئۆيگە كېلىپ ئەمدىلا بىر ياش ئۈچ ئايلىق بولغان جۈن جۈننى ئويناتقان. تاغىسى ئۇنى ئاسمانغا ئېگىز-ئېگىز ئاتسا ئۇ ۋىلىقلاپ كۈلەتتى، شۇنىڭ بىلەن ئۆيدىكىلەر ئۇنىڭ تاتلىق كۈلۈشىگە قاراپ ھۇزۇرلىنىپ ئولتۇرغان، بىراق بىر كۈلكىنىڭ بىر يىغىسى بار دېگەندەك ئويلىمىغان يەردىن بىر قورقۇنچلۇق پاجىئە يۈز بەرگەن. تاغىسى جۈن جۈننى شۇنداق ئېتىشى بىلەن ئۆگزىنىڭ ئوتتۇرىسىغا ئېسىقلىق تۇرغان مېڭىۋاتقان شامالدۇرغۇچقا بېشى تېگىپ كېتىپ يارىلانغان، قان توختىماي ئاققان بولۇپ، دېڭ خانىم قورقۇپ كېتىپ بالىسىنى قۇچاقلىغىنىچە دوختۇرخانىغا ئېلىپ كەلگەن.
    دوختۇرلار بالىنى تەكشۈرۈش ئارقىلىق بالىنىڭ بېشىدا يەتتە-سەككىز سانتىمېتىر كېلىدىغان يارا ئېغىزىنىڭ بارلىقىنى، بىر سانتىمېتىر كېلىدىغان ئۇستىخاننىڭ يېرىلغانلىقىنى بىلگەن، مېڭىسى قانغا تولغان بولۇپ، دوختۇرلار دەرھال بالىنى ئوپېراتسىيە ئۆيىگە ئېلىپ كىرىپ مېڭىسىنى تازىلىغان ھەم تىككەن. بەختكە يارىشا بالا قۇتۇلۇپ قالغان، بىراق بېشىدا ئۇزۇن بىر تارتۇق قېلىپ قالغان. 9-ئاينىڭ 24-كۈنى جۈن جۈن ئادەتتىكى كېسەللەر ياتىقىغا يۆتكەلگەن بولۇپ، ئەھۋالى خېلى تۇراقلىشىپ قالغان ئىدى، يەنە بىر مەزگىل دوختۇرخانىدا يېتىپ داۋالانغاندىن كېيىن چىقىپ كەتسە بولىدىكەن.
بالىلارنىڭ يارىلىنىش ۋەقەلىرى بەك كۆپ يۈز بېرىۋاتقان بولغاچقا، ئەنخۇي ئۆلكىسى بالىلار دوختۇرخانىسىنىڭ نېرۋا كېسەللىكلىرى بۆلۈمىنىڭ مۇدىرى مۇخبىرنىڭ زىيارىتىنى قوبۇل قىلىپ، كەڭ ئاتا-ئانىلارنى ئەسكەرتىپ مۇنداق دېگەن: بالىلارنىڭ ئۆزىنى قوغداش ئىقتىدارى تولۇق يېتىلىپ بولمىغان ئەھۋال ئاستىدا ئاسانلا يارىلىنىپ قالىدۇ، شۇڭا ئاتا-ئانىلار ھەرقانچە ئالدىراش ئىشى بولسىمۇ بالىلارنىڭ ھاياتىغا كاپالەتلىك قىلغان ئاساستا چوقۇم ياخشى قارىشى كېرەك، قايچا، پىچاق قاتارلىق خەتەرلىك بۇيۇملارنى ئويناتماسلىق، بالىلارنىڭ باش قىسمى ۋە كۆز قاتارلىق ئىنچىكە جايلىرىنىڭ يارىلىنىشىغا سەل قارىماسلىقى كېرەك.
.مەنبە : news.ifeng.com  .

شاخناز

شۇنداقمۇ ئىگىز ئاتقان بارمۇ؟

almas123

ئۆگزىدىكىمۇ؟ تورۇستىكىمۇ؟

minisa

بۇنى كۆرۈپ ئاپام دەپ بەرگەن گەپ ئىسىمگە كىلىپ قالدى بۇرۇن ئاپاممۇ مەھەللىدە بىر بۇۋاق بالىنى دادىسى ئەركىلىتىپ ئۆيدە ئىگىزگە ئىتىپ ئوينىتىۋىتىپ بۇۋاقنىڭ بىشى ئۆينىڭ لىمىغا تىگىپ كىتىپ شۇ ھامانلا تۈگەپ قاپتىكەن .بالىلاربەكمۇ ئاجىز ئۇلار بىزنىڭ قوغدىشىمىزغا، ساغلام چوڭ قىلىشىمىزغا مۇھتاج.

Jackie

كىچىك بالىلار بىلەن خەتەرلىك ھالەتتە ئوينىشىشقا بولمايدۇ.

erdewil

ئاھ خۇدا! سەكرسە دېسە شۇنداقمۇ سەكرىگەن !!! ئات دېسە بالىنى تامنىڭ تۇرىسىغا ئاتقان بارمۇ ؟  ھەي ئەپسۇس! بۇ بالىنىڭ دادىسى تەنھەركەتچى ئوخشىمامدۇ ؟

گاداي

ئەمدىكى گەپ ئېلان تەشۋىقات ئورۇنلىرى بالىسىنى ئاسمانغا ئېتىپ ئوينايدىغانلارغا بوۋاقلار بىخەتەرلىك قالپىقى ياسىتىۋېلىشىنى ئۈزۈلدۈرمەي ئەسكەرتىپ تۇرۇشى شۇنداقلا بالىلارنى قوغداشقا مۇناسىۋەتلىك ئورۇنلار ئائىلەر بويىچە بىخەتەرلىك كېلىشىمنامىسى ئىمزالاپ، مۇكاپاتلاش ۋە جازالاش تۈزۈملىرىنى يولغا قويۇشى كېرەك.

dolqun1231

بەك قورقۇنۇشلۇق بوپتۇ، مەن ھەرگەز ئۇنداق قىلمايمەن،

yalkun085

بالىنى ئاسمانغا ئېتىپ ئەركىلىتىش ھەقىقەتەن خەتەرلىك ئىش.بىزلەرنىڭ ئىچىمىزدىمۇ بار بۇنداق ئىشلار.

hokumran

چېكىدىن ئاشقان ھەرىكەت بىزگە كۈتۈلمىگەن ئاۋارىچىلىقلارنى ئېلىپ كېلىشى مۇمكىن.