ئېلان ھەققىدە ساتىرا

wapadarim912

	تىڭشىسام ھەممە ئېلان،ساقلىقنى ئارمان قىلغۇدەك ، ئەل-ئاۋامنىڭ خوشلۇقى ،بەختىنى نىشان قىلغۇدەك ، ساختىسى راستىن تولا سۆزلىرى دەبدەبىلىك ، ئاقىبەت ئالداپ يۈرۈپ  يانچۇقنى ۋەيران قىلغۇدەك . بىرىنىڭ تابلېتى بار ،رولى ئاجايىپ ئۆزگىچە ، يېگۈچى بولماس كېسەل ئۇنى يېگەندىن ئۆلگۈچە، ئۇ شىپالىق بولغۇسى تاكى زۇكامدىن- راكقىچە ، ئۈچ داۋالاش باسقۇچى كېسەلنى سەرسان قىلغۇدەك . بىرىدە باردۇر سوپۇن چاچنى قىلاركەن قاپقارا ، چاچنى توم، تال-تال قىلىپ  ،باش تېرىنى قىلماس يارا ،    ھەم يوقاتقاچقا  كېپەك  شۆھرەت تېپىپ ئالەم ئارا ، تازغا سۇمبۇل  چاچ چىقىپ سايلىقنى بوستان قىلغۇدەك . بىرىنىڭ چىش پاستىسىدا يۇيساڭلا چىشلار پارقىراق ، يوق بولارمىش ئەتىسى داغ ھەم يەنە  سسېسسىق پۇراق ، چوتكىسى ئۇندىن ئېسىل سۈرگەنچە كىرىپ ئىشتىياق ، ساپسېرىق توڭكاي چىشىڭنى ئۈنچە مارجان قىلغۇدەك . بىرىدە بار ئىچ كىيىم كەيسەڭلا  بولغايسەن ئورۇق ، بىرىنىڭ بار دورىسى سۈرسەڭلا يۈتكەي سەت قورۇق ، داغ سېرەرنى ئىشلىتىپ ئەر ئالدىدا يۈزلەر  يورۇق ، بۇ ئېلانلار سەتنى ئۇز ،مايماقنى جانان قىلغۇدەك . بىرىدە گىرىم بويۇم ئاسرايدۇ يۈزنى تېرىنى ، سۈركىسە قىز قىلغۇسى 70كە كىرگە قېرىنى ، بىرلىرى ئەتتىر چېچىپ رام قىلدى خەقنىڭ ئېرىنى ، ئەلنى جىق ئالداش ئۈچۈن ئەرتىسنى قالقان  قىلغۇدەك . بىرىنىڭ  كەندىر بىلەن  مەخسۇس توقۇلغان كۇسىرى ، كەيسىڭىز تاپقاي شىپا بەل ئاغرىقى ،مەزى بېزى ، بۇ كۇسار ئەر زاتىگە بەئەينى بەخىت يۇلتۇزى ، بۆرىكىڭ يوق بولسىمۇ ئىشرەتتە پالۋان قىلغۇدەك .... بىرى دەر سۆزلەر شېرىن چىققايكى يېسەڭ شاكىلات ، بىرى دەر توغماسنىمۇ بىزلەر قىلارمىز ئىككى قات ، بىرى دەر پۇل خەجلىسەڭ ئۆلگەنگە  بەرگەيمىز ھايات . يۈزدە يۈز ھۆددە قىلىپ قەسەمنى ئوكيان قىلغۇدەك . "نەچچە مىڭ يىللىق" رېتسىپتا ياساپتۇمىشلەر دورىنى ، "بىرنى ئالساڭ ئۈچى سوۋغا"  كولاپ  قويۇشتى ئورىنى ، بىز نادانلار گول بولۇپ ئۆرۈك ساناشتۇق غورىنى ، ئالدىنىپ يۈرگەنچە بىز، كاززاپلار خەندان قىلغۇدەك . تېگى پەس ئىپلاس ئېلانلار دەستىدىن خەستە  يۈرەك. دورىدا ئىش پۈتسىتى  ،دوختۇرنى  قىلغاي كىم كېرەك ، شۇڭىمۇ زورلاپ ساتارغا بولغۇلۇق قاتتىق سەگەك ، مەقسىتىن يەتمەك ئۈچۈن ساپساقنى نىمجان قىلغۇدەك . 2009-يىلى 2-ئاينىڭ12-كۈنى شەھرى بورتالادا ۋاپادارىم ئىشخانىسىدا يېزىلىپ بېقىلدى ..

barkatjan

	دەل جايىدا كەلتۇرۇپ يىزىپسىز.. مەن ئويلاپ قالدىم بىزمىللەتتە ياخشى شائىرلار كۆپ ئىكەن .بىزدە پەقەت تونۇش  ۋەتونۇتۇشلا  كام قاپتۇ...     رەھمەت سىزگە مەن بىر شئىر خۇمار ئۇيغۇر بولۇش سۇپىتىم بىلەن ھەربىر شئىرىڭىزنى   ساقلاپ  كىلىۋاتىمەن...........بۇنداق قىلسام كۆڭلىڭىزگە كەلمەس دەيمەنغۇ......

marwayt

	كوپـتىن  كوپ رەخمەت سىز گە بۇ شئىر بەكلا ياخشى يىزىلىپتۇ  مەن بۇ شئىرىڭىزنى ساقلاپ پات پات ئوقۇپ تۇرمەن..

boraogli

	قارىساڭ ئۇشبۇ ئېلاندا ساپلا ئەرتىسلەر كېسەل، ساقىيىپتۇ ۋەلېكىن يەپلا شۇئان ساپ ھەسەل، ماي چىقىپتۇ يەپ شۇنى باشتىن-ئاياق قىلساڭ ئەمەل، قان تومۇرنى تازىلاپ قېنىڭنى ۋولقان قىلغۇدەك.

barkatjan

	ياخشى يەنە ئاخىرىنى چۇشۇرىدىغانلار بارمۇ يا....... .ئۇرىيە ،لەربەكئىسىل ئەخشىتىدۇ ھەممىنى. ئاچچىق ئۆرۇكبولسىمۇ بال قىلىدۇتەمىنى، چاچساڭ كىۋەزدورىسى كىۋەزقىلاچۆپنىمۇ. چاچساڭ ھاشارەت دورىسى يىلان قىلار قۇرتنىمۇ، بۇنى ئوقۇپ بەزى دوسلار قۇرىتمۇ يىلان بولامدۇ دىيىشى مۇمكىن .ئۆتكەن يىل نايىمىزدە دەل شۇنداق بولدى. كىۋەزگە چاچقان ھاشارەت ئۆلتۇرۇش دورىسى ئۆمۇچۇكلەرگە بەك پايداقىلىپ 15ئادەمنى چىقىپ جىددى قۇتقۇزۇشتا ياتقۇزۇپ قويدى.

pengiyar

	ھەي ئادەمنى بىزار قىلىدىغان ئېلانچىلىق! ئەمما ئوخشاش بولمىغان نوقتىدىن چىقىش قىلسا، ھەممىسىنىڭ ئۆزىگە چۈشلۇق سەۋەبى بار.......

battiy

	كەچۈرۈڭلار مەن ئەمدى كۆرۈپتىمەن    لىكىن   بەك  پەيزى يىزىلىپتۇ    جۇما    شائىر  قولىڭىزغا دەت بەرمىسۇن

ArislanMemet

	مۇنبەرنى ئالدىرماي ئاختۇرۇپ كۆرسە ، ياخشى تېما ، ئەسەرلەر كۆپكەن . بۇ شىئېرمۇ شۇنداق ياخشى يېزىلىپتۇ .

parhat0901

	مەھسۇلاتنى ماختىسا قالماس ئېغىزدا شېرىن سۆز، ئالدىنىپ يۈرەر ساختىغا مىڭلىغان ساددا قارا كۆز. ئىشلەتسىڭىز مەھسۇلاتنى راستۇر بىرى،ساختىسى يۈز، ئالداپ خەلقنى نامەردلەر،پۇللارنى غەملەپ يۈرگۈدەك.

SaDaK

	چاچسىڭىزيەرگەئوغۇتنى بىرنى مىڭ تال قىلارمىش، مول ھوسۇلدىن ئامبرى  بۇغداي.شالغا  تولارمىش. مىليۇنىر بوپ يوقسۇلمۇ ساراي،داچا  سالارمىش، ساددا  دىھقان  ئاكامغا ئورا كولاپ  يۈرگىدەك.