مەن ئۆلۈۋاتىمەن

bargiya

	مەن ئۆلۈۋاتىمەن.. تۇيغۇلارنىڭ ئاراچلىرىدا باھار تەنتەنىسىگە چۆمۈلگەن قىشنىڭ ئاخىرقى ئەگىز سۈيىدە. ئالدىمدىن بىر كىشى ئۆتۈپ كەتتى قولىدىكى قەپەزگە سولىۋىلىپ چىرايلىق قۇشنى. قۇشنىڭ كۆزلىرى مېنىڭ كۆزلىرىمگە سىڭىپ كەتتى. ئۆلۈپ كېتىۋاتىمەن خۇشپۇراق ئەتىرگۈلنىڭ باغرىدا تۇرۇپمۇ بەرگىلەرگە قونغان شەبنەم ھەسرىتى شوراپ كەتتى ھاياتلىغىمنى. ئۆلۈپ كېتىپ سۆزلەپ بەرسەمتى باغرىمغا پىچاق ئۇرغان قاتىلنى ئىھتىمال تاغۇ-تاشلار يېرىلار ئىدى باغرىمدىن ئوچۇملاپ ئېلىنغان قاندا دۇنيا كۆيۈپ كېتەتتى قوياش كۈلۈپ كېتەتتى يىغلاڭغۇ باھارنىڭ باغرىدا بىر گۈل قىپ-قىزىل ئېچىلىپ تۇراتتى. تاشتەك ئېغىر ھەقىقەت ئاستا گۈل بەرگىنى سۆيۈپ قوياتتى. شۇ دەمنى كۈتكىنىمچە.. مەن ئۆلۈپ كېتىۋاتىمەن. ئەلكۈيى مۇنبىرىگىلا تەئەللۇق.كۆچۈرمەڭ!!

alakap

	نىمە ئۇچۈنكى مۇشۇنداق ئەركىن شېئىرلار ماڭا پەقەت يىقىملىق تۇيغۇ بەرمەيدۇ!

bargiya

	بۇ 1قەۋەتتىكىalakap يوللىغان 2011-02-25 19:12 غا قارتىلغان  : نىمە ئۇچۈنكى مۇشۇنداق ئەركىن شېئىرلار ماڭا پەقەت يىقىملىق تۇيغۇ بەرمەيدۇ! بۇ ئۆزىمۇ يېقىمسىز شېئىر تۇرسا قانداق يېقىملىق تۇيغۇ بېرەلەيدۇ ؟؟

hamxohla

	يىقىملىق بولۇش بولماسلىق مۇھىم ئەمەس قىممىتىگە قاراش كىرەك.بولىدىكە.

tuprakbag

	تۈنۈگۈن، بىلىۋالدىم تۇغۇلغان كۈنۈم. بۈگۈن، گۇناھ بىلەن ساۋاپتۇر يولۇم. ئەتە، قانداق كۈتەر بىلمەيمەن ئۆلۈم. ....... سالام بەرگىيە، خروستال قىزنىڭ ئاخىرىنى كۈتتۈم....ھىچقاچان پوۋسىتنى بۇنداق ئوقۇپ باقماپتىكەنمەن......

jasus007

	مەنمۇ بۇ چاشما شېئىرنى چۈشۈنۇپ بولالماي ئۆلۈپ كىتىۋاتىمەن.

gulvm

	بۇ ئىلھاملار سىزگە نەدىن كىلىدىغاندۇ  ھە؟ !    ياخشىكەن.

turditohti

	ئۆلۈم ھاياتلىقنىڭ مەڭگۈلۈكلىگىنىڭ كۈچلۈك مىسالى،شىئېردا ئوترىغا قۇيۇلغان مەزمۇن ھەقىقەتەن كىشىنى ئويغا سالىدىكەن.ئۆلۈپ كىتىۋاتقان مەننىڭ يەنىلا پىكىر قىلالىشى دۇنيادا ئۆلۈم بىلەن ھاياتلىقنىڭ بىر-بىرنى يارتىدىغان بىر جۇپ قوش كېزەكلەر ئىكەنلىكىنى،ئۆلۈمنىڭ ھاياتلىقىنى مەڭگۈ تۇغىدىغانلىغىنى ھىس قىلماق تەس ئەمەس.ئارمان بىلەن ئۆلىۋاتقان مەن مەڭگۈلۈك ھاياتقا ھامىلدار بولغان...ئۇنىڭ مەڭگۈلۈك ھاياتلىق بىلەن ئارمانلىرىنىڭ تىزراق ئەمەلگە ئېشىشىنى تىلەيمەن. مۇشۇنداق مەزمۇنلۇق ئەسەرلىرىڭىز ئادەمنى تەپەككۈرگە باشلايدۇ. سىزگە ئۇتۇق تىلەيمەن

qinar

	تاشتەك ئېغىر ھەقىقەت ئاستا گۈل بەرگىنى سۆيۈپ قوياتتى. شۇ دەمنى كۈتكىنىمچە.. مەن ئۆلۈپ كېتىۋاتىمەن   بەرگىيە ،قەلبىڭىزدىن ئۇرغۇپ چىققان تامچىلارنى كۆرۇپ سزگە  قايىل بولدۇم.ھەسرەتلىرىڭىزنى ،ئۆلگۈدەك دەرجىدە كۆتۇشلىرىڭىزنى يېزىپسىز.بۇنۇرۇزلۇق ئەسىرىڭىز ئۇخشايدۇ،سىزگە ئۇتۇق تىلەيمەن.

tohuyurak

	چۈشتىىن كېيىن ئىشقا چىقىپلا بىر تېما يوللىسام كەچ بولغۇچە تەستىقلانمىدى. بۇ يەردىكى باشقۇرغۇچىلار باشقۇرۇش كۆزنىكىگە كىرمەي نېمە قىلىشىدىغاندۇ دەيمەن؟ مەن قارىسام قايسى باشقۇرغۇچى باشقۇرغۇچى بولسا ئۆزىنىڭ تېمىسىنى تەستىقلاپلا قويىدىكەن. شۇنى تىلغا ئالغۇم كىلىۋاتىدۇ. ئەگەر باشقۇرغۇچى بولغان ئادەم باشقۇرۇلغۇچىلارنىڭ ھۆرمىتىنى ساقلىمايدىكەن، باشقۇرۇلغۇچى بولغان ئادەملەرمۇ باشقۇرۇلغۇچىلارنىڭ ھۆرمىتىنى ساقلىمايدۇ. قاراپ بېقىڭ. قانچىلىك باشقۇرغۇچى، قانچىلىك باشقۇرۇلغۇچى باركىن مۇنبەردە!!! بەرگىيە ئىسىملىك ئايال يولداش، تېما تەستىقلىسىڭىز باشقىلارنىڭكىنىمۇ قوشۇپ تەستىقلاپ، بولمىسا تاغاردىن بىگىز چىقارغاندەك ئۆزىڭىزنىكىنىلا تەستىقلاپ قويماڭ.