خەلق ئىشلىرى مىنىستىرلىقى 4 – ماي بېيجىڭدا تېلېۋىزىيە – تېلېفون يىغىنى ئېچىپ، مەملىكەت بويىچە ئاياللار ۋە بالىلارنى ئالداپ سېتىشقا قارشى تۇرۇش، قۇتقۇزۇۋېلىنغانلارنى پاناھلاندۇرۇش – قوغداش خىزمىتىنى مەخسۇس ئورۇنلاشتۇردى. كىشىلەر ئاياللار ۋە بالىلارنىڭ قۇتقۇزۇۋېلىنغانلىقىدىن خۇشال بولۇش بىلەن بىللە، ھۆكۈمەت ۋە جەمئىيەتتىكى ھەر ساھەدىن ئاياللار ۋە بالىلارنى ئالداپ سېتىش جىنايىتىنى مەنبەدىن تۈزەش ۋە توسۇشنى يەنىمۇ ئارزۇ قىلدى.
lO)-QE+ ; (0<5LQ مەركەز ئاياللار ۋە بالىلارنى ئالداپ سېتىش جىنايى ھەرىكىتىگە زەربە بېرىشكە يۈكسەك ئەھمىيەت بېرىپ، بۇ خىل جىنايى ھەرىكەتلەرنىڭ يېڭى ئەھۋالىغا ئاساسەن ‹‹جۇڭگونىڭ ئاياللار ۋە بالىلارنى ئالداپ سېتىشقا قارشى تۇرۇش ھەرىكەت پىلانى (2008 – يىلىدىن 2012 – يىلىغىچە)››نى تۈزدى ۋە يولغا قويدى. تارماقلار ۋە جايلاردىكى خەلق ھۆكۈمەتلىرى مەركەزنىڭ تەلىپى بويىچە ئاياللار ۋە بالىلارنى ئالداپ سېتىش جىنايى ھەرىكىتىگە قەتئىي زەربە بېرىپ، بەلگىلىك ئۈنۈم ھاسىل قىلدى. ئەمما، خىزمەت تەرەققىياتىدىن قارىغاندا، ئاياللار ۋە بالىلارنى ئالداپ سېتىشقا قارشى تۇرۇش خىزمىتىنىڭ نەتىجىلىرىنى مۇستەھكەملەپ ۋە كېڭەيتىپ، پاناھلاندۇرۇش – قوغداش خىزمىتىنى، مەنبەدىن ئالدىنى ئېلىشنى كۈچەيتىپ، ئاياللار ۋە بالىلارنى ئالداپ سېتىش جىنايىتىنى يىلتىزىدىن توسۇش تولىمۇ زۆرۈر بولۇۋاتىدۇ. ‹‹ئاياللار ۋە بالىلارنى ئالداپ سېتىشقا قارشى تۇرۇش ھەرىكەت پىلانى››دا ‹‹ئالدىنى ئېلىش، زەربە بېرىش، پاناھلاندۇرۇش ۋە سالامەتلىكنى ئەسلىگە كەلتۈرۈش بىر گەۋدىلەشكەن ئۇزاق ئۈنۈملۈك خىزمەت مىخانىزمى بەرپا قىلىش›› ئوتتۇرىغا قويۇلۇپ، ‹‹ئاياللار ۋە بالىلارنى ئالداپ سېتىشقا زەربە بېرىش›› خىزمىتىنىڭ تىرىشىش نىشانى كۆرسىتىپ بېرىلدى.
&4]~s:F yex4A)n9"' قىيىنچىلىقى بار ئاممىنى پاناھلاندۇرۇشنى كۈچەيتىش كېرەك. ئاياللار ۋە بالىلارنى ئالداپ سېتىش دېلولىرىدىن قارىغاندا، ئالداپ سېتىلغان نۇرغۇن كىشىنىڭ ئائىلىسى نىسبەتەن نامرات ئىكەن. شۇڭا، ئالداپ سېتىلغانلارنى قۇتقۇزۇش بىلەن بىللە، قىيىنچىلىقى بار ئاممىنى پاناھلاندۇرۇشنى كۈچەيتىپ، تۆۋەن كاپالەت شەرتىگە توشىدىغان قىيىنچىلىقى بار ئاممىنى شەھەر، يېزىلارنىڭ ئەڭ تۆۋەن تۇرمۇش كاپالىتى دائىرىسىگە كىرگۈزۈپ ھەم ۋاقىتلىق تۇرمۇش قىيىنچىلىقىغا يولۇققاندا، ئۇلارنى ۋاقىتلىق ئىجتىمائىي پاناھلاندۇرۇش بىلەن تەمىنلەپ، نامراتلىق بېسىمى تۈپەيلىدىن يۈز بېرىدىغان ئالداپ سېتىلىش خەۋپىنى كىچىكلىتىش كېرەك.
?-.Qv1hs6p WB Oebv قانۇن – تۈزۈم تەشۋىقاتىنى كۈچەيتىپ، جەمئىيەتنىڭ قانۇنغا بويسۇنۇش ۋە ئۇنى قوغداش ئېڭىنى ئۆستۈرۈش كېرەك. گېزىت، رادىيو، تېلېۋىزىيە، تور قاتارلىقلاردىن تولۇق پايدىلىنىپ، نىكاھ قانۇنى، بېقىۋېلىش قانۇنى، قۇرامىغا يەتمىگەنلەرنى قوغداش قانۇنى قاتارلىق ئالاقىدار قانۇن – نىزاملارنى تەشۋىق قىلىش سالمىقىنى يەنىمۇ زورايتىپ، جەمئىيەتنىڭ قانۇن ئېڭى ۋە قانۇن – تۈزۈم قارىشىنى ئۆستۈرۈپ، ئاممىنى ئاياللار ۋە بالىلارنى ئالداپ سېتىش جىنايى قىلمىشلىرىنى ئاكتىپ بايقۇت قىلىش، پاش قىلىشقا يېتەكلەش كېرەك.
ZV,1IaO znVao %b ئاساسىي قاتلام تەشكىلاتلىرىنىڭ رولىنى كۈچەيتىش كېرەك. جايلاردىكى كوچا باشقارمىلىرى، مەھەللە كومىتېتلىرى ئامما بىلەن زىچ ئالاقىلىشىش ئەۋزەللىكىگە ئىگە. ئىناق كوچا باشقارمىسى، ئىناق مەھەللە قۇرۇلۇشىنى يەنىمۇ ئىلگىرى سۈرۈپ، ئاساسىي قاتلامنىڭ بايلىق سۇپىسىدىن تولۇق پايدىلىنىپ، ئائىلە تەربىيەسى، بالىلار تەربىيەسى، ئاياللار ۋە بالىلارنىڭ ھوقۇق – مەنپەئىتىنى قوغداش بىلەن ئاياللار ۋە بالىلارنى ئالداپ سېتىشقا قارشى تۇرۇش تەشۋىقات – تەربىيە پائالىيىتىنى زىچ بىرلەشتۈرۈپ، ئامما، بولۇپمۇ ئاياللار ۋە بالىلارنىڭ ئالداپ سېتىشقا قارشى تۇرۇش ئېڭى ۋە ئۆزىنى قوغداش ئىقتىدارىنى ئۆستۈرۈش كېرەك. شۇنىڭ بىلەن بىللە، مەھەللىلەردىكى كۆچمە ئاھالىلەرنى باشقۇرۇشنى كۈچەيتىپ، مەھەللىلەردىكى ئالاھىدە خادىملارغا ياردەم بېرىش ۋە ئۇلارنى نازارەت قىلىشنى كۈچەيتىش كېرەك.
مەسئۇل مۇھەررىر
ئانا تۇپراق مۇنبىرى » مەملىكەت خەۋەرلىرى » ئالداپ سېتىشقا قارشى تۇرۇش مەنبەدىن ئالدىنى ئېلىشنى كۈچەيتىشكە موھتاج 
