مەرھابا نەۋرۇز

bargiya

	[[size=5]size=7] مەن بولاي مەجنۇنتال خەلقىم ئۆركەش سۇ ، كۈن-تۈندە سۆيۈش ئۇ ئۆزگەرمەس ئارزۇ. كۆكلەم خېتىنى توشۇدى قۇشلار، مەيىن شامالدا كۈلمەكتە باھار. ئاخىرقى ئەگىزنىڭ شىرىلدىشىدا، چوقان سالماقتا بۈيۈك ئىپتىخار. ئاق قار ئاقلىقىدىن پاكلانغان كۆڭۈل، شاتلاندى باھارنىڭ پەرمانلىرىغا. نورۇزلۇق كۆجىنىڭ پۇراقلىرىدا، قوشۇلدۇق دىھقاننىڭ چاۋاكلىرىغا. پەسىلنىڭ قىرغىقى سۆيۈپ باھارنى، يېشىل رەڭ لىباستا نازلاندى دۇنيا. ئوت تىلەك جۇشقۇنلۇق بەرمەكتە قانغا، نورۇز قىز كۆيدۈرۈپ يىگىرمە بىر ياشتا. خەلقىم باغرىدا يېڭى يىل باھارى، كۈلمەكتە يېشىل رەڭ زىناقلار ئارا. قەلبىمدە مۇھەببەت قۇچاقلىماقتا، ئۇيغۇرۇم باھارىچۈن بولغاچقا سەۋدا بەرگىيە .‹‹نورۇز››(ياشارغان كۈن››نىڭ كىلىپ چىقىش تارىخى دۇنيادىكى مىللەت ۋە دۆلەتلەرنىڭ ‹‹يېڭى يىل››نى باشلاش ۋاقتى ئوخشاش ئەمەس،ئۇلار يېڭى يىل كۈنلىرىنى تەبىئەت ھادىسىلىرىنىڭ قانۇنىيىتى ۋە تۈرلۈك ۋەقە ھادىسىلەرنىڭ خاسىيىتىنى خاتىرلەش ئۈچۈن ئۆزىنىڭ "يېڭى يىل"ىنى ئوخشىمىغان ۋاقىتلارغا ئورۇنلاشتۇرغان.مەسىلەن :جوڭگۈ ۋە باشقا نۇرغۇن دۆلەتلەردە مىلادى 1-ئاينىڭ 1-كۈنىنى يېڭى يىل دەپ، بۇ كۈننىڭ خاسىيىتىنى خاتىرىلەش بىلەن بىرگە تەبىئەتتىن تۈرلۈك تىلەكلەرنى تىلەپ،شۇ يىل ئىچىدە ئۆزلىرىنىڭ باياشات ۋە خاتىرجەم ئۆتۈشىنى ئارزۇ قىلىشىدۇ.فىلىپپىنلىقلار بولسا ئۆزىنىڭ مىللى قەھرىمانى خېسەي لىساڭ قۇربان بولغان كۈننى (مىلادى 12-ئاينىڭ30-كۈنىنى)يېڭى يىل باشلانغان بايرام قىلغان.مىسىرلىقلار بولسا مىلادىدىن 4000يىللار ئىلگىرى نىل دەرياسىدا تاشقىن بولغان ۋاقىتنى(مىلادىيە كالىندارى 6-ئاينىڭ15-كۈنىنى،ھەر يىلى مۇشۇ چاغدا نىل دەرياسى تاشقىنلايدۇ)يىل بېشى قىلغان.... بىزنىڭ ئاتا-بوۋىلىرىمىزمۇ باشقا مىللەت خەلقلىرىگە ئوخشاشلا يېڭى يىلنى ئۇلۇغلاشنى،يېڭى يىلدا ئۆزىنىڭ ئاسايىشلىققا تولغان تۇرمۇشىنى قەدىرلەشنى بىلگەن.‹‹جۇنامە››نىڭ‹‹تۈرۈكلەر››بابىنىڭ ئىككىنچى بۆلىمىدە ‹‹خان چېدىرنىڭ ئىشىكىنى شەرىققە قارىتىدۇ،شەرىقنى كۈن تۇققان تەرەپ دەپ سېغىنىدۇ،ئۇلار كالىندارنى بىلمەيدۇ،پەقەت ئۆت-چۆپلەرنىڭ قايتا ياشىرىشى بىلەن ۋاقىتنى ھىساپلايدۇ...›،دەپ خاتىرلەنگەن ،بۇنىڭدىن شۇنى كۆرىۋېلىشقا بولۇدۇكى بۇرۇنقى زاماندا كۈن-چاغنى(ۋاقىت)،ئاي-يىلنى ئېنىق ھىساپلايدىغان ئاستۇرنۇمىيەلىك يازما كالىندار يوق ئىدى.مۇشۇنداق ئەھۋال ئاستىدىمۇ ئاتا-بوۋىلىرىمىز باھاردا ئوت-گىياھنىڭ ياشىرىشى،ھەر يىلى يۇلتۇزلار ئورنىنىڭ ئۆزگىرىشى قاتارلىقلاردىن يىلنىڭ يېڭىلانغانلىغىنى ۋە "يىل بېشى"نى ئېنىق بىلگەن. تىلشۇناس،ئالىم ئىمىن تۇرسۇن ئەپەندى مۇنداق دەيدۇ‹‹قەدىمقى ئاتا-بوۋىلىرىمىز،كۆچمەن چارۋىچىلىق بىلەن شۇغۇللانغان چاغلاردا، چارۋا مالنىڭ ياشاش قانۇنىيىتىگە ئاساسەن ،ئوت يەيدىغان چارۋىلار بىلەن تەبىئەتنىڭ قانۇنىيەتلىك باغلىنىشىنى،ھەم بىرى بىرىنى تولۇقلايدىغانلىغىنى ئېنىق بىلەتتى...››بۇ دىگەنلىك ئوت-چۆپ يەيدىغان ھايۋانلارنىڭ تۆللەيدىغان ۋاختى دەل ئوت-چۆپلەرنىڭ كۆكىرىپ چىققان ۋاقتىغا توغرا كېلەتتى دىگەنلىك ئىدى.بۇ چاغ دەل باھار بولغان،تەبىئەت يېشىللاشقان چاغ ئىدى. بۇنىڭدىن شۇنى كۆرىۋېلىش تەس ئەمەسكى ،ئاتا-بوۋىلىرىمىز ‹‹ئۆرۈلگەن يىل››نى يىل بېشى قىلغان.بۇ يىلنى يەنە ‹‹ياشلانغان يىل›› ياكى" ياشارغان كۈن"دەپ ئاتىغان. قەدىمقى ئاتا-بوۋىلىرىمىز دەسلەپتە يېڭى يىلنى يىل بېشى،ياكى‹‹كۈن تۇغدى››دەپ ئاتىغان بولسا 10-ئەسىرلەردىن كىيىن،ئېرانلىقلارنىڭ‹‹نورۇز››سوزىنى قۇبۇل قىلىپ،باھار بايرىمىنى‹‹ نورۇز›› دەپ ئاتايدىغان بولغان.نورۇزدىكى ‹‹نو››(ئۇقۇلىشى نەۋ)تۈپ مەنىسى كونىنىڭ ئەكسى بولغان‹‹ يېڭى››،‹‹ئېرىغ(پاكىز،تازا) دىگەنلىكتۇر.‹‹رۇز››نىڭ مەنىسى ئاپتاپ(قۇياش) تۇغۇلۇپ-پاتقۇچە وۇرۇق بۇلۇپ تۇردىغان چاغ دىگەنلىكتۇر.دىمەك ‹‹نورۇز››-‹‹يېڭى كۈن››،‹‹يىل بېشى››،‹‹يېڭى يىل›› دىگەنلىكتۇر.ئاددىلاشتۇرۇپ دىگەندە بۇ ‹‹ياشارغان كۈن›،دىگەندىن ئىبارەت.بۇ ‹‹ياشارغان كۈن›› مىلادىيە كالىندارى بۇيىچە ھەر يىلى 3-ئاينىڭ21،22،23-كۈنلىرىگە توغرا كېلىدۇ 2.نورۇزنىڭ خاسىيەتلىرى نورۇز ‹‹تۈركى››مىللەتلەرنىڭ ئورتاق بايرىمى بۇلۇپ،ئوتتۇرا ئاسىيا،ئېران،تۈركىيە قاتارلىق دۆلەت ۋە رايۇنلاردا ياشاپ كېلىۋاتقان تۈركى،پارىس كىشىلىرىنىڭ ئورتاق بايرىمى بولۇپ،بۇ كىشىلەر يېڭى بىر يىلدا تەبىئەتتىن زور نېممەتلەرنى كۈتۈش بىلەن بىللە يەنە كىشىلەر ئارىسىدىكى كۆيۈنۈش ۋە مىھرىۋانلىقنىڭ يېڭى باسقۇچقا كۆتۈرۈلۈپ،تەبىئەتتىكى ئادىمىزات،جان- جانۋارلار ۋە ئۆسۈملۈكلەرنىڭ كەڭ زىمىنىدا ئۆزىنىڭ بەركىتىنى ياغدۇرۇپ،زىمىنىڭ ئاسايىشلىقىنى ،گۈزەللىكىنى تېخىمۇ نامايەن قىلىشىنى تىلەشكەن.بۇنىڭدىن تەبىئەت بىلەن ئادەم ئوتتۇرىسىدىكى گارمۇنىيەلىك مۇناسىۋەتنى كۆرىۋىلىش تەس بولمىغىنىدەك بۇ بايرامنىڭ خاسىيىتىنى ھېس قىلىشمۇ تەس ئەمەس. خەلقىمىز نورۇزنى قۇتلۇق، خاسىيەتلىك بايرام دەپ قارايدۇ.نورۇز ئالدىدا ۋە نورۇز مەزگىلىدە ھەرقانداق كىشى ياخشى ساۋاپلىق ئىشلارنى قىلىشقا ئۆزلىرى تىرىشىدۇ ۋە ئۆزگىنى رىغبەتلەندۈرۈدۇ.ئۇلار نورۇز مەزگىلىدە كىمكى ياخشى،ساۋاپلىق ئىشلارنى قىلسا ،شۇ كىشىگە يىل بۇيى ياخشىلىق نېسىپ بولىدۇ دەپ قارايدۇ.شۇڭا قەدىم زاماندىن تارتىپ كىشىلەر  يېڭى يىلىنىڭ ئامان- ئېسەن ۋە مەنپەئەتلىك بۇلۇپ ئۆتۈشىنى ئارزۇلاپ،ھەرخىل ياخشى ئىشلارنى،ساۋاپلىق ئىشلارنى قىلىش ئومۇمى ئادەتكە ئايلانغان. ئادەتتە نورۇز ئېيىدا تۇغۇلغان بالىلارغا،قۇتلۇق كۈننى ناملىرى ۋە قۇتلۇق كۈنگە مۇناسىپ،كېلىدىغان گۈل-چىچەك،گۈل-گىياھلارنىڭ ئىسىمىنى قۇيۇشۇپ،پەرزەنتىلىرنىڭ ئۆمۈرلۈك خۇشال-خۇرام ئۈتىشىنى تىلىشەتتى.بۇ قۇتلۇق كۈنلەردە يەنە  ئۇلار ياخشى ئىشلارنى قىلىش بىلەن بىرگە،بىرى-بىرگە ياخشىلىق تىلىشەتتى.ئۆز-ئارا يوقلۇشۇپ يۇرتتا قانداق ئەھۋاللارنىڭ مەۋجۇتلىقىنى ئېنىقلاپ،ئاجىز ھىمايىچىسىز ،غېرىپ- مۇساپىرلارنىڭ مۇشكۈلىنى ئاسان قىلاتتى.مەشرەپ سورۇنلارنى ئۆتكۈزۈپ،ئۆزىنىڭ كېيىنكى ئەۋلاتلىرىنى تەبىئەت بىلىملىرى ۋە جەمىيەتنىڭ ئەخلاق-يۇسۇنلىرى ئارقىلىق تەربىيىلەپ.ئەۋلاتلارغا بىر خىل مەسئۇلىيەتچانلىقنىڭ ئۆزلىرىنى كۈتۈپ تۇرۋاتقانلىغىنى ھىس قىلدۇراتتى. نورۇز ئېشى تەييارلاپ،ئەۋلاتلارغا ئەمگەكنى،ئەمگەكچىلەرنى ۋە ئەمگەك مىۋىسىنى قەدىرلەشنى،جاپاغا چىداپ،ئەمگەك قىلىپ،باشقىلارنىڭ ئالدىدا يەرگە قاراپ قالماسلىقنى ئۈگىتىش بىلەن بىرگە ئەمگەك بىلەن ھەم ئەرنىڭ ھەم يەرنىڭ كۆكىرىدىغانلىغىدىن ئىبارەت ھەقىقەتنى بىلدۈرەتتى.شۇنداقلا نورۇز ئېشى يىگەندە باشقىلارغا خۇشاللىق،ئامانلىق-ياخشىلىق ئېلىپ كىلىشنى تىلىگەن ناخشا مۇزىكىلارنى ،بىيىت- قوشاقلارنى ئېيتىشىپ،كوڭلىنى ئىزھار قىلىپ،خۇشاللىقتىن ھەممىنىڭ تەڭ بەھرىمان بولىشىنى تىلەيتتى. نورۇزنىڭ يەنە بىر مۇھىم خاسىيىتى شۇكى-بۇ بىرلىك،ئىناقلىق بايرىمى،ئۆچ-ئاداۋىتى بار كىشىلەر ئۆتكەنگە سالاۋات قىلىپ،قايتا ئەپلىشىپ بىرلىكتە ياشاش،بىرى-بىرىگە يار-يۈلەكتە بۇلۇشتەك ئىسىل پەزىلەتلىرىنى نامايەندە قىلاتتى. 3.نورۇزنىڭ رەسمىيەتلىرى نورۇزنىڭ يۇقارقىدەك خاسىيەتلىرى بۇلۇش بىلەن بىرگە يەنە ئەۋلاتتىن-ئەۋلاتقا داۋاملىشىپ كەلگەن ،ئىسىل قائىدەلىرى(رەسمىيەتلىرى)مۇ بار بۇلۇپ.ھەرقانداق بىر نورۇز ئەھلى نورۇز بايرىمىنىڭ مۇشۇنداق تۈزۈملەشكەن قائىدىسىگە قاتتىق رىئايە قىلىپ،نورۇز كۈنلىرى بولۇدىغان ئۇمۇمى خەلق سەيلىسىنى يۇقىرى سۈپەت بىلەن ئۆتكۈزۈشكە ھەسسە قۇشۇش كېرەك. نورۇزدا ئېلىپ بېرىلىدىغان ئۇمۇمى خەلق سەيلىسىنىڭ شەكىللىرى ئىنتايىن كۆپ بۇلۇپ،بۇلارنى يىغىنچاقلىغاندا ‹‹توققۇز توقۇ››(توققۇز مەركە-مۇراسىم) دىيىلىدۇ.بۇلار تۈۋەندىكىلەردىن ئىبارەت: 1)نورۇز ناغرىسى-بۇ نورۇز باشلىنىش ھارپىسىدا،بارلىق كەنت،قىر-يېزىلاردا نورۇز بايرىمى كەلگەنلىكىنى ئاڭلىتىپ،ناغرا-سۇنايلارنى چېلىپ،ئەل-يۇرتنى نورۇز بايرىمىغا تەييارلىق قىلىشقا سەپەرۋەر قىلدىغان ،ھېيىت-بايرام تۈسىنى ئالدىغان پائالىيەت. 2)نورۇز تازىلىقى-بۇ ھەممە بىردەك ئۆزلىرىنىڭ شەخسى تازىلىقى،ئۆي،ھويلا-ئاراملارنىڭ تازىلىقى ۋە جامائەت سورۇنلىرى،ئېرىق-ئۆستەڭلەرنىڭ تازىلىقىنى قىلىپ،ئېرىغدىنىپ،يېڭىچە ئىش باشلاشنىڭ بەلگىسى سۈپىتىدىكى ھەركەت ئىدى. 3)سوغۇق قوغلاش-بۇ ھارپا ئاخشىمى يىگىتلەر توپ-توپى بىلەن ياغ قاچىلاپ ،پىلىك چىقىرىلغان قاپاققا ئوت يېقىپ،مەھەللىدىن چىققۇچە،قىر-سەھراغا يۈزلىنىپ،سوغۇقنى قوغلاش پائالىيىتى ھىساپلىناتتى. 4)يوقلاش-نورۇز كۈنى چۈشكىچە يوقلاش پائالىيىتى بۇلۇدۇ.بۇنىڭدا پەرزەنتلەر ئاتا-ئانىلىرى،ئۇرۇق-تۇققانلىرىنى يوقلاش ئارقىلىق چوڭلاردىن ھال سورىسا،جامائەت ئىگە-چاقىسىز،قېرى-چۇرى،يىتىم-يېسىر،مېيىپلارنى يوقلاپ،ماددى ۋە مەنىۋى جەھەتتىن ئۇلارغا ياردەم بېرەتتى. 5)نورۇز ئېشى-نورۇز كۈننى قۇتلۇقلاپ،قۇربى يەتكەن ئائىلىلەر ‹.ق››تاۋېشى بىلەن باشلانغان يەتتە خىل(ئىسلامدىن ئىلگىرى توققۇز خىل) يىمەكلىكتىن نورۇز ئېشى تەييارلايدۇ.مەسىلەن:قايماق،قېتىق،قۇرۇت،قۇيماق،قاتلىما،قۇيرۇق ۋە قوزا گۈشى قاتارلىقلار.ئۇنىڭدىن باشقا يەنە نورۇز ئېشىنىڭ ‹‹س››ھەرىپى بىلەن باشلانغا يىمەكلىكلەردىن ۋە 9خىل دانلىق زىرائەت، ئوتياشتىن تەييارلىنىدىغان شەكىللىرىمۇ بار. 6)نورۇز سەيلىسى-بۇ يوقلاش ئاخىرلاشقاندىن كىيىن،يەنى چۈشتىن كىيىن ئېلىپ بېرلىدىغان سەيلە قىلىش پائالىيىتى بۇلۇپ،قىز-يىگىتلەر ئىككى تەرەپتە تۇرۇپ بىر-بىرىگە بىيىت ئېيتىشىپ،كۈنلەرنىڭ ئاسايىشلىق بولۇشىنى ئارزۇ قىلىشاتتى.شۇنداقلا چاقپىلەك،يىلانگۇچ قاتارلىق ئەنئەنىۋى تەنتەربىيە ئويۇنلىرىنى ئويناپ،ئۆزلىرىنىڭ جاسارىتىنى ئىپادىلەيتتى. 7)نورۇز يارىشى-بۇ نورۇزنىڭ ئىككىنچى كۈنى ئۆتكىزلىدىغان يارىش(مۇسابىقە)ئىدى.بۇنىڭدا چېلىشىش،بەيگە،ئوغلاق تارتىشقا ئوخشاش تەنتەربىيە مۇسابىقىلىرى ئەۋجىگە چىقاتتى. 8)نورۇز مەشرەپ-نورۇزنىڭ ئۈچىنچى كۈنى ئوتكۈزىلىدىغان مەشرەپ بۇلۇپ،مەھەللىلەرنى بىرلىك قىلىپ ئۆتكۈزىلەتتى.كىشىلەر يىغىش قىلىپ،ياكى ھال-ئوقىتى ياخشى كىشىلەر شەخسي ھالدا كۆپچىلىكنىڭ ئالدىغا داستىخان ھازىرلايتتى.ماھىيەتتە بۇ بىر مەكتەپ بۇلۇپ تۇرلۇك-تۈمەن بىلىملەر شۇنىڭدا ئۈگىتىلەتتى. شۇڭا كونىلاردا"بالاڭنى مەكتەپكە بەر،مەكتەپ بولمىسا مەشرەپكە بەر"دىگەن ھېكمەت بار ئىدى. 9)نورۇزلۇق تىلەك-بۇ نورۇزنىڭ 4-كۈنى ئۆتكىزىلىدىغان تىلەك تىلەش پائالىيىتى بولۇپ،نورۇزنىڭ ياخشى باشلىنىپ،شات-خۇراملىق بىلەن ئۆتكىزىلگەنلىكىگە ۋە ئۆتكەن يىللىق نىمەتلەرگە شۈكۈرانە بىلدۈرۈش،شۇنىڭ بىلەن بىللە بۇ يىلنىڭ ئامان- ئېسەن،توقچىلىق بىلەن ئۆتىشىنى يەنى زىرائەت-ئېكىنچىلىقنىڭ مول ھۇسۇللۇق بولىشىنى تىلىشەتتى. قىسقىسى نورۇز-ئەنئەنىۋى مىللى بايرام،ئەمگەك بايرىمى،دوستلۇق ئىناقلىق بايرىمى،ساۋابلىق بايرام،ئامانلىق بايرىمى،شادلىق بايرىمى،كۆك بايرىمى،تەبىئەت بايرىمى شۇڭا بۇ بايرام قۇتلۇق بايرامدۇر. مۇناسىۋەتلىك تەپسىلاتلار:ئىمىن تۇرسۇننىڭ<<نورۇزنامە>>دىگەن كىتاپچىسىگە ئاساسەن تەييارلاندى.

kun^kiz

	تېمىدىكى خەتلەرنىڭ يىرمىنى ئوقۇپ يىرمىنى كۆرگىلى بولمىدى گۈلۈم . بەلكىم ھەرىپلەرنى بەك چوڭ قىلىۋىتىپ ئىكرانغا  سىغمىغان بولسا كېرەك  تېمىنى ئوقۇشقا ئامالسىز قالدىم .سىزنىڭمۇ نورۇز بايرىمىڭىزغا مۇبارەك بولسۇن .

paryat

	ئەمگىكىڭىزگە رەھمەت.......نەقىلنى جۇنامەدىن ئەمەس باشقا كىتاپلاردىن ئالسىڭىز تېخىمۇ ياخشى بولاتتى...................

barkatjan

	ھەممىڭلارنىڭ .نورۇز . بايرىمىغا مۇبارەك بولسۇن.بولۇپمۇ مۇنبەردىكى شائىرلىرىمىزغا.ئۇلارنىڭ تالانتىغا قايىلlمەن...رەھمەت .سىلەرگە. ..مۇشۇنداق توپاچاڭ ۋەسۇغۇق كۇندە نورۇزنىڭ .ئللقلىقنى..ھىسقىلغاندەك بولدۇم...........

atikam1

	بەرگىيەنىڭ نورۇز ھەققىدە بەرگەن چۇشەندۇرۇشلىرىگە كۆپ رەخمەت ،،،،، بارلىق ئەلكۇيى ئەھلىنىڭ نورۇزلۇق بايرىمىنى تەكرىكلەيمەن ،،،،يېنەڭ يىلىڭلار قۇتلۇق بولسۇن ،،،،

tutem

	نورۇز كۈنى يىتىپ كىلىشى بىلەنلا  تۇرپاننىڭ بەزى جايلېرىدا ئۆرۈك چېچەكلەيتتى.يىلدىن-يىلغا زىمىستان ئۇزۇن كىلۋاتقاندەك قىلامدۇ قانداق؟...نورۇز كەلگەنلىكىنى يۇرتۇمدىكى كەيپىياتتىن قىلچە ھېس قىلالمىدىم.ئىشقا بېرىپ-كەلگۈچە كوچىلارغا گۈرۈچ خالتىسىدىن تۈشۈك ئىزدىگەن چاشقاندەك قاراپ كەتتىم بولمىسا. يەنىلا كەچلىك ئىشتىن چۈشۈپ دۇتارچى ئەل-ئاغىنە،ساۋاقداشلار بىلەن خەلىق ناخشىلېرىنى توۋلاشقاچ نورۇزنى تەبىرىكلىسەم بولدىغاندەك قىلىدۇ. 2-كوپلىتتىكى"نورۇزلۇق كۈجىنىڭ پۇراقلىرىدا،دىگەن مىسرادىكى كۈجە دىگەن سۆز خەنزۇلارنىڭ بۇتساتۋا ئالدىدىكى كۈجە كۆيدۈرۈشىگە ئوخشاپ قالدىمۇ قانداق؟(پۇتاق تېپىش مەقسىدى يوق،) (سۇيۇق بىر خىل تاماقنىڭ نامىمۇ يا؟ئەر كىشىغۇ خۇتۇن ئەتكەن تاماقنى يىيىشنىلا بىلىدۇ.   ) ئۇيغۇر خەلىق قۇشاقلېرىنى ئېيتتى،شۇڭا  خەلىق ناخشىسى دەۋالغان "جاھانغا ئاسقان پانوستەك،..."دەپ ئېيتىدىغان بىر ناخشا بار ئىدى.ئۇيغۇرلار تارىختا پانوس ئىشلەتكەن بولغىيمىتى؟دىگەن ئويغا كەلتۇردىغان.

zakira

	سالام دوستۇم ! يازغان قوللىرىڭىزدىن گۈللەر ئۈنگەي !    سىزگە ماسلىشىپ بۇ ناخشىنى يوللاپ قويدۇم ياقتۇرغايسىز ! سىزگە سالامەتلىك ، ئائىلىڭىزگە بەخىت تېلەيمەن .

نازى

	بەرگىيەنىڭ ئەجرىگە  رەھمەت. بارلىق ئەلكۈيى ئەھلىنىڭ نورۇز بايرىمىنى قۇتلۇقلايمەن! مۇبارەك بولسۇن!

vmid219

	نورۇز كۈنى بولغۇچە بەرگىيەنىڭ ئەسىرىنى ماراپلا يۈرۈپتىمەن. سىزنىڭ نورۇز بايرىمىنى قۇرۇق قوللا كۈتىۋېلىپ،ئۇزىتىپ قويمايدىغانلىقىڭزغا ئىشىنەتتىم. رەھمەت سىزگە، نورۇز توغرىلىق بىزگە كۆپ چۈشەنچە بېرىپسىز.

bargiya

	بۇ 5قەۋەتتىكىtutem يوللىغان 2011-03-21 17:17 غا قارتىلغان  : نورۇز كۈنى يىتىپ كىلىشى بىلەنلا  تۇرپاننىڭ بەزى جايلېرىدا ئۆرۈك چېچەكلەيتتى.يىلدىن-يىلغا زىمىستان ئۇزۇن كىلۋاتقاندەك قىلامدۇ قانداق؟...نورۇز كەلگەنلىكىنى يۇرتۇمدىكى كەيپىياتتىن قىلچە ھېس قىلالمىدىم.ئىشقا بېرىپ-كەلگۈچە كوچىلارغا گۈرۈچ خالتىسىدىن تۈشۈك ئىزدىگەن چاشقاندەك قاراپ كەتتىم بولمىسا. يەنىلا كەچلىك ئىشتىن چۈشۈپ دۇتارچى ئەل-ئاغىنە،ساۋاقداشلار بىلەن خەلىق ناخشىلېرىنى توۋلاشقاچ نورۇزنى تەبىرىكلىسەم بولدىغاندەك قىلىدۇ. 2-كوپلىتتىكى"نورۇزلۇق كۈجىنىڭ پۇراقلىرىدا،دىگەن مىسرادىكى كۈجە دىگەن سۆز خەنزۇلارنىڭ بۇتساتۋا ئالدىدىكى كۈجە كۆيدۈرۈشىگە ئوخشاپ قالدىمۇ قانداق؟(پۇتاق تېپىش مەقسىدى يوق،) (سۇيۇق بىر خىل تاماقنىڭ نامىمۇ يا؟ئەر كىشىغۇ خۇتۇن ئەتكەن تاماقنى يىيىشنىلا بىلىدۇ.   ) ئۇيغۇر خەلىق قۇشاقلېرىنى ئېيتتى،شۇڭا  خەلىق ناخشىسى دەۋالغان "جاھانغا ئاسقان پانوستەك،..."دەپ ئېيتىدىغان بىر ناخشا بار ئىدى.ئۇيغۇرلار تارىختا پانوس ئىشلەتكەن بولغىيمىتى؟دىگەن ئويغا كەلتۇردىغان. باھاردەك دىللارنىڭ تەپتى مېنى سۆيۈندۈرۈدۇ توتېم.گەپلىرىڭىزنى ھەرگىزمۇ پۇتاق تېپىش دەپ قارىمايدىغانلىقىمغا چوقۇم سىزنىمۇ ئىشىنىدۇ دەپ قارايمەن.(خاتا يېزىپ قويۇپتىمەن.)