قەلبىمدىكى سەپەر

جىن

	قەلبىمدىكى سەپەر مەن سەپەرنىڭ قەلبىدە سەپەر مىنىڭ قەلبىمدە ئۇچراشتۇق سەپەر بىلەن دەرۋىش دېگەن مەلىدە سەپەر ئۇلۇغ ئاي ئىسمى سەپەر دوستۇمنىڭ بالىسىنىڭ ئىسمى سەپەر راھەت-ئازابنىڭ سىمۋولى سەپەر ئەلچىنىڭ سالام خېتى سەپەر ھىجرىيە كالېندارىدىكى ئاي دوستۇم سەپەر بىلەن باي ئادەم ئاتا يارالغان نەرسە بىر كوزا سېغىز ئارلاش لاي، سەپەر سۆزلەر مۇنداق دەپ -سەن ھەج قىلىپ كەلدىڭمۇ؟ -شەيتانغا تاش ئاتتىڭمۇ؟ -كاللىسىنى ياردىڭمۇ؟ -سەن ھەرەمگە باردىڭمۇ؟ -شەيتان دېگەن قانداقكەن؟ -كۆزۈڭ بىلەن كۆردۈڭمۇ؟ سەپەر سۆزلەپ ھارمايدۇ ياكى ئويناپ تالمايدۇ ئوينايدىغان ئېتى بار يىراق جايغا بارمايدۇ چوڭ سۆھبەتتىن قالمايدۇ باشقا ئۇماق بالىلاردەك نەرسە بەرسەڭ ئالمايدۇ يانچۇقىغا سالمايدۇ بەكمۇ ئوماق خۇيى بار يارماسلارغا يارمايدۇ مەن سەپەرگە ئامراق سەپەر ماڭا ھەم شۇنداق ئىشىك چېكىپ كېلىدۇ بىر قولىدا قوڭغىراق قول تۇتۇشۇپ ماڭىمىز گەرچە يوللار بەك يىراق ناخشىسى بار سەپەرنىڭ ئېيىتپ قويار ھەر سەھەر مەس قىلىدۇ سۆزلىرى ئاڭلاپ قالساڭ سەن ئەگەر -ئونبەش يېشىمدا -دوپپام بېشىمدا -ئونسەككىز يېشىمدا -ئايالىم قاشىمدا تۇت ياشقا كىرگەن سەپەر ئويلاپ قويار ئايالىغا قەدەر، مەن سەپەرنىڭ قەلبىدە سەپەر مىنىڭ قەلبىمدە ئۇ يۈرەكنىڭ پارىسى يېقىنچىلىق بەيگىدە 2011-2-25

pinhar

	شېئىرلىرىڭىزدىن ئۆزگىچە پۇراق ھىس قىلىمەن . مۇنۇ شېئىرىڭىزنىڭمۇ ،  قارىماققا  ،تىلى شۇنچە ئاددى كۈرۈنگىنى بىلەن بىر - ئىككى قېتىم ئالدىرماي ئۇقىمىسا ھەزىم قىلماق تەسكە توختايدىكەن ؟!

kun^kiz

	ئۇزۇن بوپتىكەن  جىن ئەپەندىنىڭ تېمىلىرىنى  كۆرمىگىنىمگە  سالاملار بولسۇن  .

riwayat0601

	شېئىرىڭىزنى قايتا - قايتا ئۇقۇپ ، خېلىلا تەستە ھەزىم قىلدىم ، سىزنىڭ يازغانلىرىڭىزغا ماسلاشتۇرۇپ باقاي دەپ خېلى تىرىڭشىپ باققان بولساممۇ ھېچ قاملاشتۇرالمىدىم ،  نىيەت قىلغان ئىشىمدىن يانماي دەپ جىجىلاپ  يۈرۈپ ئاخىرى بىرقانچە سۆزلەر دۈۋىسى مەيدانغا كەلتۈردىم  ،  قاملاشتۇرالمىغان بولساممۇ ، سىزنىڭ يازغانلىرىڭىز بىلەن ھېچ باغلىنىشى ، مۇناسىۋىتى بولمىسىمۇ يېزىپ قويدىم ، ئەپۇ قىلارسىز . ماڭدىڭ سەپەر قىپ قايان ، بۇ كۆڭلۈڭگە ئەڭ ئايان ، ئاقيول تىلە سەپەردە ، تىلىمىسەڭ بەك يامان . سەپەر قايان سورىما ، سەپەر ھەريان باشلايدۇ . ئارقىسىغا سېلىپ ئۇ ، بارار جايغا تاشلايدۇ . بارار جايىڭ قاياندۇر ، كەلگەن جايىڭ ئەمەسمۇ . بۇ ئۆتەڭدە قونساقمۇ ، قەيتىپ كىتەرمىز راسىتقۇ .

جىن

	<سەپەر>دېگەن ئاتالغۇنىڭ ئۆزىلا بىزگە نۇرغۇن سوئاللارنى تاشلايدۇ، سەپەر ئىنسانىيەتنىڭ سەپىرىلا ئەمەس بەلكى  پۈتۈن مەۋجۇداتنىڭ باقى ئالەمگە  بولغان سەپىرى بۇلۇپ  بىز ھەممىمىز ھاياتلىق كېىمىسدىكى مۇساپىرلارمىز .مۇشۇ  نۇقتىدىن ئېلىپ ئېيتقاندا ھايات بىز ئۇچۇن تولىمۇ قەدىرلىك ماكان بولسا سەپەر ئېڭى ھاياتلىقنىڭ جېنى بۇلۇپ قالىدۇ، شېئىرغا قانداق كىرىش ،قانداق ئۇقۇش ھۆرمەتلىك ئۇقۇرمەننىڭ  ئېستېتىك .ئاڭ -ساپاسىغا باغلىق مەسىلە،

nijad

	سەپەر  توغۇرلۇق  ئويلىغىنىمىز  ئوخشىشىپ  قالامدۇ  نىمە  .... مەنمۇ  ئىپادىلەپ  باققان  ئىدىم ، تۇۋەندىكى  قۇرلار  بىلەن    ئويلىغانلىرىمنى  . يۇرۇۋاتىمەن  مەنزىلىم تامان، سەپەرداشمەن خىيالىم بىلەن . ئومۇر مەنزىلىم ئالدىمدا تېخى، ھايات سەپىرىدە يەنە تەنھامەن. بىلمىدىم سەپىرىم  تۈگەيدۇ قاچان ، ھېس قىلدىم ،سەپەردە تەنھالىق يامان. بولساقمۇ  گەرچە  چوڭ بىر كارۋان ، يەنىلا  ئوزۇمنى  تەنھا  سىزىمەن.

huxrui

	جىن ئەپەندىنىڭ شىئېرلىرنى ئۇقۇشنى ياخشى كۆ رمەن ، نۇرغۇن ئەسىرڭىزنى ئۇقۇدۇم، ئىستىتىك تىلغان باي قەلمىڭىز ئاجايىپ مىسرالارنى تۈزەيدىكەن، مەنمۇ مۇنۇ شېئرىڭىزنى قايتا - قايتا ئۇقۇپ ئاندىن ھەزىم قىلدىم، قەلمىڭىزگە رەخمەت. مەنمۇ مىسرا تىزىپ باقاي، سىزنى دوراپ باقاي  دىسەم تىلىمغا گەپمۇ كەلمىدى، قەلمىم ئاجىز ئىكەن.

fany

	جىن ئەپەندى  شىئىرنى   جىندەكلا   يازىدۇ

جىن

	بۇ 7قەۋەتتىكىfany يوللىغان 2011-04-30 17:41 غا قارتىلغان  : جىن ئەپەندى  شىئىرنى   جىندەكلا   يازىدۇ ------------------ مۇشۇ <جىن> دېگەن ئىسمنى ئالماشتۇرمىسام بولمىدى ،لىكىن مەن ئىيمانلىق <جىن> ئىدىم،

Murat

	ئوتتىن يارالغان جىن دېگەن شۇنداق يازىدۇ.............. [s:2]