يىغلاڭغۇ دەريا

batur2008

	يىغلاڭغۇ دەريا   تەكلىماكان-ئوت كەتكەن دۇنيا، يىغلايدۇ  يېنىدا  ئېسىلىپ  دەريا. خىيالغا چۆكۈپ ئولتۇرار  شائىر، يىراقتىن ئاڭلىنار قەدىمى ناخشا. يۈرەكنى سۇغۇرۇپ يېنىغا قويۇپ، قوپقۇرۇق جىسمىدىن ئىزلەيدۇ ئىلھام. كۆرگەنلەر قاقاھلاپ كېتىدۇ كۈلۈپ، بىلمەيدۇ دەردىنى يىغلاڭغۇ دەريا. گۈلچىمەن بىر دۇنيا كۆرۈنگەن يېزا، دەرتلىرى دەريانىڭ دەرتلىرىدىن كۆپ. ياش  تۆكمەك  لېكىن  ئۇنىڭغا  ئىزا، تۆكىدۇ  دەردىنى  تىمتاس  گۇگۇمغا. تولغۇنۇپ ئازاپتىن يىغلاڭغۇ دەريا، يېشىدىن  ياسايدۇ  بىر يىڭى  يىزا، تۇغۇلار  شۇ كەمدە يەنە بىر  شائىر، سورايدۇ يۈرىكىنى رەھىمسىز دۇنيا. مەنبە: ئۆز قەلىمىم شىئىرىيەتكە ئالاھىدە مىھرىم بولغاچقىمىكىن،يازماي دەيمەنۇ يەنە يىزىپ قالىمەن،ئۇستازلارنىڭ قىممەتلىك تەنقىد-پىكىر بىرىشىڭلارنى سورايمەن.

kun^kiz

	كۆز ئالدىمدا تولغۇنۇپ ئاقىدۇ دەريا ، ئۇھسىنغان دەملەردە پىچىرلاپ ئاستا . كۆك ئاسمانمۇ  بەزىدە تەرىنى* تۈرۈپ، ياشلىرىنى يوشۇرۇپ تۆكەركەن ئاستا .    ھېسلىرىم رۇجەكتە قاتتى مۇز بولۇپ ، ھەسرىتىم ئۆز بىلىپ سۆيدى مېنىلا . بەلكىم سېنىمۇ سۆيۈپ قالغاندۇ ، يۈرەكتىن تامچىغان قان بولۇپ ئاستا . تەرىنى*—خوتەن شىۋىسىدە چىرايىنى دېگەن سۆز.

batur2008

	تۆككەن ياشلىرىڭ ئەسلى مىنىڭكى، بىلەلمەي يۈرۈيدۇ ساختىكەن دۇنيا. قاچانلار ئوۋلىدىڭ مېنىڭ يۈرۈكىمنى، يۈرۈيمەن يۈركىمنى تېخى تاپالماي. ھىجىرلار دەشتىدە يۈرۈيمەن سەرسان، ئۆتۈنۈپ كىملەردىن سورايمەن سېنى. يۈرەكىمنى  قايتۇرۇپ  بەرگىنە  دەريا، جۇدالىق  ئېقىنىدا ئاقتۇرماي مېنى. مۇز بولۇپ قاپسەنغۇ رەھىمىڭ قېنى، شۇندىمۇ باغاشلاپ ئۆتىمەن سېنى. قۇياشنىڭ مېھرىدە ئىللىتىپ بىر كۈن، ئەنسىرمە يۈرۈكۈم تاپىمەن سېنى.

atikam1

	ھازىر تاغۇ-تاشلار ،دەريا -ئېقىنلارنىڭ ھەممىسى يىغلاۋاتىدۇ،،،، ،،، پۇتۇن زىمىن يىغلىماقتا،،،شىېرىڭىز ئۇقۇپ چوڭقۇر بىر مەنانى ھېس قىپ قالدىم ،،،

t.xayih

	ئۆز-ئۈزىدە تۇرۇپمۇ، ئۇسسىماقتا سۇ ..

janggal

	تەرىنى*—خوتەن شىۋىسىدە چىرايىنى دېگەن سۆز. بۇ خوتەن شىۋىسى ئەمەس، بەلكى ئېغىز تىلىمىز ۋە ئەدەبى تىلىمىزدىكى ئومۇمى چۈشىنىش دائىرىسىدىكى سۆز. خالىغانچە شىۋە دەپ كىچىكلىتىۋېلىشنىڭ ھاجىتى يوق.

sahra

	دەريانىڭ ئۆكسۈشلىرىنى  ئاڭلىدىم .

kun^kiz

	كۆزلىرىمدە كۈلىدۇ شەبنەم ، دىل يارامدا تۈگىمەس ئەلەم . ئاجىز كەلدى يېزىشقا قەلەم ، بارمىدۇ دوستۇم كۈلۈشكە قەدەم . ئەپسۇس تەتۇر پەلەك كاج كېلىپ ، بەخىت ماڭا نىسىپ بولماپتۇ . دوسلار بىلەن كۈلگۈم بار ئىدى ، ئارمىنىمنى تەقدىر بىلمەپتۇ .

kun^kiz

	بۇ 5قەۋەتتىكىjanggal يوللىغان 2011-03-20 03:07 غا قارتىلغان  : تەرىنى*—خوتەن شىۋىسىدە چىرايىنى دېگەن سۆز. بۇ خوتەن شىۋىسى ئەمەس، بەلكى ئېغىز تىلىمىز ۋە ئەدەبى تىلىمىزدىكى ئومۇمى چۈشىنىش دائىرىسىدىكى سۆز. خالىغانچە شىۋە دەپ كىچىكلىتىۋېلىشنىڭ ھاجىتى يوق. بىزنىڭ يۇرۇتتا چىرايىڭنى تۇرۋالما دېمەيمىز تەرىڭنى تۈرمە دەيمىز ، بەزى يۇرۇتلۇق قىرىنداشلار  تەرى دېگەن نىمە ؟ بۇ قانداق سۆز ؟نىمە مەنسى بار ؟ دەپ چۈشەنمەيدىكەن بۇ ئاتالغۇ غا ئىزاھاد  بىرىپ قويۇشنى توغرا تاپتىم چۈنكى بۇ ئاتالغۇنى خوتەندە كۆپ ئىشلىتىمىز .

tiwip

	يىغلىما دۇنيا  _ ھامان تاڭ ئاتىدۇ !