جەننەتنى تىلىگەچ دەيمىز ئەلۋىدا!

lopnuri

	جەننەتنى تىلىگەچ دەيمىز ئەلۋىدا! (مەرسىيە) ئالىم ئىمىن تۇرسۇننىڭ ۋاپاتىغا بېغىشلايمەن   پەلەكنىڭ قەھرىدىن چېقىلىپ چاقماق، ساقىدى ئاسماندىن يەنە بىر چولپان. قاپلىدى ئەتىراپنى يۈرەك مۇڭلىرى، جۇدالىق دەردىگە چىدىماي سوققان.   " ھەۋەس "تىن يول ئېچىپ قەلەملىرىڭىز، ئىجادنىڭ كۆكىدە قىلغانتى پەرۋاز. " سەپەر سەزگۈلىرى "بەرگەندە ئىلھام، تارالغان يۈرەككە يېقىملىق ئاۋاز.   تەشنا بوپ تۇرغاندا ئىلىم-بىلىمگە، " تارىمدىن تامچە "لار چىققانتى ئوخچۇپ، " بۇلاقتىن بىر ئوتلام "سۇنغاندا بولسا، قانغانتى تەشنالىق مىننەتدار بولۇپ.   " بالدۇرقىغا ئوخشىماس " ھېكمەت. " تىل بىلەن دىللارغا كىلىت سېلىنغاچ " " نۇرۇزنامە "دىن ئېچىلدى چېچەك. "نەۋايى ھەققىدە"ئۈنچە تىزىلىغاچ.   " قەدىمكى ئۇيغۇر مەدەنىيىتى "دىن، ئۇرۇلدى دىماققا مىللىيچە پۇراق. تەرجىمە-تەھرىرلىك سېپىدىمۇ ھەم، ماڭدىڭىز ئالدىدا كۆتۈرۈپ بايراق.   چېھرىڭىزدىن بالقىتىپ كۈلكە، كەمتەرلىكتىن بولغاندا ئۈلگە. نۇرغۇنلىغان سەبىي-بوغۇنلار، ھۆرمەت بىلەن تىكىلگەن سىزگە.   مۇسىبەت خەۋىرى كەلگەندە يىتىپ، قەلبىمنىڭ قۇياشى كەتتىغۇ پېتىپ. يىغلىغۇم كەلدىكى شۇنچىلىك ئۈنلۈك، نامىڭىنى ھەسرەتلىك قوشاققا قېتىپ.   ئۈلۈمگە ئامال يوق بىلىمەن ئەمما، بىلىدۇ بۇنى ھەم نادان ۋە دانا. بۇلارنىڭ پەرقىدۇر قەدرىنى بىلىش، ئۆلۈمدە ساقلاقلىق تۈمەنمىڭ مەنا.   ھاياتتا قالدۇرغان ئۆچمەس ئىزىڭىز، بىز ئۈچۈن ساناقسىز بايلىق بىباھا، دۇئاغا كۆتۈرۈپ ئۇشبۇ قوللارنى ، جەننەتنى تىلىگەچ دەيمىز ئەلۋىدا! قوش تىرناق ئىچىگە ئېلىنغانلىرى ئالىمنىڭ بىر قىسىم ئەسەرلىرىنى كۆرسىتىدۇ.   2011-يىلى 2-ئاينىڭ 27-كۈنى  بۇ ماقالە لوپنۇرى بلوگىدىن كۆچۈرۈلدى ، ئەسلى ماقالە ئادرىسى :  http://lopnuri.blogbus.com/logs/106979800.html

kun^kiz

	اللە ياتقان يىرى جەننەتتە بولسۇن .

pariay

	كىلىدىكەن يىراق كەتكەنلەر،، كەلمەيدىكەن كەتمەنلەنگەنلەر ،،،ئاللا ئۇ دۇنيالىقىنى بەرگەي !

yingiyoloqi

	توغرا ، ئىلىم ئەھلىلىرىنىڭ قەدرىنى ھاياتلىقىداھەم ۋاپاتىدىن كىيىنمۇ بىلىش ھەممە ئادەمنىڭ قولىدىن كەلمەيدۇ. بىلىپ تۇرۇپمۇ بىلمەسكە سىلش ياخشى ئىنساننىڭ ئىشى ئەمەس. ئاخىرەتلىكى خەيرىلىك بولسۇن!

huxrui

	مەرھۇمەنىڭ ياتقان يىرى جەننەتتە بولغاي ، بەك ياخشى تەرىپلەپسىز .ئەسىرڭىزنىڭ  تىلى بەك جانلىق چىقىپتۇ .

iparhan

	مەرھۇمنىڭ ياتقان يېرى جەننەتتە بولسۇن،تىلشۇناس ئالىم  ئىمىن تۇرسۇن ئاكا ھاياتلىقىدا ئۇيغۇر تىل يېزىقىنىڭ تەرەققىياتى ئۈچۈن كۆپ تۆھپە قوشقان .

parixta799

	بۇ 4قەۋەتتىكىhuxrui يوللىغان 2011-03-01 15:35 غا قارتىلغان  : مەرھۇمەنىڭ ياتقان يىرى جەننەتتە بولغاي ، بەك ياخشى تەرىپلەپسىز .ئەسىرڭىزنىڭ  تىلى بەك جانلىق چىقىپتۇ . <<مەرھۇمە>>ئەمەس،مەرھۇم  دەڭ!

uruxhumar

	ياخشىلىق يولىدا باسقان قەدىمىڭىزگە ئاللا  كۇپ ئەجىر بەرگەي .