رازىلىق

O
$SQzLZx&  
'1rHvz`B/"  
شۇنداق قىلىپ سىزمۇ كېتىپ قالدىڭىز، ئۇستازىم. ئامراق نەۋرىڭىزنىڭ كەينىدىنلا كېتىپ قالدىڭىز، خۇددى ئۇ  دۇنيادا  يەنە ئۇنىڭ ھالىدىن خەۋەر ئالىدىغاندەك، يەنە ئۇنىڭ بېشىنى سىيلايدىغاندەك، ئۇنىڭغا سىز بولمىسىڭىز بولمايدىغاندەك. شۇنداقمۇ؟ بالىلىرىڭىزنى باقتىڭىز، ياراملىق ئادەم قىلدىڭىز، كېيىن ئۇلارنىڭ بالىلىرىنىمۇ باقتىڭىز، ئوخشاشلا ئوتىدا كۆيدىڭىز، سۈيىدە ئاقتىڭىز.                                                                                             ?mM6[\DFoT  
ئانىلىق بۇرچ بالىلىرىنى ھەم جىسمانىي جەھەتتە پەرۋىش قىلىشتا، ھەم روھىي جەھەتتە تەربىيەلەشتە ئەكس ئېتىدۇ. سىز بۇ مۇكەممەللىكنى ئاشقا ئاشۇرالىدىڭىز، ھەم بۇ بۇرچنى ئوقۇتقۇچىلىق ھاياتىڭىزدىمۇ نامايەن قىلدىڭىز، سىزگە ئوخشاش كىچىكىدە يېتىملىكنىڭ دەردىنى تارتقان بىر نەچچە ساۋاقدىشىم ھازىرمۇ سىزنى ئۆزىگە ئانا ھېسابلايدۇ، چۈنكى سىز ئۇلارنىڭ بېشىنى سىيلىغان، جەلب كۆزىنى ئاچقان.                                                                           #i6ZY^+ee  
بىزدەك ئوقۇغۇچىلىرىڭىزغا بولغان تەلەپچانلىقىڭىز ھازىرمۇ يادىمدا، مېھىر بىلەن يۇغۇرۇلغان تەلەپچانلىقنىڭ قۇدرىتى باشقىچە بولىدىكەن، ئۇ ئادەمنى ئالغا سىلجىتىدىكەن، بۈيۈكلۈككە ئىنتىلدۈرىدىكەن، بىزنىڭ ھېلىھەم چىن ئادىمىيلىك پەللىسىگە يامىشىپ توختىمايۋاتقانلىقىمىز سىزنىڭ، سىزگە ئوخشاش ئۇستازلىرىمىزنىڭ ئانا سۈپەت خالىس، تەمەسىز تەربىيەسىنىڭ خاسىيىتىدىن ئەمەسمۇ؟                                                                         v>ygr8+C,  
مەسچىت سەيناسىدا ‹‹ سەپراس ›› ئاۋازى ئاڭلاندى. ئۇستازىم، مەنمۇ قاتارغا كىردىم. بىر ئاۋاز سىزگە رازىلىق سوراۋاتىدۇ، دۇنياغا كەلگەن ئادەم دۇنيا ئەھلىنى رازى قىلغۇدەك ياشىشى كېرەك ئىكەن. ئۇ سىلەر رازىمۇ دەۋاتىدۇ، مانا ھەممەيلەن رازىلىق بىلدۈردى. مەنمۇ ‹‹ رازى ›› دېدىم، چىن مەنىسى بىلەن دېدىم، بۇ مەنە شۇكى، ئۇ بىزگە ئىنساننى رازى قىلالايدىغان يولنى كۆرسىتىپ بېرىپ كەتتى.                               +2&+Gh.h  
مەنبە: شىنجاڭ ياشلىرى ژۇرنىلىنىڭ 2013-يىللىق 3-سانىدىن ئېلىندى

مەرھۇم ئۇستازنىڭ ياتقان يىرى جەننەت بولغاي.