نورۇز

huxrui

	كەلمەكتە نورۇز ئانا يۇرتۇمغا ،                                    كۈلۈپ خەندانە گۈزەل ناز ئەيلەپ.                                    ۋۇجۇدى ئىللىق كەڭرى يەر زىمىن،                                    كىشلەر قەلبىنى مەڭگۈ يار ئەيلەپ.                                    بۇلاقلار كىشى كۆ زلىردىن ئاچتى ،                                    دەل- دەرەخلەرنىڭ ئۇيقۇسى قاچتى .                                    ھەر خىل ئۇچار قۇش نەغمىلەر قىلدى،                                   دۇتارچى كۇيلەپ مۇڭلۇق ساز چالدى.                                   تال - تال سوگەتلەر تولغۇنىپ بۇ دەم،                                  بېشىغا كۆ ركەم چاچ - جالا سالدى.                                  مەزمۇت تېرەكلەر ھالقىسنى ئاستى ،                                  جىمى كائىنات گۈزەل تۈس ئالدى.                                  ئىشچان تىرىشچان چىۋەر ئاياللار،                                  كەشتە تىكىشىپ گۈللەرنى چەكتى.                                  نورۇزنى كۈتۈپ ھەممە جۆر بۇلۇپ،                                  نورۇز ئېشىغا ئېغىز تېگىشتى.                                  كەپسىز باللار ئۇچىتىپ لەگلەك،                                  تال - چىۋىقلارنى ئات ئېتىپ چاپتى.                                  نورۇغا جۆر بوپ خوراز  سۇقۇشتى،،                                  قىران يىگىتلەر چۈشۈپ چېلىشتى.                                قىزىدى ئەجەپ نورۇز تەنتەنە ،                                مۇشائىرە ئېيتىش،ناخشا- مۇزىكا.                                ئىت تالاشتۇرۇش،قوشقار سۇقۇشۇش،                                ئات بەيگىسى ھەم قالتىس تاكتىكا.                                                               قاراڭ مەيدانغا ئۇسۇلچى قىزلار ،                                ئاجايىپ گۈزەل ئۇسۇلغا چۈشتى .                                دىھقان بوۋامنىڭ مۇقام ناۋاسى ،                                نورۇز ساداسى پەلەككە يەتتى.                                                  مەنبە: ئۆز قەلەم                                                                            ئەلكۈيى نورۇز بايرىمىنى كۈتىۋېلىش مۇكاپاتلىق پائالىيىتىگە قاتناشتۇرىلىدىغان ئەسەر

shabine

	سىڭلىم خۇشرۇي ؛سىز تولىمۇ ياخشى مەزمۇنلارنى تېما قىلىپ تۇرۇپ يازسىز جۇمۇ. بۇ مۇشائىرىڭىز تولىمۇ جەزبىدار چىقىپتۇ.مەن سىزنىڭ يازغان شېرلىرىڭىزنى ھەم ئىنكاسلىرىڭىزنى ئوقۇشنى بەك ياخشى كۆرىمەن.يەنىمۇ توختىماي ياخشى بولغان ئەسەرلىرىڭىزنى ئوتتۇرغا قۇيۇڭ.بىز ئوقۇشقا تەشنا.قولىڭىزغا دەت بەرمىسۇن سىڭلىم.

burkut

	ئىلھامىڭىزغا بارىكاللاھ !   ھەقىقەتەن ياخشى چىقىپتۇ

zakira

	شېئىرىڭىزدىن بەكلا ھوزورلاندىم ئوماق ، قەلەم تولپارىڭىزدىن شەربەتلەر تامسۇن .

kizil.yakut

	بەك ياخشى يېزىپسىز،پەسىل خاراكتىرلىق بوپتۇ.ئەجرىڭىزگە بارىكاللا.

javir

	كەپسىز باللار ئۇچىتىپ لەگلەك، تال - چىۋىقلارنى ئات ئېتىپ چاپتى.   نورۇغا جۆر بوپ خوراز  سۇقۇشتى،،      قىران يىگىتلەر چۈشۈپ چېلىشتى. خۇشرۇي ماڭا ماۋۇ كۇبلىت بەك يارىدى  ھاۋاسى ساپ سەھرا پۇرىقى چىقىپ تۇرىدۇ، بىزمۇ كىچىك ۋاقىتلىرىمىزدا مۇشۇنداق ئوينايتۇق ،، گەرچە تىمىڭىزدا بەزى ئىملا خاتالىغى بولسىمۇ نۇرۇزغا ئاتاپ يازغان بۇ شىئېرىڭىزنى ئوقۇپ كىچىك ۋاقىرلىرىمنى ئەسلەپ قالدىم رەخمەت سىزگە ، بۇندىن كىيىن مۇشۇنداق ياخشى تىمىلارنى يوللاپ تۇرشىڭىزغا تىلەكداشمەن

tomoquk

	بۈگۈن ھاۋا بۆلەكچە ئىللىغاندەك ھىس قىلدىم ماۋۇ قىزنىڭ مۇنۇ شىئىرىنى ئوقۇپ