ھالالغا ھېساب بار، ھارامغا جازا!

qJFBdJU(1  
T.!GEUQ  
JTpKF_Za<  
مۇسۇلمانلار دۇنياسى ئىقتىسادى ۋە سىياسى جەھەتتىن تازىمۇ گۈللىنىپ ،خەلىپىلىكنىڭ چىگرىسى شەرىقتە ھىندى دەرياسىدىن غەربتە ئاتلانتىك ئوكيانغا، شىمالدا ئوتتۇرا ئاسىيانىڭ كۆكلەم تاغ-جىلغىلىرىدىن جەنۇبتا سەھرايى كەبىر چۆلىگە تۇتاشقان ھەمدە مۇسۇلمانلار فىرانسىينىڭ جەنۇبىغىچە ئىچكىرلەپ كىرىپ بولغان، پۈتۈن دۇنيا خەلقى مۇسۇلمانلارنىڭ ئەڭ بۈيۈك كۈچكە ئايلىنىپ بولغانلىقىنى ئېتراپ قىلىشقان ،ھەتتا ياۋرۇپادا ئىسلام مەدەنىيتىنى ۋە ئەرەب تىلىنى قوللىنىش مودىغا ئايلانغان ئاشۇنداق باياشات بىر دەۋىرنىڭ ئۇلۇغ خەلىپىسى ئۆمەر ئىبنى ئابدۇلئەزىز (ئاللاھ ئۇ كىشىگە رەھمەت قىلسۇن) ئۆز ئادىتى بويىچە خۇپتەن نامىزىدىن كېيىن قىزلىرىدىن خەۋەر ئېلىش ئۈچۈن ئۆيىگە كېتىپ باراتتى .تېخى ھازىرلا ھۆكۈمەت خىزمىتىدىن ھېرىپ،چارچىغان قەلب،مېڭىسى ئۆز ئەۋلادىغا بولغان سېغىنىش ۋە مېھرىبانلىقنىڭ ئىلكىدە پەرزەنتلىرى تەرەپكە بۇرۇلغان ئىدى. jwTb09  
ئەمما ئۇنىڭ ئەمدىلا تېخى دۆلەت خەزىنىسىدىن ھېسابسىز دىنار-دەرھەملەرنى يوقسۇللارغا تارقاتقان قولى سۆيۈملۈك پەرزەنتلىرى تەرەپكە ماڭغاندا شۇنداق قۇرۇق ، گويا كۈن بويى ھېرىپ -چارچاپ ئۆيىگە قۇرۇق قول قايتىپ كېلىۋاتقان دەرۋىشلەرگە ئوخشايتتى. Q}W6?XDu  
كىشلەر زاكات بېرىش ئۈچۈن ئالىدىغان ئادەم تاپالماي شەھەر ئاتلاشقا مەجبۇر بولىدىغان ئاشۇنداق باياشات بىر دەۋردە خەلىپىنىڭ ئۆيىدە ئاچارچىلىق دېگىلى بولمىسىمۇ يېرىم ئاچلىق ھالىتى بۇرۇنقىدەكلا داۋاملاشماقتا ئىدى.دادىنىڭ ئاياق تىۋىشىنى ئاڭلىغان قىزلار قارىشى ئېلىش ئۈچۈن يۈگۈرىشكىنىچە دەرۋازا ئالدىغا چىقتى. ئۇلارنىڭ يېرىم ئاچلىقتىن سارغايغان چىرايى گەرچە دادىغا نىسبەتەن ئانچە يېڭىلىق بولمىغىنى بىلەن ئەمما بۇ قېتىم قىزلىرىنىڭ ئېغىزلىرىنى ئالقانلىرىدا توسۇۋالغانلىقى خەلىپىنى تەئەججۇبلەندۈرمەي تۇرالمىدى . s7S
W4ff1  
ئۇ:«ئى يۈرەك پارىلىرىم !نېمە بولدۇڭلار؟»دەپ سورىدى . ئەمما قىزلىرى ھىچقانداق جاۋاب جايتۇرمىدى . +%6{>C+bZo  
بۇ سۇئالغا ئۇلارنىڭ ئىنىك ئانىسى :«ئۆيدە يەيدىغانغا باشقا نەرسە بولمىغاچقا ئۇلار بۈگۈن پىياز بىلەن پۇرچاقتا قورساق تويغۇزغان ئىدى. شۇڭلاشقا پىيازنىڭ پۇرىقىنى سېلىدىن يۇشۇرۇش ئۈچۈن ئېغىزىنى ئېتىۋىلىپ بارىدۇ» دەپ جاۋاب بەردى. .jZmQtc  
دادا دىگەن ھامان دادا-دە ، گۈدەك باللىرىنىڭ بۇ ھالى ئۇنىڭ يۈرەك تارىلىرىنى تىترەتمەي قالمىدى . يۈرەك باغرىدىن ماگمىدەك ئېتىلىپ چىقىۋاتقان ئازابلىق ھېسلار ئۇنىڭ كۆزلىرىنى نەملىدى. ئەمما ھېسياتنىڭ بۇ شىددەتلىك دولقۇنلىرى يەنىلا خۇددى دېڭىز ئاستىدىكى كۆرۈنمەس ۋولقانلار كەبى ئۆز ئورنىدا قېلىۋەردى ، ئۇنىڭ ۋۇجۇدىدىكى سەۋر-قانائەت ،پىداكارلىق، كەمتەرلىك،ئىمان ۋە تەقۋالىقنىڭ ئالتۇن تاغلىرىنى قىلچىمۇ تەۋرىتەلمىدى. mmAikT#k  
-ئى يۈرەك پارىلىرىم!- ئۇ مۇلايىملىق بىلەن سۆزلەشكە باشلىدى _سىلەرنىڭ داستىخىنىڭلارنى نازۇ- نىئمەتكە تولدىرىۋىتىش مەن ئۈچۈن ھېچقانچە قىيىن ئەمەس. ئۇنىڭ بەدىلىگە داداڭلارنىڭ دوزاخ ئوتىدا كۆيۈشىنى خالامسىلەر؟ `z-4OJ8~  
دادىسىنىڭ قەلبلەرنى زىل-زىلىگە سالىدىغان بۇ سۆزىنى ئاڭلىغان قىزلار ئۆزلىرىنى تۇتۇۋالالماي قالدى.يۈز-كۆزلىرى يامغۇردەك قۇيۇلىۋاتقان كۆز ياشلىرى بىلەن يۇيۇلىشقا باشلىدى .ئەمما ئۇلارنىڭ بۇ كۆزياشلىرى ھەرگىزمۇ ئاچلىقنىڭ غېمى ۋە رەنجىشلەردىن ئاققان ئەمەس ، بەلكى دادىنىڭ سۇئالىغا بېرىلگەن ئۈنسىز جاۋاب بولۇپ، ھەر بىر تامچە ياش «ياق دادا، ياق! دادىمىزنى دوزاخقا ئىتتىرىش بەدىلىگە كېلىدىغان ئۇنداق ھالاۋەتنىڭ كېرىكى يوق » جاكارلىماقتا ئىدى .
kW4/0PD  
PNd]Xmv)  
                                              «ئاھ بىزمۇ مۇسۇلمانمۇ »ناملىق كىتابتىن 234OJ?  
#!OCEiT_  
d47b&.v8e  
                                                                   مەنبە: مىسرانىم مۇنبىرىدىن ئېلىندى. IwKhun