كالا سۈتىنىڭ ئوزۇقلۇق تەركىبى ۋە رولى
كالا سۈتىنىڭ ئوزۇقلۇق تەركىبى مول، ئىستېمال قىلىش قىممىتى ئىنتايىن يۇقىرى، ئۇنىڭدىن يەنە قېتىق، پىشلاق، قايماق قاتارلىقلارنى ئىشلەشكە بولىدۇ.
كالا سۈتى تەركىبىدە مول ئوزۇقلۇق بار.2-دۇنيا ئۇرۇشىدىن كېيىن، ياپۇنىيە ھۆكۈمىتى باشلانغۇچ مەكتەپ ئوقۇغۇچىلىرىنى كۈنىگە بىر خالتا كالا سۈتى بىلەن ھەقسىز تەمىنلىگەن، شۇڭا ياپۇنىيىدە«بىر خالتا سۈت بىر مىللەتنى گۈللەندۈردى» دەيدىغان گەپ بار. تايلاند پۇقرالىرىنىڭ پاكار ئىكەلىكىدىن ئىبارەت قېيىن ئەھۋالدىن قۇتۇلۇش ئۈچۈن، پادىشاھ، خانىش ۋە ئوردىدىكىلەرنىڭ ھەممىسى«بالىلار 4 ھەر كۈنى كالا سۈتى ئىچىش كېرەك» توغرىسىدىكى تەشۋىقاتقا كۈچ چىقارغان.
ئوزۇقلۇق تەركىبى ۋە رولى
كالا سۈتى تەركىبىدە ۋىتامىنA، ۋىتامىنDھەمدە يود، سىنىك، كالتىسىي، ماگنىي قاتارلىق مىنىرال ماددىلار بار.
كالا سۈتى ئۆپكىنى قۇۋۋەتلەپ، ئاشقازاننى ئاسرايدۇ، خىلىت پەيدا قىلىپ ئۈچەينى سىلىقلاشتۇرىدۇ، ئادەم بەدىنىگە قارىتا تىنىچلاندۇرۇش، نېرۋىنى ئارام ئالدۇرۇش رولى بار بولۇپ، دىئابېت كېسىلى ئۇزۇنغىچە ساقايمىغانلار، ئۇسساپ تۇرىدىغانلار، قەۋزىيەت بولۇپ قالىدىغانلار، تېنى ئاجىزلار، قان قۇۋۋىتى يېتەرسىزلەر، تال-ئاشقازىنى نورمالسىزلارنىڭ ئاسالىق قۇۋۋەتر تولۇقلاش ئىچىملىكى قىلىشقا بولىدۇ.
كالا سۈتى ئادەم بەدىنىنىڭ شۈمۈرۈش ئۈنۈمىنى يۇقىرى كۆتۈرىدۇ،ئىممۇنىتېت ئىقتىدارىنى يۇقىرى كۆتۈرىدۇ.كالا سۈتى يەنە تېرىنى سىلىقلاشتۇرىدۇ،دائىم كالا سۈتى ئىستېمال قىلىپ بەرگەندە، تېرىنى ئاق، سىلىق قىلىدۇ ۋە ئىلاستىكىلىقىنى ئاشۇرىدۇ.
كالا سۈتى يەنە ياللۇغ قايتۇرۇش، ئىششقنى ياندۇرۇش ۋە تېرىنىڭ جىددىلىكىنى پەسەيتىش رولى بار.
دائىم كالا سۈتى ئىچىپ بەرگەندە، ئادەم تولۇپ تاشقان بەدەن كۈچىنى ساقلىيالايدۇ، يۇقىرى قان بېسىم، مېڭە قان تومۇر كېسەللىكلىرىنىڭ پەيدا بولۇش نىسبىتىنى تۆۋەنلىتىدۇ ھەمدە ئەزالارنى قامەتلىك قىلىدۇ.
كالا سۈتىگە ھەسەل قوشۇپ ئىستېمال قىلىپ بەرگەندە بالىلاردىكى قان ئازلىق كېسىلىنى ياخشىلايدۇ.
ئىستېمال قىلىشتا بىلىۋېلىشقا تېگىشلىك ئىشلار
ئادەتتىكى كىشىلەر كۈنىگە200 مىللىلىتىر، ھامىلدار ئاياللاركۈنىگە 200~400مىللىلىتىركالا سۈتى ئىچىپ بەرسە بولىدۇ.
كالا سۈتىنى ئادەتتە ئىللىتىپ ئىچىش لازىم. كالا سۈتى ئىچىشنىڭ ئەڭ ياخشى ۋاقتى كەچتە ئۇخلاشتىن بۇرۇن
،بۇ ۋاقىتتا كالا سۈتى ئىچسە ھەم ئۇيقۇنى ئىلگىرى سۈرىدۇ، ھەم كالا سۈتىنىڭ كېسەلنىڭ ئالدىنى ئېلىش رولىنى تېخىمۇ جارى قىلدۇرغىلى بولىدۇ.
كالا سۈتى ئىچىش بىلەن بىرۋاقىتتا يانا ئازراق بولكا (نان)، تورت-پىچىنە قاتارلىقلارنى يەپ، كالا سۈتىنىڭ ھەزىم قىلىش يولىدا تۇرۇش ۋاقتىنى ئۇزارتىپ، ئۇنى تولۇق ھەزىم بولۇپشۈمۈرۈلۈش ئىمكانىيىتىگە ئىگە قىلىش لازىم.
يېڭى كالا سۈتىنى قاينىتىپ ئىستېمال قىلىش، ئەڭ ياخشىسى قاينىتىپلا ئىچىش،ئېشىپ قالغىنىنى توڭلاتقۇغا سېىلىپ ساقلاش لازىم. بولمىسا ئۇنىڭ ئوزۇقلۇق تەركىبلىرى بۇزغۇنچىلىققا ئۇچراپ كېتىدۇ.
تال-ئاشقازىنىنىڭ ئىقتىدارى ئاجىزراق كىشىلەركۆپ مىقداردا كالا سۈتى ئىچمەسلىكى لازىم،تال-ئاشقازان ئوپراتسىيىسىدىن كېيىنمۇ كالا سۈتى ئىچمەسلىك لازىم. تۆمۈر يېتىشمەسلىك خارەكتېرىلىك قان ئازلىققا گىرىپتار بولغان بالىلار كالا سۈتى ئىچىشتىن پەرھىز تۇتۇشى لازىم.
ياندۇرۇش خارەكتېرلىك قىزلىئۆڭگەچ ياللۇغى، ئۆتكۈر بۆرەك ياللۇغى، ئۆت خالتىسى ياللۇغى، ئاشقازان ئاستى بېزى ياللۇغى، يارىلىق بوغماق ئۈچەي ياللۇغى قاتارلىق كېسەللىكلەرگە گىرىپتار بولغانلار كالا سۈتى ئىچمەسلىك لازىم.
تاماكا چىكىدىغانلار ئاسانلا كانايچە كېسەللىكلىرىنىڭ ئازابىنى تارتىدۇ،كالا سۈتى تەركىبىدىكى ۋىتامىنAتاماكا چىكىشنىڭ زىينىنى يەڭگىللىتىدۇ.
كالا سۈتى بەدەندىكى لەختىلەرنى ئۈنۈملۈك ھالدا تازىلاپ، ئادەم بەدىنىنىڭ ئىممۇنىتېت ئىقتىدارىنى كۈچەيتىدۇ، قېرىشنى كېچىكتۈرىدۇ، شۇڭا ئۇ ياشانغانلارنىڭ ئىچىشىگە ئالاھىدە مۇۋاپىق كېلىدۇ.
خىمىيىلىك داۋالىنىۋاتقان بىمارلار كالا سۈتى ئىچىپ بەرسە راك ھۈجەيرىلىرىنىڭ تارقىلىشىنى توسۇپ، بەدەننىڭ ھاياتى كۈچىنى كۈچەيتىدۇ.
يۇقىرى قان بېسىم، تاجىسىمان ئارتېرىيىلىك يۈرەك كېسلى بارلار ۋە قاندىكى خولېستېرول يۇقىرىراق كىشىلەر دائىم كالا سۈتى ئىچىپ بەرسە، قان تومۇرلارنى ئاسراپ قان بېسىمنى تۆۋەنلىتىدۇ. ئاشقازان ياللۇغىغا گىرىپتار بولغانلار كالا سۈتى ئىچىپ بەرسە، ئاشقازان كىسلاتاسىنى نېيتراللاشتۇرۇپ، ئاشقازاننىڭ ئاغرىشىنى پەسەيتىپ، جاراھەتنىڭ ساقىيىشىنى ئىلگىرى سۈرىدۇ.
بۆرەك كېسىلى بارلار كالا سۈتىنى زىيادە كۆپ ئىچمەسلىكى كېرەك.
كالا سۈتىنى قىززىتىدىغان چاغدا ئۇنى قاينىتىۋەتمەسلىك، قاينىتىدىغان چاغدىمۇ بەك ئۇزاق قايناتماسلىق كېرەك، بولمىسا ئوزۇقلۇقلار بۇزغۇنچىلىققا ئۇچراپ، ئادەم بەدىنىنىڭ شۈمۈرۈشىگە تەسىر يېتىدۇ.
ئىلمىي ئۇسۇل كالا سۈتىنى كۈچلۈك ئوتتا قاينىتىش، سۈت قايناي دىگەندە دەرھال ئوتتىن ئېلىۋېلىش، ئاندىن كېيىن يەنە ئوتقا قويۇشتىن ئىبارەت، مۇشۇنداق قىلىشنى 3~ 4 قىتىم تەكرارلىسا، ھەم سۈتتىكى ئوزۇقلۇق تەركىبلەرنى ساقلاپ قالغىلى، ھەم سۈتتىكى باكتىريىلەرنى ئۈنۈملۈك ھالدا ئۆلتۈرگىلى بولىدۇ.
شىنجاڭ گىزىتىدىن ئىلىندى
يوللىغۇچى : ئالىمجان ماخمۇت
