ئۈچ پارچە شېئىر

afiyfiy

	ئۈچ پارچە شېئىر 1.ئۆزۈمگە تەسەللى كۈلكە ماراپ تۇرغان شېئىرنى، يازماقچى بوپ ئالساملا قەلەم، مىسرالىرىم ياش تۆكەر بىردىن... خالىغانچە ياشاش ھوقۇقى، بولمىسىمۇ ئەگەر قولۇمدا، بار مېنىڭدە پاتېنت ھوقۇقى، كاللامدىكى تۈگىمەس خىيالنىڭ. خالىغانچە سۈرىمەن خىيال، باشقۇرىمەن ئۇنى بىمالال. ئەڭ ئاخىرقى كۆزنەكلىرىممۇ، ئېتىلىپ كەتتى بىلمەيمەن نېچۈن؟ قالدىم ئۆزۈم قاراڭغۇلۇقتا، سېغىنىمەن يامغۇرنى نېچۈن؟ قالمىغان بولساممۇ ئايرىلىپ، تەنھا مۇڭدىشىم-خىيالىمدىن، يۈرىكىمنى ئۆرتەيدۇ پىراق. بەخت ئىزدەپ تۇرغاندا كۆڭلۈم، بەختىمگە قارشى، بەكمۇ ساددا، ئاقكۆڭۈل يۈرەك، قىسمەتلەرگە ئاچىدۇ قۇچاق. قىسمەتلەرمۇ ئۆز بىلىپ مېنى، كېلەر يېقىن قىرغاقلىرىمغا، كۈلۈمسېرەپ بىر تاتلىق ئوماق. قىسمەت-قىسمەت-بىر دۆۋە قىسمەت، سىڭىپ كەتتى مىسرالىرىمغا. نۇر چاچىدۇ ياشلار تامچىسى، تەقدىرىم ۋە مىسرالار ئارا... مەن ئۆزۈمگە بېرەلەيمەن تەسەللى. تەسەللىينى بېرەلمەمدىكىن، مىسرالىرىم ئۆزىگە؟! يىغلاڭغۇ شامدەك يىغلاڭغۇ مىسرا، ياش تۆكىدۇ غەمكىن ئۆزىچە. شۇ چاغدا مىسرالارغا تەسەللى ئىزدەپ، قايتارمەن خىيال كوچىسىدا، ھاياتىمنىڭ شاتلىق باغچىسىغا... بولدى بەس! كۆزلىرىمدىن ياشلار ئاققۇچە، قەلىمىمدىن تەرلەر ئاقسۇن! ئالدانمايدۇ ئەمدى يۈرىكىم، قىسمەتلىرىم يىراققا قاچسۇن! زېرىكمىدىم ئۆزۈمدىن تېخى، كېتەلمەيمەن ئۆزۈمدىن يىراق، ئۆز دىلىمنى يورۇتالايمەن، بولالايمەن ئۆزۈمگە چىراق. ئويلىنىمەن نېمىشقا ئۇزاق؟... 2.مەن ئىزدەيمەن ئۆزۈمنى... مەن ئۆزۈمنىڭ ئەينىكى ئەمەس، مەن ئۆزۈمنىڭ ۋەكىلى ئەمەس، مەن ئۆزۈمنىڭ سايىسى پەقەت. ئىزدەپ ئۆزۈمنى، كىرىپ باقتىم تەكلىماكانغا. ئىزدەپ ئۆزۈمنى، چىقىپ باقتىم كۆپكۈك ساماغا. سېغىندىم مەن ئۆزۈمنى قەۋەت. مەن-ئۆزۈمنىڭ پىغان دەرياسى. مەن-ئۆزۈمگە كۆتۈرگەن چۇقان! مەن-ئۆزۈمدىن زېرىككەن ئادەم. مەن-ئۆزۈمگە تەلمۈرگەن ئىنسان! مەن ئىزدەيمەن ئۆزۈمنى نەدىن؟ سوئال قويدۇم ئۆزۈمگە شۇئان!... **** مەن ئىزدەيمەن ئۆزۈمنى، ئۇپۇقتىكى نۇرلاردىن تارىختىكى قۇرلاردىن يەرشارىنىڭ قۇرغاق لىۋىگە، تامچىلىغان يامغۇرلاردىن... ئۇپۇق- نۇرلار توپلىمى. تارىخ- يىللار توپلىمى. مەن ئىزدەيمەن ئۆزۈمنى، تاڭ سەھەردە قۇياشتىن كۆزۈمدىكى بىر تامچە ياشتىن تام تۈۋىدە يىغلىغان تاشتىن... قۇياش- ئۈنسىز مۇزىكا، نۇرلۇق تامچە ياش. ياش- كۆڭۈلگە قاياش، سەمىمىي مۇڭداش. تاش- غەمدەك ئېغىر تاش. مەن سورايمەن ئۆزۈمنى، نەگە بارسام ئەگىشىپ يۈرگەن زېرىكىشلىك ئەبگا سايەمدىن، پورەكلەپ ئېچىلغان گۈللەردىن، ئالدىمدا تۇرغان ئەينەكلەردىن. مازاردىكى غېرىپ قەۋرىدىن، بازاردىكى ئاۋات تەنزىدىن... سايە- تۇيدۇرماستىن باغلانغان زەنجىر. گۈل- كۆز ياش قىلىپ شەبنەملەرنى، تاڭ سەھەردە يىغلايدىغان كۆز. ئەينەك- سايىلىك ئەينەك. مازار- سودىسى ئۆكسىمەس بازار. بازار- پۇل ئىشقىدا توۋلىغان بازار، پۇل ئىشقىدا ئالجىغان بازار. تۆكمە قىلىپ غېرىبلىقىنى، كۆز يېشىدەك چاقنىغان بازار. ئىزدەپ ئۆزۈمنى، كىرىپ كەتكەن ئىدىم ئۇيقۇغا، (ئۇيقۇ- ۋاقىتلىق ئۆلۈم) ئويغىنىش ئېلىپ كەپتۇ رېئاللىقىمنى. **** مەن ئىزدەيمەن ئۆزۈمنى، ھەقىقەتتىن، گۈلدىن، پاكلىقتىن رېئاللىقتىن، نۇردىن، ئۇپۇقتىن مىسرالاردىن، شېئىرلىرىمدىن... 3.بىر تامچە ياش بىر تامچە ياش گويا بىر دېڭىز، ئۆركەشلىگەن قەلبىم قېتىدا. ئۇ تۆكۈلگەن قارا سىياھتۇر، كۆڭلۈمنىڭكى ئاپئاق بېتىغا. بىر تامچە ياش باشتۇر ياشلارغا، ياش سۆرەيدۇ كۆز قارچۇغىنى. كۆز كۆرسىمۇ تامچە سۇيۇقلۇق، كۆڭۈل كۆرەر ھەقىقىتىنى. كۆزۈمگە تولغان بىر تامچە ياش، لىغىرلايدۇ قەلبىمگە تۇتاش. بەلكىم بىر تامچە ياش يەرشارى، ياكى يەرشارى بىر تامچە ياش. ئالەمدىن تامچە بوپ تۆكۈلگەن، كۆزلىرىمگە سۇ بوپ كۆرۈنگەن. 2001

tiwip

	ئەفىفى بۇرادەر مۇنداقمۇ ھۇنىرىم بار  دەڭ  ...    خىلى ھۇزۇرلاندىم . تىمىلىرىڭىز ئۇزۇلمىسۇن !

zuhruf

	ئالدىرىماي ھەزىم قىلاي !

barkatjan

	بۇشئىرىڭىزغۇ  بەكياخشى چىقىپتۇ.ئۆزىڭىز يازغانسىزھە.........ئاممالىكىن  شئىردىگەننى يىزىۋىتىپسىزجۇمۇ........

marwayt

	بەك ياخشى يىزىپسىز قۇلىغىزغا دەت بەرمىگەي..

dilhux2

	راسلا ياخشى چىقىپتۇ

tahirbeg

	شىئېرنىڭ قاتىلى    [s:2]

nazarxah

	يامان  بەيزى  چىقىپتۇ جۇما !!!

alyar

	شىئېر ياخشى چىقىپتۇ. ئادىل تۇنيازنىڭ <قەشقەردىكى يەر شارى> دىگەن شىئېرنى ئەسلەتتىڭىز...

farabiy

	يۇسۇپجاننىڭ 14 ياش چاغلىرىدىكى شېئىرلىرى بۇنچىلىك بولسا بالىغ بولغاندىن كېيىنكى شېئىرلىرىنىڭ كامالىتى تېخىمۇ قىيامىغا يەتكەن بولۇشى بەرھەق... ئەمما قايسى ژۇرناللاردىن تاپقىلى بولار...؟!