باش باھاردا بالىلاردا كۆپ كۆرۈلىدىغان كېسەللىكلەر

qabdas

	ھاۋانىڭ ئىللىشىغا ئەگىشىپ كىشىلەرنىڭ سىرتلاردىكى پائاليىتىمۇ كۆپىيىشكە باشلايدۇ،بۇنىڭ بىلەن ئىممۇنېتېت كۈچى ئاجىز بالىلار ناھايىتى ئاسانلا ھەر خىل يۇقۇملۇك كېسەللىكلەر بىلەن يۇقۇملىنىپ قالىدۇ ،بۇنىڭ ئۈچۈن ئاتا- ئانىلار تۆۋەندىكىدەك يۇقۇملۇق كېسەللىكلەرنىڭ ئالدىنى ئېلىشى لازىم ؛ يۇقۇملۇق قۇلاق ئالدى بېزى ياللۇغى بۇ خىل كېسەللىك ئەھۋالى كۆرۈلگەندە قۇلاق ئالدى بېزى ئىششىپ قىزىتمىسى ئۆرلەش، بېشى ئاغرىش، ئىشتىھاسىزلىق قاتارلىق ئالامەتلەر كۆرۈلىدۇ. يۇقۇملۇق زۇكام ، بۇ خىل كېسەللىك ئەھۋالى كۆرۈلگەندە،قىزىش،كۆزنىڭ بىرىكتۈرگۈچى پەردىسىگە قان يىغىلۋىلىش، باش ئاغرىش ،يۆتىلىش قاتارلىق كېسەللىك ئالامەتلىرى كۆرۈلىدۇ .ئېغىر بولغاندا ھاياتىغا خەۋپ يېتىشى مۇمكىن. مېڭە- يۇلۇن پەردە ياللۇغى بۇ خىل كېسەللىكتە نەپەس يولى يۇقۇملىنىش، تۇيۇقسىز قىزىتمىسى ئۆرلەش،ھوشسىزلىنىش قاتارلىق ئالامەتلەر كۆرۈلىدۇ . قىزىل چىقىش بالا قىزىپ ئۈچىنچى، تۆتىنچى كۈنلىرى قۇلىقىنىڭ كەينىگە قىزىل چىقىشقا باشلاپ، پۈتۈن بەدەنگە تارايدۇ ،كېيىنچە ئۆپكەياللۇغى ،كاناي ياللۇغىنى كەلتۈرۈپ چىقىرىدۇ ، ئېغىر بولغاندا يۇرەك ۋە چوڭ مېڭىنى زىيانغا ئۇچرىتىشى مۇمكىن. سۇ چېچىكى بماردا قىزىتمىسى ئۆرلەش ، بىشى ئاغرىش، تېرىدە سۇلۇق ئىششىق پەيدا بولۇش قاتارلىق ئالامەتلەر كۆرۈلىدۇ . مەنبە؛ شىنجاڭ قانۇنچىلىق  گېزىتى

qabdas

	بالىڭىز يۆتىلىپ قالغاندا.............     بالىڭىز يۆتەل بولۇپ قالغاندا، بەزىدە دورا يېسىمۇ ساقايمايدىغان ئەھۋاللار كۆرۈلىدۇ . ئۇنداقتا،تۆۋەندىكى ئاددى رىتسىپلانى سىناپ بىقىڭ؛ سامساق سۈيى ؛ ئىككى ئۈچ چىش سامساقنى توغراپ، ئازراق ناۋات بىلەن يىرىم پىيالە سۇدا قاينىتىپ، يىلمان بولغاندىن كېيىن ئىچسە يۆتەلگەشىپا قىلىدۇ . سامساقنىڭ تەبىئىتى مۆتىدىل بولۇپ، سوغاقتىن بولغان يۆتەلگە پايدا قىلىدۇ .بۇ  ئۇسۇلنى چوڭلارغىمۇ  تەتبىقلاشقا بولىدۇ ، لىكىن مىقدارىنى كۆپەيتىش كېرەك. ئاپېلىسىن كاۋىپى ؛ئاپېلىسىندىن بىر تال ئېلىپ كاۋاپتانغا قويۇپ، ئاپېلىسىنىڭ پوستى  قارا رەڭگە ئۆزگەرگۈچە قاقلاپ، ئاندىن ئىسسىق ۋاقتىدا پوستىنى  سويۇۋىتىپ يېگەندە  بەلغەمنى بوشىتىپ، يۆتەلنى توختىتىدۇ،سامساق سۈيى بىلەن بىللە ئىستېمال قىلىشقابولىدۇ .ناۋادا ئىسسىقتىن بولغان يۆتەل بولسا ، ناۋات - نەشپۈت سۈيى  ئىچسە بولىدۇ . مەنبە؛شىنجاڭ قانۇنچىلىق گىزىتى

narazi

	سىز دىگەن ئاۋۇ سۇ چىچىگى چىقىپ قالسا قانداق قىلىش كىرەكلىگى ھەققىىدە بىلەمسىز  ؟ 3ئايلىق  بولغان قىزىمغا چىقىپ قالغان ئىدى بەك ئەنسىرەپ قالدىم ھازىرچە سىرىتتىن ئىككى خىل دورا سۈركەپ ياللۇغقا قارشى زەيلىن دىگەن دورىنى ئىشلىتىۋاتىمىز

vmid219

	مېنىڭ بالاممۇ يوۆتەل بولۇپ، مەيدىسىدە"غىژ-غىژ"ئاۋاز پەيدا بوپ قالغان، ھەسەلنى قايناقسۇغا ئارىلاشتۇرۇپ بېرىۋىدىم، ھازىر ياخشى بوپ كەتتى.

atikam1

	بۇ تېما بىز ئانىلار ئۈچۈن  ھەقىقەتەن بىلىپ قۇيۇشقا تېگىشلىك تېمىكەن ،،،،ئەجرىڭىزگە رەخمەت

kun^kiz

	سامساق سۈيى ؛ ئىككى ئۈچ چىش سامساقنى توغراپ، ئازراق ناۋات بىلەن يىرىم پىيالە سۇدا قاينىتىپ، يىلمان بولغاندىن كېيىن ئىچسە يۆتەلگەشىپا قىلىدۇ . سامساقنىڭ تەبىئىتى مۆتىدىل بولۇپ، سوغاقتىن بولغان يۆتەلگە پايدا قىلىدۇ .بۇ  ئۇسۇلنى چوڭلارغىمۇ  تەتبىقلاشقا بولىدۇ ، لىكىن مىقدارىنى كۆپەيتىش كېرەك. ئاپېلىسىن كاۋىپى ؛ئاپېلىسىندىن بىر تال ئېلىپ كاۋاپتانغا قويۇپ، ئاپېلىسىنىڭ پوستى  قارا رەڭگە ئۆزگەرگۈچە قاقلاپ، ئاندىن ئىسسىق ۋاقتىدا پوستىنى  سويۇۋىتىپ يېگەندە  بەلغەمنى بوشىتىپ، يۆتەلنى توختىتىدۇ،سامساق سۈيى بىلەن بىللە ئىستېمال قىلىشقابولىدۇ .ناۋادا ئىسسىقتىن بولغان يۆتەل بولسا ، ناۋات - نەشپۈت سۈيى  ئىچسە بولىدۇ .   بۇ رىتسىپلارنى بىز چوڭلار ئىشلەتسەكمۇ بولامدۇ چۈنكى مېنىڭ ھازىرچا بالام يوقتى اللە  ماڭىمۇ بىر پەرزەنىت بەرسىكەن  دەپ تىلەيمەن  .

qinar

	مىنىڭ قىزىمنىڭ بەدىنىگە قىزىل پۇرچاقلار چىقىپ قالدى ،تۇخۇم يېغىدا ياغلاۋاتىمەن ،ئۇنۇملۇك ئۇسۇل بولسا دەپ بەرسەڭلار.

pariay

	بىلىۋېلىشقا تىگىشلىك پايدىلىنىش قىممىتى يۇقىرى تىما بوپتۇ ! ئەھمىيەتلىك يوللانمىلىرىڭىز ئۈزۈلۈپ قالمىسۇن !

orkex

	ياخشى بىلىملەركەن . موشۇنداق ساغلاملىق بىلىملىرىدىن خەۋەردار قىلىپ تۇرغايسىز .

qabdas

	بۇ 2قەۋەتتىكىnarazi يوللىغان 2011-03-22 14:06 غا قارتىلغان  : سىز دىگەن ئاۋۇ سۇ چىچىگى چىقىپ قالسا قانداق قىلىش كىرەكلىگى ھەققىىدە بىلەمسىز  ؟ 3ئايلىق  بولغان قىزىمغا چىقىپ قالغان ئىدى بەك ئەنسىرەپ قالدىم ھازىرچە سىرىتتىن ئىككى خىل دورا سۈركەپ ياللۇغقا قارشى زەيلىن دىگەن دورىنى ئىشلىتىۋاتىمىز بۇرۇن مەنمۇ ، قىزىمغا سۇ چىچىكى چىققاندا، دورا سۇركەپ ساقايتقان قايسى دورا ئىكەنلىگى ئىسىمدە يوق، ئەڭ ياخشىسى دوختۇردىن مەسلىھەت ئېلىڭ .