ئەلكۈيىنىڭ قىزلىرىغا مۇبارەك

otyak

	مۇبارەك ( 8-مارت خانىم-قىزلارنىڭ بايرىمىغا بىغىشلايمەن ) بۇگۈن بايرام قىزلارنىڭ ئوينايدىغان چاغلىرى ، مانا باھار باش ئىگىپ، قارشى ئالدى باغلىرى . كېلىڭ بىللە ئوينايلى ، كۆڭۈللەرنى ئالايلى ! خوش مۇبارەك مۇبارەك، ئەلكۈيىنىڭ قىزلىرى . مەۋھۇم دۇنيا بولسىمۇ، كۆڭۈللەردە ئاياللار ، گۈل سۈنۈمىز قەدىرلەپ، ئەتىۋارلاپ ئوغۇللار . بۈگۈن بايرام سىزلەرنىڭ ، ئەي سۆيۈملۈك ئانىلار ، خوش مۇبارەك مۇبارەك، ئەلكۈيىنىڭ قىزلىرى . يىلدا كېلەر بىر قىتىم، كۇلۇپ تازا ئويناڭلار ! بۈگۈن كۆڭۈل شادلانسۇن، باشقا ئىشنى قويۇڭلار ! مېھمان قىلىپ ئۆيلەردە، ئەرلەر قوينى سويۇڭلار ! خوش مۇبارەك مۇبارەك، ئەلكۈىنىڭ قىزلىرى . ئەي سۆيۈملۈك ئاياللار بايراملارغا مۇبارەك ! دەستەگۈلنى تۇتايلى،خانىم-قىزلار ئوت يۈرەك . ھەر بىر قەدەم ئىزىڭىز، گۈل چىچەككە پۈكەنسۇن، بىز بەخىتلىك ياشايمىز،بۇ دۇنيادا سىز كىرەك... ئاپتۇرى: يۈسۈپجان سابىر ئوتياق

tomoquk

	گۈللىرىڭىز چىرايلىقكەن كۆڭلۈم ئىچىلدى، ئەلكۈيىگە گويا ئەنبەر- ئەتتىر چىچىلدى. تاتلىق تىلەك،ناۋاتتەك سۆز ياقتى قۇلاققا قىنى قىزلار  رەخمەت دەيلى كىلىپ بۇياققا. رەخمەت جۇمۇ ئوتياق ئۇستاز،ئىسىل ئادەم جۇمۇ سىز،گەرچە تونۇشمىساقمۇ سىزگە ھۆرمىتىم چوڭ.

tikan

	خانىم-قىزلارنىڭ بايرىمىغا مۇبارەك بولسۇن!   ئاۋۇ ماۋزۇ ئاستىدىكى تىرناق ئىچىگە ئېلىنغان سۆزنى < مارد > دېمەي، <مارت> دەپ ئېلىڭلار.   ئوتياق ئەپەندىنىڭ قەلىمىگە بەرىكەت بولسۇن.

otyak

	ئەلكۇيىنىڭ قىزلىرى يازدىم تۇمۇچۇق ، قۇتلۇق تىلەپ بايرامغا كۆڭلۈم بەك ئوچۇق . قەدىرلەيمىز ھەركۇنى ئىشلىرى ئۇلۇغ، بەركەت بەرسۇن ئۇلارغا  قوللىرى ئوچۇق .

huxrui

	ئاياللار دۇنيادا ئەڭ مۇقەددەستۇر ، ئۇلارسىز گۈللەنمەس پۇتكۈل كائىنات. جەمئىيەت گۈللەنگەن قودرەت تاپقان، بولغاچقائاياللار ھەممە باياشات. ئاياللار دىمەكتۇر جەننەت دىمەكتۇر ، ئەرلەر شۇ جەننەتتە ھۇزۇرلانغۇچى . ئاياللار ھە م ئەرلەربىر پۈتۈن دۇنيا، ئورتاق بىر ئائىلە گۈللەندۇرگۈچى. خانىم - قىزلار بايرىمىڭلارغا مۇبارەك بولسۇن.

zakira

	مۇنبەرنىڭ سىز پېشقەدەم شائىرى ، شۇڭا دەيمىز  سىزنى داڭلاپ ئۇستاز . بارچە قىزلار  ئېيتار سىزگە تەشەككۈر ، قەدىمىڭىزگە سېلىپ يېشىل پايانداز.

otyak

	ئانىلار دۇنيانىڭ جەننىتى بولسا، ھۆر-پەرى جەننەتنىڭ گۈلتاجىسىدۇر. شاھلىقنىڭ ئاستىدا ياشايمىز مەڭگۈ، ھۆرمىتى ئەرلەرنىڭ سۆيۈنچىسىدۇر.

yaalla

	رەخمەت سىزگە ...قەلەم قۇۋۋىتىڭىزگە ھەققىقەتەن قايىل بولدۇم،،،،،،،،،،،

otyak

	ئەي سۆيۈملۈك ئاياللار چىۋەر ئىشچان خانىم-قىز، نامى ئۇلۇغ ئاياللار ، پەرزەنت ئۈچۈن ھەر قاچان تىنىم تاپماس ئاياللار . ئەرلىرىگە بەك سادىق مېھرى ئوتلۇق ئاياللار ، خىزمىتىدە شان-شەرەپ، تۆھپە قوشقان ئاياللار . جاپا نېمە، ئىش نېمە، ئاياللارغا ھىچ نېمە؟ مال-دۇنياغا كۆزى توق، لازىم ئەمەس ھېچ نېمە ؟ ئېتىز-ئېرىق بېشىدا، زاۋۇت مەكتەپ ھەر نېمە ؟ پەرزەنتلىرى كويىدا، جاپا چەككەن ئاياللار . ئىناق-ئىجىل ئۆتىمىز، بۇ دۇنيادىن كېتىمىز ، جاھان بىزگە تۆت كۈنلۈك،پارلاق بىزنىڭ ئەتىمىز. زەپ چىرايلىق بۇ دۇنيا، ئەرلەر بولغاچ كەپىڭىز ، شاد-خۇراملىق ئىچىدە، خۇشال ئۆتكەن ئاياللار . قۇتلۇقلايمىز سىزلەرنى، نامى ئۇلۇغ ئاياللار ، شان-شەرەپلەر بىر ئۆمۈر، ھەمرا بولسۇن ئاياللار . << مارت>> بايرىمى مۇبارەك، بىزدىن سىزگە قۇد سالام ! سىزسىز بولماس بۇ دۇنيا، ئەي سۆيۈملۈك ئاياللار . ___ ئوتياق

tomoquk

	ناۋات ئىلىپ كەلدىم مۇشۇ تاپ، ئوتياقجانغا تاتلىق چاي قىلاي. قۇغۇن تىرىپ قويغان تۈنۈگۈن كۈزدە پەقەت سىزگىلا تىلاي. توموچۇق [s:2]