ھايات ئۆتكەللىرىدە

ئايتۇغ

	ھايات ئۆتكەللىرىدە سائادەت ساتتار ھايات ئىكەنمىز، تۇرمۇشتا ئۇنداق ياكى مۇنداق مەسىلىلەرگە يولۇقۇپ تۇرىمىز. ئۇنىڭ بەزىلىرى تەبىئىي ھەل بولۇپ كېتىدۇ، بەزىلىرى بىزنى بەكمۇ قىينايدۇ.     بېشىڭىزغا تۇرمۇش مەسئۇلىيىتى يۈكلەنگەندە، چوقۇم سالماق بولۇشىڭىز، مەسئۇلىيىتىڭىزنى ئادا قىلىشىڭىز كېرەك. تۇرمۇشىڭىزغا ئائىت بەزى مەسىلىلەردە باشقىلاردىن مەسلىھەت سورىشىڭىزنىڭ ھاجىتى يوق. چۈنكى، باشقىلارنىڭ كۆز قارىشى، مەسىلىلەرنى بىر تەرەپ قىلىش ئۇسۇلى ئۆزىنىڭ ئىشىغا ماس كەلگىنى بىلەن، سىزنىڭكىگە ماس كېلىشى ناتايىن. شۇڭا، ئۆزىڭىزدىن دائىم ‹‹مەن كىم؟ نېمە ئىشلارنى قىلالايمەن؟ قىلغانلىرىم توغرىمۇ – يوق؟›› دەپ سوراپ تۇرۇشىڭىز تولىمۇ مۇھىم. بۇ نۇقتىدا مۇنۇ قۇرلارغا نەزەر سېلىپ قويۇڭ: كىشىلىك تۇرمۇشىڭىزنى مەنىلىك ئوتكۈزەي دېسىڭىز، ھاياتقا توغرا مۇئامىلە قىلىڭ! بەختلىك بولاي دېسىڭىز، كۆز ئالدىڭىزدىكى بەختنى ھېس قىلالايدىغان بولۇڭ! دانالاردىن بولاي دېسىڭىز، ئاز گەپ قىلىڭ، كۆپ ئاڭلاڭ! ھۆرمەت تاپاي دېسىڭىز، ئاۋۋال باشقىلارنى ھۆرمەتلەڭ! كۆپ دوست تۇتاي دېسىڭىز، كەمتەر بولۇڭ!   بەختىڭىزنى بىلەي دېسىڭىز، قانائەتچان بولۇڭ! لاياقەتلىك ئاتا – ئانا بولاي دېسىڭىز، ئەلۋەتتە، ئاۋۋال لاياقەتلىك بالا بولۇڭ! شىنجاڭ گېزىتى2011-يىلى3-ئاينىڭ11-كۈنىدىكى سانىدىن

zakira

	بەك ياخشى دۇردانىلەركەن ، تۇرمۇشقا كۈلۈپ باقساڭ ، تۇرمۇشمۇ ساڭا كۈلۈپ باقىدۇ ....

shabine

	ماڭا ھەجەپ ياقتى بۇ تېمىڭىز.تەربىيسى چوڭقۇر مەنىلىىك.

阿巴斯

	بەكمۇ ياخشى تېما ئىكەن!

kun^kiz

	ھېكمەتلىك دۇردانلار ئىكەن .بەختلىك بولاي دېسىڭىز، كۆز ئالدىڭىزدىكى بەختنى ھېس قىلالايدىغان بولۇڭ! بۇ قۇرلارنى بەك ياختۇردۇم .

atikam1

	شۇنداق ئېسىل دۇردانىلەركەنغۇ  بۇ،،،،،توغرا ئىنسان چوڭ بولغانسىرى  شۇنداق ھېس قىلىدىغان بوپ قالىدىكەن ،،،،

pariay

	تولىمۇ ئىسىل دۇردانىلەركەن ، مەنمۇ قوشۇپ قوياي :      ھايات __ گۈل ، ھالبۇكى مۇھەببەت گۈلنىڭ شىرنىسى .     مۇھەببەت ھاياتلىقنىڭ مەشئېلى . مۇھەببەت بولمىسا ، پۈتكۈل دۇنيا قاراڭغۇلۇققا ئايلىنىدۇ .      كەشىم يوق دەپ ئاغرىنماڭ ، پۇتى يوق ئادەملەرمۇ ئاز ئەمەس .    دۈشمەننىڭ دوستقا ئايلىنىشى جاننى ساقلاپ قېلىش ئۈچۈن ، دوستىنىڭ دۈشمەنگە ئايلىنىشى پۇل ئۈچۈندۇر .      ئېھتىياجىمىز كۆپەيگەنسىرى ئۆزىمىزنى شۇنچىكى نامرات ھېس قىلىمىز .