Rj F'x ئامېرىكا ئاخبارات ۋاسىتىلىرى «قىيامەت ئايروپىلانى»نىڭ سىرلىق چۈمپەردىسىنى ئاچتى
A7! g ئامېرىكا يادرو ئۇرۇشى قاتارلىق جىددىي ئەھۋالغا دۇچ كەلسە، ئالىي تەدبىر بەلگىلىگۈچىلەر قانداق قىلىپ جېنىنى ئېلىپ قاچىدۇ ھەم ھۆكۈمەت بىلەن ئارمىيەنىڭ ھەرىكىتىگە قوماندانلىق قىلىدۇ؟ قاتتىق مۇھاپىزەت قىلىنىدىغان يەر ئاستى قوماندانلىق مەركىزىدىن باشقا، ھازىرقى زاماندىكى «نوھ ئەلەيھىسسالامنىڭ كېمىسى» دەپ ئاتالغان «قىيامەت ئايروپىلانى» مۇھىم تاللاش ئوبيېكتى بولۇپ قالىدۇ. ئامېرىكا رادىيو شىركىتى 7-ئىيۇل بۇ «قىيامەت ئايروپىلانى»نىڭ سىرلىق چۈمپەردىسىنى ئاچتى.
[S.ZJUns ئامېرىكىنىڭ «قىيامەت ئايروپىلانى»نىڭ ھەربىي نومۇرى E-4B بولۇپ، ئامېرىكا ھاۋا ئارمىيەسىنىڭ 55-ئۇچقۇچىلار ئەترىتىگە تەۋە. بۇ خىل ئايروپىلاننىڭ پۈتۈش باھاسى 223 مىليون دوللار، بوئېئىڭ 747 تىپلىق ئايروپىلاننى ئۆزگەرتىش ئارقىلىق ياسالغان، 112 يولۇچى ئولتۇرالايدۇ. ئىقتىدارى ئادەتتىكى 747 يولۇچىلار ئايروپىلانىدىن خېلىلا يۇقىرى، ئۇچۇش سۈرئىتى سائىتىگە 602 مىل بولۇپ، ئادەتتىكى يولۇچىلار ئايروپىلانىدىن 40 مىل تېز. بۇنىڭدىن سىرت، بۇ ئايروپىلاننىڭ ماي باكى چوڭ 185 توننا ماي قاچىلىغىلى بولىدۇ، بوشلۇقتا بىر قانچە كۈن تۇرسىمۇ يېقىلغۇ تولۇقلاش ھاجەتسىز. خەۋەرلەرگە قارىغاندا، بىر قېتىملىق تەقلىدىي مانېۋىردا، ئامېرىكا ئەمەلدارى ئولتۇرغان ئايروپىلان بوشلۇقتا تولۇق ئۈچ كۈن تۇرغان، ئايروپىلان ئامېرىكىنىڭ دېڭىز قىرغىقى ۋە ئامېرىكا زېمىنىنى بويلاپ توختىماي ئۇچۇپ يۈرگەن ھەم بوشلۇقتا ماي قاچىلىغان.
2 o a#0`{ «قىيامەت ئايروپىلانى»غا يەنە ئېغىرلىقى 165 مىڭ قاداق كېلىدىغان ئېلېكتىر ئۈسكۈنىسى ۋە ئىنتايىن مۇستەھكەم مۇداپىئە قېپى ئورنىتىلغان بولۇپ، بۇ رادىياتسىيەگە قارىتا لايىھەلەنگەن، ئايروپىلان كالۇبىسى ئىچىدىكى خادىملارنىڭ زەمبىرەكنىڭ ھۇجۇمىغا ئۇچرىماسلىقىغا كاپالەتلىك قىلالايدۇ.
X1IeSMAe سوۋېت ئىتتىپاقى ئاتوم بومبىسىنى مۇۋەپپەقىيەتلىك پارتلىتىپ سىناق قىلغاندىن كېيىن، ئامېرىكا ئۆزىنىڭ يادرو ھۇجۇمىغا ئۇچرىشىدىن ئەندىشە قىلىشقا باشلىغان. 1951-يىلى ئامېرىكا مەركىزىي ئاخبارات ئىدارىسى بىلەن ئاقساراي ئەمەلدارلىرى مەخپىي كېڭىشىپ «قىيامەت پىلانى»نى تۈزگەن، «قىيامەت ئايروپىلانى» ياساشمۇ بۇنىڭ ئىچىدىكى مەزمۇنلارنىڭ بىرى ئىدى. ئەمەلىيەتتە ئامېرىكا ئارمىيەسى 1980-يىلى يانۋاردا بۇ خىل ئايروپىلاننى تەتقىق قىلىپ ياساپ چىققان بولسىمۇ ئىزچىل سىرتقا ئاشكارىلىمىغان. سوۋېت ئىتتىپاقى پارچىلانغاندىن كېيىن، ئامېرىكا دۇچ كەلگەن يادرو تەھدىتى زور دەرىجىدە ئاجىزلىغان، «قىيامەت پىلانى» بىلەن «قىيامەت ئايروپىلانى» بىر مەزگىل بىر چەتكە قايرىپ قويۇلغان. لېكىن، ئامېرىكا «11-سېنتەبىر» تېررورلۇق ھۇجۇمىغا ئۇچرىغاندىن كېيىن، «قىيامەت ئايروپىلانى» يەنە بىر قېتىم كۈنتەرتىپكە كىرگۈزۈلگەن.
YY?a>j."a پىلانغا ئاساسەن، يادرو ھۇجۇمىغا ئۇچرىغان ھامان، ئامېرىكىنىڭ ئارمىيە، ھۆكۈمەت ئالىي ئەمەلدارلىرى ئۈچ گۇرۇپپىغا بۆلۈنۈپ ۋاشىنگتوندا «قىيامەت ئايروپىلانى»غا ئولتۇرۇپ، ئامېرىكا زېمىنىدىكى ئۈچ ئوخشاش بولمىغان رايونغا قاراپ ئۇچىدۇ. ئەگەر 1-گۇرۇپپا دۈشمەن سۈنئىي ھەمراھى تەرىپىدىن بايقىلىپ قالسا ھەم ئەجەللىك يادرو ھۇجۇمىغا ئۇچرىسا، 2-گۇرۇپپا تەرتىپ بويىچە «زۇڭتۇڭ ھوقۇقى»نى تاپشۇۋالىدۇ. ئەھۋال مانا مۇشۇ تەرتىپ بويىچە بولىدۇ. ئامېرىكىنىڭ سىياسىي، ھەربىي ساھەسىدىكىلەرنىڭ قارىشىچە، «قىيامەت ئايروپىلانى» دۆلەتنىڭ ھاۋادىكى قوماندانلىق ئورگىنى ئىكەن. ئېيتىلىشىچە، بۇ خىل ئايروپىلان ھەرقانداق ۋاقىتتا بۇيرۇق تاپشۇرۇۋالغاندىن كېيىن، بەش مىنۇت ئىچىدە ھاۋاغا كۆتۈرۈلىدىكەن. ئامېرىكا ھاۋا ئارمىيەسىنىڭ بىرىنچى سېرژانتى جوي ستولت: بىزگە ھەرقانداق تېلېفون نومۇرىنى بەرسىلا، مەيلى قانداق ۋاقىتتا، قايسى جايدا بولسۇن، پەقەت يەر شارىدا بولسىلا، بىز ئۇچۇپ بېرىپ بەلگىلەنگەن خادىملارنى ئېلىپ كېلىمىز. ئايروپىلاندىكى ئېلېكتىر تەكشۈرۈش ئۈسكۈنىسىگە تايىنىپ، ھەتتا دېڭىزنىڭ چوڭقۇر قاتلىمىدىكى كېمىدىكى خادىملار بىلەنمۇ ئالاقىنى ساقلىيالايمىز. دېڭىزدا ئادەم قۇتقۇزۇشقا توغرا كەلسە، ئايروپىلاننىڭ كەينىدىكى زاپاس كابېنكىدىن بەش مىل ئۇزۇنلۇقتىكى ئارغامچا ۋە سۇغا چۆكۈش كېمىسىنى قويۇپ بەرگىلى بولىدۇ، دېدى.
jENr>$ $ لېكىن «قىيامەت ئايروپىلانى»نىڭمۇ يېتەرسىزلىكى بار. ئامېرىكا دۆلەت مۇداپىئە مىنىستىرى گايتس ئاغرىنغان ھالدا: ماڭا ئوخشاش دۆلەت مۇداپىئە مىنىستىرىغا ئورۇنلاشتۇرۇلغان ئورۇنمۇ ئىنتايىن تار، مۇنچىمۇ يوق، پەقەت كىچىككىنە سۇ كۆلچىكىنىلا ئىشلەتكىلى بولىدۇ، ئايروپىلاندىكى ئورنۇمنىڭ ئەتراپىدا بىرەر دېرىزىمۇ يوق، ھەممىلا يەر پۇختا پېچەتلەنگەن بولغاچقا، ئۆزۈمنى ئالىي دەرىجىلىك ئايروپىلانغا ئولتۇرغان مىنىستىر ئەمەس، بەلكى جاپا-مۇشەققەتنى باشتىن كەچۈرۈۋاتقان سىپارتاك جەڭچىسى دەپمۇ ئويلاپ قالىمەن، دېدى.
mcz+ P | 7'wS\/e4a مەنبەسى«ياپونىيە ۋاقىت گېزىتى» ماقالىسى
w ;d aC(: 
