بارىمۇ، باتىستۇتامۇ [ئۇيغۇرلاردىن چىققان پۇتبول چولپىنى بارى ھەققىدە]

asma

	جۇڭگولۇق توپچىلارنىڭ ئىسمىنى ئالدىنقى قېتىمدا دۇنياۋى داڭلىق توپچىلار بىلەن باغلاپ ئاتىدىغان لىيى ھېڭرېينى تىلغا ئالغاندا يا كۈلۈشنى يا يىغلاشنى بىلمەي قالىمىز، بىراق 1-مارت كۈنىدە قايتا باشلانغان ئاسىيە چىمپىيۇنلۇقنى تالىشىش پۇتبول مۇسابىقىسىدە خاڭجۇۋ يېشىل شەھەر پۇتبول كوماندىسىنىڭ ئەزاسى ئۇيغۇر يىگىتى بارى  كىشىنى تاڭ قالدۇرغىدەك ماھارەت بىلەن دۇنياغا مەن <<جۇڭگونىڭ باتىستۇتاسى>> دەپ جاكارلىدى. ياپونىينىڭ دەرىجىدىن تاشقىرى لوڭۇقىسىنى قوشلاپ ئالغان ناگويا كوماندىسى ئالدىدا خاڭجۇ كوماندىسىنىڭ ھىچقانچە ئەۋزەللكى يوق بولۇپ كۆپچىلىك تەڭدە تەڭ بولۇشنىمۇ چوڭ غەلىبە دەپ قارىغان ئىدى.لېكىن بۇ كوماندىغا بارى زور ئۈمىد بېغىشلدى، مۇسابىقە باشلىنىپ 60مىنۇت بولغاندا مەيداندىكى ئەزا بىلەن ئالمىشىپ مۇسابىقە مەيدانىغا چىققان بارى مەيدانغا چۈشۈپ 30سكۇنت ئۆتمەيلا ياندىن توپنى ئۇچقاندەك قوغداپ ئېلىپ مېڭىپ، ئوتتۇرا مەيداندىكى لامېرىسقا ناھايىتى ئەپچىللىك بىلەن پاس بېرىپ، ئۇنىڭ توپنى غەلبىلىك كىرگۈزىشىگە تولۇق شارائىت ھازىرلاپ بەردى.مۇسابىقە ئاياقلىشىىشقا 5مىنۇت قالغاندا بارى يەنە بىر قېتىم زېھنىنى يىغپ چاققانلىق بىلەن توپنى ياندىن ئېلىپ مېڭىپ،قارشى تەرەپ ۋارتاسىدا خاتا نىشان پەيدا قىلغاندىن كېيىن ئەپچىللىك بىلەن توپنى ۋارتاغا كىرگۈزدى، ئۇنىڭ توپ كىرگۈزگەندىكى ھاياجانلىق ھىسسىياتى گەرچە باتىستادەك ھەيۋەتلىك بولمىسىمۇ ئۇنىڭ شۇ ۋاقىتتتىكى قاتتىق خوشالىقتىن مەستخۇش بولغان ھالىتى ئارگنتىنالىق جەڭ ئىلاھى باتىستۇتاغا بەكمۇ ئوخشاپ كەتكەن ئىدى. زىيارەتنى قوبۇل قىلغاندا بارى :باتىستۇتا دىگەن يەنىلا باتىستۇتا، ئۇ مەن ياخشى كۆرىدىغان چولپان دىدى. ئۇيغۇر يىگىتلىرى پۇتبولغا تۇغما ھېرىسمەن كېلىدۇ، ئۇنىڭ يۇرتى شىنجاڭدا ھەمملا يەردە توپ تېپىپ ئويناۋاتقان بالىلارنى ھەممىلا يەردە ئۇچراتقىلى بولىدۇ،بىراق لاياقەتلىك ئوقۇتقۇچى ۋە شارائىت يار بەرمىگەنلىكتىن نۇرغۇن پۇتبول تالانت ئىگىلىرى بۇ يەردە قۇم ئاستىدا كۆمۈلۈپ كەتمەكتە.بارى بۇنىڭ سىرتىدا 2003-يىلى سوڭچىنلىن شىنجاڭ پۇتبول مەكتىۋىنىڭ ئوقۇغۇچى قوبۇل قىلىش ئېلانىنى كۆرگەن بارى ئۆزى يالغۇز ئۈرۈمچىگە كېلىپ ئىمتىھاندىن ئوڭۇشلۇق ئۆتكەن.2005-يىلى جىياڭسۇدا ئۆتكۈزۈلگەن مەملىكەتلىك تەنھەركەت يىغىنىدا سوڭچىڭلىن شىنجاڭ پۇتبول مەكتىۋىنى ئاساس قىلغان شىنجاڭ كوماندىسى تارىختا بىرىنچى قېتىم مەملىكەتلىك تەنھەركەت مۇسابىقىسنىڭ ھەل قىلغۇچ مۇسابىقىگە كىرگەن ئىدى، ئەنە شۇ چاغدا كوماندىدىكى ئىپادىسى ئەڭ ياخشى ئەزا بارى ئىدى. كېيىنكى ئىككى يىلدا بارى ئىزچىل تۈرد ەشىنجاڭ تەنتەربىيە لاتارىيىسى كوماندىسىنىڭ ئەزاسى سۈپۈتىدە جۇڭگو ب دەرىجلىكلەرنىڭ بىرلەشمە مۇسابىقىلىرىگە قاتناشتى، شۇ چاغلاردا يېشىل شەھەر كوماندىسىنىڭ باشلىقى ۋۇجىنگۇي تۇغما تالانتلىق، قىزغىن، تىرىشچان بۇ يىگىتكە كۆز تىككەن ئىدى،2010-يىلى بارىينىڭ سەپداشلىرى تېپىدىغان توپ يوق يۈرگەن چاغدا بارىنى ئۆز كوماندىسىغا قايتۇرۇپ كەلدى شۇنىڭدىن كېيىن بارى ئوتتۇرا دەرىجىدىن تاشقىرى دەرىجىلىكلەر مۇسابىقىسىگە قاتناشقان 2-ئۇيغۇر يىگىتى بولۇپ قالدى. بوي ئىگىزلىكى 1.75مېتىر، ئېغىرلىقى  60كىلوگىرام  كېلىدىغان بارىي بەدەن ساپاسى ئانچە ئۆلچەملىك بولمىسىمۇ شامالدەك چاققان تېزلىكى ئۇنى بىردىنلا ياندىن ھۇجۇم بېرىدىغان داڭلىق جەڭ ئىلاھىغا ئايلاندۇردى.بۇقېىتملىق ناگويا كوماندىسى بىلەن بولغان كەسكىن جەڭدىكى ھەيران قالارلىق ماھارىتىدىن باشقا ئۇ يەنە ئالدىنقى يىللىق ئوتتۇرا دەرىجىدن تاشقىرى دەرىجىلىكلەرنىڭ مۇسابىقىسىدىمۇ ياندىن ھۇجۇمغا ئۆتۈشتە ئاجايىپ ئىقتىدارىنى نامايەن قىلغان بولسىمۇ بىراق سەھنە بەكلا كىچىك بولغاچقا كىشىلەر ئۇنى تونۇپ كېتەلمىدى،مانا ئەمدى ئۇ ئاسىيا چىمپىيۇنلۇق بىرلەشمە مۇسابىقسىدىن ئىبارەت يارقىن سەھنىدە بىر توپ بىلەن تونۇلدى، ئۇنىڭمۇ خۇددى باتىستۇتاغا ئوخشاش نۇرغۇن يىللاردىن كېيىنمۇ ھازىرقىدەك داۋاملىق پۇتبول سەھنىسىدە پارلاپ تۇرىىشىغا تىلەكداشمىز. خۇاشىڭ چولپانلار ئاسمىنى تورىدىن ئەلكۈيى تورىغا تەرجىمە قىلىندى.

paryat

	ياخشى تېما يوللاپسىز،بىراق ئىككى يەردە تەرجىمە خاتالىغى يۈز بېرىپتۇ. شىنجاڭ تىسەي كوماندىسى ئەمەس،تەنتەربىيە لاتارىيىسى كوماندىسى،نىگويا ئەمەس ناگويا،،،دىققەت قىلىڭ

ayaz

	مۇنبەرگە مانا مۇشۇنداق ئەھمىيىتى بار تېمىلارنى كۆپرەك يوللاش كېرەك . نەدىكى ئەخلەت تېمىلارنى يوللاپ بىكاردىن - بىكارا ۋاقىت ئىسراپ قىلمايلى ! ھازىرقى دۇنيادا مىللەتنى مانا مۇشۇنداق تالانتلىق چولپانلار دۇنياغا تونىتىدۇ . بۇنداق چولپانلار جانچە كۆپ چىقسا شۇنچە ياخشى ! چولپانلىرىمىزغا مەدەت بىرەيلى دۇنيا سەھنىسىدە تېخىمۇ چاقناپ ئۇيغۇرنىڭ نامىنى پۈتكۈل دۇنياغا تاراتسۇن  !!!!!!!!!!!!!!

مۇبارەك

	باتىستۇتانىڭ لەقىمى « چىملىقتىكى كېپىنەك » قۇ دەيمەن خاتالاشمىسام...

ahmaral7

	رەخمەت

bardax

	بارىي!_ ئۇ توپنى ھەقىقەتەن ياخشى ئوينايدۇ.   نەچچە يىللارنىڭ ئالدىدا فۇكاڭ رەڭلىك مېتال كوماندىسى بىلەن(بارىي مۇشۇ كوماندىدا ئىدى) شەرقىي جۇڭغارىيە نېفىت بازىسى كوماندىسى بىرنەچچە قېتىم دوستلۇق مۇسابىقىسى ئۆتكۈزگەندە مەن نەق مەيداندا كۆرگەن ئىدىم.ئۇنىڭ شۇ چاغلاردىكى ئەپچىل ھەركىتى ۋە شامالدەك سۈرئىتى بىزنى تولىمۇ ھەيران قالدۇرغان.شۇ چاغلاردا بۇ يىگىت 16-17 ياشلار ئەتراپىدا ئىدى.مانا ئەمدى ئۇ ئۆزىنىڭ تىرىشچانلىقى ۋە پۇتبول ھەركىتىگە بولغان ئوتتەك قىزغىنلىقى بىلەن بۇ ساھەدە تونۇلۇپ،كېيىنكىلەرگە پارلاق بىر يول_نىشاننى كۆرسىتىپ بەردى.ئۇنىڭ تېخىمۇ يۈكسىلىشىنى ئۈمىد قىلىمەن!!!   تېما ئىگىسىنىڭ ئەجرىگىمۇ كۆپ تەشەككۈر.

yaz~quxi

	تېمىڭىزدا ئارگېنتىنالىق داڭلىق پۇتبول چولپىنى باتىستۇتانىڭ ئىسمى << باتىستا >> دەپ خاتا ئېلىنىپ قاپتۇ. دىققەتسىزلىكتىن بىرەر يەردە شۇنداق ئېلىنىپ قالدىمىكىن دېسەم، تېمىنىڭ ماۋزۇسىدىن تارتىپ ئۆزىگىچى بىرقانچە جايدا << باتىستا >> دېگەن خاتا ئىسىم بويىچە ئېلىنىپ كېتىپتۇ. << باتىستا >> دېگىنى ئەسلى بىر بوكس چولپىنىنىڭ ئىسمى . ئوقۇرمەنلەردە بۇ نۇقتىدا خاتا چۈشىنىش بولۇپ قالماسلىقى ئۈچۈن، ئىسىمنىڭ يېزىلىشىدىكى بۇ خاتالىقنى دەرھال ئوڭشىۋېتىدىغان ئىشكەنتۇق!

yaz~quxi

	[quote]بۇ 3قەۋەتتىكىمۇبارەك يوللىغان 2011-03-05 14:29 غا قارتىلغان  : باتىستانىڭ لەقىمى « چىملىقتىكى كېپىنەك » قۇ دەيمەن خاتالاشمىسام... _______________________________________________ مۇبارەك، بۇ يەردە ئىسمى تىلغا ئېلىنىۋاتقان ئارگېنتىنالىق داڭلىق پۇتبول چولپىنى باتىستۇتانىڭ لەقىمى << چىملىقتىكى كېپىنەك >> ئەمەس، بەلكى، << جەڭ ئىلاھى >> .

alakap

	بۇ 3قەۋەتتىكىمۇبارەك يوللىغان 2011-03-05 14:29 غا قارتىلغان  : باتىستۇتانىڭ لەقىمى « چىملىقتىكى كېپىنەك » قۇ دەيمەن خاتالاشمىسام... ياق مۇبارەك ، <چىملىقتىكى شىر>  ،شۇنداققۇ باللا!

urranijat

	بادىسىتۇتانىڭ لەقىمى : جەڭ ئىلاھى ،شەپەرەڭ پالۋان ،شىر پادىشاھى دىگەندەك . ئەمدى بارىغا كەلسەك يۇرتى ئالتاينىڭ كۆكتوقاي ناھىسدە دۇنياغا كەلگەن