مېنى ساقلىغىن ...

yaz~quxi

	مېنى ساقلىغىن... ھاياتىم سېنى دەپ قاغچجىراپ كەتتى، بىر قاقاس يەر بولۇپ يامغۇرنى كۈتتۈم . تەقدىرىڭ قولۇمغا سانجىلغان يىڭنە، مەن ئۇنىڭ تۆشۈكىدىن يىپ بولۇپ ئۆتتۈم. ياتقانسەن شۇ تاپتا ئېرىق بويىدا، بىراق ئىچەلمەيسەن بىر يۇتۇممۇ سۇ. مېنىڭ بۇ پەرىشان قەلبىمگە قارا، ئۇ يەردە سولاشقان بىر گۈل تۇرۇپتۇ .. نە ئىستىسەممۇ بارالمايمەن ھېچ، قۇملارغا لىق تولدى ئالتۇن پىيالەم . بۇ كېچە ئاھ سەنمۇ ئۇخلىيالمىدىڭمۇ ، ئەي مېنىڭ مېھرىبان، قارا كۆز ئەركەم؟! بىلىمەن، شۇ تاپتا سۈزۈك ياشلىرىڭ ، چىلىشىپ تۇرغاندۇ كىرپىكلىرىڭگە . ئاھ، ساڭا بىر تامچە سۇ بېرەلمىدىم ، شۇ سەۋەب پاتتىم ھەم چوڭقۇر بىر دەرتكە. ھەسرەتلەر چەكمە ، مېنى كۈتۈپ تۇر، سۇ بولۇپ بارىمەن بىر كۈن يېنىڭغا ! ئىسسىق نەپەسلىرىمدە كۆكلەيسەن شۇ چاغ ، مەيدەم ھۆل بولسۇن كۆز ياشلىرىڭدا ... 2008- يىل. تۇرپان مەنبە: ئىجادىيەت

zakira

	كۈلەتتىم  خوشلىقىمدىن سەن مېنى دوس ساناپ كەلسەڭ ، تەبەسسۈم  شاھ ئەيلەپ ماڭا خۇش خۇي قاراپ كەلسەڭ.   سېنىڭ ئىشقىڭدا ياڭرىسا   سەھەر گۈلشەندە ناخشام ، قارا قاش ئاراسىدىن تولۇن ئايدەك ماراپ كەلسەڭ .     شېئىرىڭىزغا ماسلاشتۇراي دېسەممۇ ماسلاشماي قالدىمۇ نىمە ...

yingiyoloqi

	ئەجداد روھىتەسەللى  بولسۇن   قاغجىرىغانغا يىتىدۇ زەم-زەم پاك قەلبلەر شاتلىققا تولسۇن يىتەلمىگەنلەر قوغلىشاردەم-دەم

tomoquk

	يۈرەكتە بىر ھەسرەت بولۇپ ھۆكۈمران، لىۋىمدىن تەبەسسۇم جىلۋىسى ئۆچتى. بىغىمدا سايرىغان خۇش ناۋا بۇلبۇل ئۆزگىنىڭ بىغىدا سايرىدى..كۆچتى. توموچۇق

0998bahar

	تۇمانغا چىلاشقان  ئېرىق بويىدا، تۇرىمەن ئەبەدىي سېنى ساقلاپ مەن. تەشنالىق ئىلكىدە  چاك-چاك يېرىلدىم، ھىجران  ياشلىرىمغا  تولدى بۇ ئالەم. تۇمانغا چىلاشقان ئېرىق بويىدا، ساقلايمان ئاخىرقى دەمگىچە سېنى. كەلمىسەڭ  ھىچ گەپ يوق كىرەي چۈشۈڭگە،  ئۈن-تىنسىز  تۇپراققا   سېڭىپ كىتىمەن.

kun^kiz

	ئۆتكەن ئەشۇ ھەر بىر مىنىۇتلار ، چىقماس ئەستىن مەڭگۈگە پەقەت . نىگاھىمدا يالقۇنلاپ تۇرار ، بەكمۇ شېرىن ئەشۇ مۇھاببەت . كۆزلىرىمنى يۇمسان پەرىشان ، سەن ئالدىمدا تۇرىسەن ھامان . ئىسىڭدىمۇ سۆيگۈ قۇياشى  ، ئىككىمىزگە كەڭ قۇچاق ئاچقان.

yaz~quxi

	تۇيغۇلىرىمغا ياندىشىپ مىسرالار پۈتكەن ئەزىزلەرگە سەمىمىي تەشەككۈرۈمنى بىلدۈرىمەن! قەلەملەر ھارمىغاي!