كەلدى نورۇز

ئايتۇغ

	نورۇزنامە سائادەت ساتتار چاپىنىنى ئاستا  سالدى تاغ بوۋاي، چاپىقىنى ئاستا ئالدى باغ موماي، يەر باغرىنى يېرىپ چىقتى تۆت قۇلاق، زىل بەرگىنىڭ تىترىشىگە قارىماي. ئاقتى ئەگىز كوچىلاردا سەل بولۇپ، قارلىغاچلار كەلدى ئەنە سەپ بولۇپ، يەر باغرىنى يېرىپ چىقار سازاڭلار، زىمىستاننىڭ پارچىسىنى يەپ بولۇپ. ئىللىق شامال سىلىماقتا مەڭزىمنى، سالاي ئەمدى قېلىن قىشلىق ئەڭلىمنى،* مەجنۇنتالغا قونغان كاككۇك تارتماقتا، باھارسىراپ مۈگدەك باسقان مەيلىمنى. نورۇز ئېشى تەييارلىدىم سۈيۈنۈپ، داستىخاننى سالاي دەيمەن بارچىغا. مىھرىم بىلەن ئۇرۇقلارنى چاچىمەن، ھويلامدىكى كىچىككىنە باغچىغا. ئىللىق قۇياش،ئىللىق شامال،ئىللىق ھىد، نورۇزۇمغا بولۇپ كىلەر ھەم شاھىد. كەلمىشىدىن باش باھارنىڭ دېرەكتۇر، كۆللەردىكى ئېرىپ چۈشكەن مەرۋايىت. قىز كۈتكەندەك تۇنجى سۆيگەن يارىنى، ئېپ كىلەر دەپ ئاڭا لازىم بارىنى، چاچلىرىمنى قىرىق ئۆرۈپ تارىنىپ، قارشى ئالاي تۇنجى پەسىل ئايىنى، ھە راست يەنە ياساپ بېرەي ئوغلۇمغا، چىۋىقلاردىن توقۇپ ساۋۇت-دۇبۇلغا. كۆك تۈگرىسى غەلۋە  قىلغان قىزىمنىڭ، قويۇپ قوياي قاشلىرىغا كۆك ئوسما، ئىتىكىمگە لىق تولدۇرۇپ كۆك بېدە، يوقلاپ كىلەي ئاناجاننى دىككىدە. ئۇمۇ بەلكىم مىنى كۈتۈپ تۇرىدۇ، باھاردەكلا تاتلىق ئۈمىد ئىچىدە. ھال سوراي ھەم كونا-يېڭى دوستلاردىن، ئامان-ئېسەن چىقتىڭمۇ دەپ ئۆچەكتىن. بالىلارنى يىغىۋېلىپ چىملىققا، ئېيتىپ بېرەي بوۋام ئېيتقان چۆچەكتىن. كەتمەن ئالدى ئۇندا جەزمەن تاغاممۇ، ئۇرۇق چېچىپ ماڭار ئىزلاپ ھامماممۇ. ئۇندا يالغۇز،ھەم ياشىنىپ قالدىڭلار، تېرىلغۇغا ياردەمگە مەن بارايمۇ؟ ********************** نورۇز كەلدى،باھار كۈلدى ئۇيغۇرۇم، يىگىت كۈلدى،قىزىڭ كۈلدى ئۇيغۇرۇم. خۇش مۇبارەك قەدىمىڭگە مارھابا! تاغلار كۈلدى،بېغىڭ كۈلدى ئۇيغۇرۇم! *-(كۇچار شىۋىسى،مەنىسى-كىيىم) تۇرپان گېزىتى2011-يىلى3-ئاينىڭ21-كۈنى

zapar120

	نىمە دىگەن پاساھەتلىك مىسرالار، رەخمەت سىزگە ئايتۇغ، ئەلكۈيى تورى نورۇزلۇق بىرەر پائالىيەت ئورۇنلاشتۇرمىدىمۇ؟ بارلىق دوستلارنى نورۇز بايرىمىغا مۇبارەك بولسۇن!

barkatjan

	ياخشى يىزىپسىز....... توۋا بىزدە ياخشى شائىرلار شۇنداق كۆپئىكەن .نىمىشقا بىرەردىن كىتاپ چىقارمايسىلە دەيمەن... چەتنىڭ ئادەم چۇشەنگلى بۇلمايدىغان .ئۆزىنى ئاشكارلىغۇچىلا دەمدۇ ،ئىشقىلىپ تايىنىيۇق شئىرلاردىن بىرنەچچە كۇپلىت تەرجىمە قىىلپ نوبىل مۇكاپاتىغا ئىرىشكەن.شائىرنىڭ شىئىرى دەپقۇيىدىكەن. مەن ئويلاپ قالدىم .مۇشۇمۇكاپاتلارمۇ.بىزگەكەپ بولغىچە.ھىرىپ توختاپ قالىدىغان ئوخشايدۇ...........

aman121

	ياخشى يىزىپسىز....... توۋا بىزدە ياخشى شائىرلار شۇنداق كۆپئىكەن .نىمىشقا بىرەردىن كىتاپ چىقارمايسىلە دەيمەن... چەتنىڭ ئادەم چۇشەنگلى بۇلمايدىغان .ئۆزىنى ئاشكارلىغۇچىلا دەمدۇ ،ئىشقىلىپ تايىنىيۇق شئىرلاردىن بىرنەچچە كۇپلىت تەرجىمە قىىلپ نوبىل مۇكاپاتىغا ئىرىشكەن.شائىرنىڭ شىئىرى دەپقۇيىدىكەن. مەن ئويلاپ قالدىم .مۇشۇمۇكاپاتلارمۇ.بىزگەكەپ بولغىچە.ھىرىپ توختاپ قالىدىغان ئوخشايدۇ........... ---------------------------------------------------- گەپ سىزنىڭ شۇنداق شېئىرلارنى ھەزىم قىلالىشىڭىزدا!...

taranqi

	نۇرۇزنىڭ نايانلىرى ئىنىق سۆزلىنىپتۇ ~  مۇكاپاتلىق ئەسەرگە قاتناشتۇرغانسىز ھە ؟

bargiya

	سائادەت ھەممىمىزگگ مۇبارەك بولغاي بۇ قۇتلۇق نورۇز.. سۆيۈندۈم مىسرالاردىن...يۈرىكىم ياپ-يېشىللىققا تىۋىنغان ئوت تىنىقلار ھىدىغا توشتى .

kilyang

	تىما ئىگىسىگە رەھمەت ! بارلىق مۇنبەرداشلارنىڭ نەۋرۇزلۇق بايرىمىنى تەبىرىكلەيمەن

atikam1

	شۇنداق ئېسىل مىسرالىرىڭىز بىلەن نورۇز بايرىمىنى مۇبارەكلىگىڭىزگە سىزگە كۆپ رەخمەت،،،،،، ئەسلى نورۇز يېشىللىقنىڭ بەلگىسى ئىدى  ،،،بىراق بۇ يىلقى نورۇز  بىزگە ئاپپاق قارلارنى ئېلىپ كەلدى ،،،،شۇنداقتىمۇ  مەھەللىدىكى مىللىلار قارغىمۇ قارىماي  نورۇز ئېشى ئېتىۋاتىدۇ ،،،، ھەممە شۇنداق خۇشاللىقتا،،،، ئەلكۇيىدىكى بارلىق  قېرىنداشلارنىڭ نورۇز بايرىمىنى مۇبارەكلەيمەن ،،،

tutem

	نورۇزنىڭ 2-كۈنىنى قۇتۇبىدا ئوينايدىغان چىرايدا تۇرىمەن. نورۇز تەسىراتلېرى نامىدا ئەبجەش يازمىدىن بىرسىگە دىتال بولغۇدەك ۋەقە يۇقۇرى سۈرەتلىك تاشيول بويلاپ سويلاپ ياتماقتا.

zakira

	سالام دوستۇم ! سېنىڭ مارجاندەك تېزغان بۇ  دۇردانىلىرىڭ تور دۇنياسىدىلا ئەمەس ،گېزىت ژورناللاردا ئېلان قىلىنىپ ،ھەممىمىنىڭ ساڭا بولغان ھۆرمىتىمىزنى ھەسسىلەپ ئاشۇرماقتا ...ساڭا چىن دېلىمدىن بەخىت -ئامەتلەر تېلەيمەن . ئاددى بولسىمۇ بۇ سوغامنى قوبۇل قىلغايسەن ،سالامەت قىزىمنى مەن ئۈچۈن سۆيۈپ قويغىن .