نۇرۇز لىرىكىسى

yulgun1

	نورۇز لىرىكىسى تۇرغۇن پەيزۇللا يۇلغۇن نورۇز كېلىپ تەبىئەت ئۇيقۇسىدىن ئويغاندى، ناخشا توۋلاپ دېھقانلار ئېتىزلارغا ئاتلاندى. بۇزىۋەتتى كاككۇكلار ئۇيقۇسىنى زىمىننىڭ، نورۇز كېلىپ ھەممە يەر بۆلەكچىلا شادلاندى. سېغىنىشقا لىپمۇ-لىق تولۇپ كەتكەن دىللاردا، قەدىمې بىر ئارماننىڭ لاۋۇلدايدۇ ئوتلىرى. يۈرەكلەردە كۆيمەكتە ئىشقى-پىراق يېلىجاپ، نورۇز دېگەن ئەزەلدىن زىمىستاننىڭ ئەجىلى. جۇدتا قالغان يۈرەكلەر ھەر كۈن باھار ئىزدەيدۇ، نورۇز كەلدى قۇچاقلاپ گېرە-گېرە گۈللەرنى. بىدىلىكلەر كۈلمەكتە تورغايلارغا قېتىلىپ، ئارمانلىرىم كىشنەيدۇ تۇلپارلاردەك ئەسەبىې. پەسىللەرنىڭ سۇلتانى نۇرۇز ئەزەل-ئەزەلدىن، نورۇز دېگەن بۇرۇندىن زىمىستاننىڭ ئەجىلى. گېياھلارغا شاھىنشاھ نۇرۇزدىكى تەبەسسۇم، مىلىيۇن يۈرەك شادلىقى كۈيچى قۇشلار غەزىلى. كۆڭۈللەردىن كۆڭۈللەر سۇ ئىچىدۇ نورۇزدا، تۈمەن ھېكمەت،سېھىر بار ئەلمىساقتىن نورۇزدا. تەڭرى بەرگەن ئامەتتۇر نورۇز دېگەن بىزلەرگە، دەريا-دەريا مېھىر بار چەكسىز ئامەت نورۇزدا. نورۇز كېلىپ چۆللەرمۇ ئايلىنىدۇ گۈلزارغا، دىلنى دىلغا باغلايدۇ بەكمۇ ئۇلۇغ بىر رىشتە. ئاپتاپ چۈشكەن جىرالار،قوياش سۆيگەن چوقلار، نۇرۇز بىزگە قوشقوللاپ ئاتا قىلغان گۈلدەستە. نورۇز ئېشى مىڭ ھېكمەت،يۈرەكلەرنىڭ ھوزۇرى، ئويغىتىدۇ مۇھەببەت،چاقىرىدۇ بىرلىككە. ئەجداتلارنىڭ ھېكمىتى بەختىمىزگە كاپالەت،   كۈچ بىرلىكتە كۈچىيەر، ئىشمۇ ئاسان ئۆملۈكتە. گۈلزارلىققا ئايلاندى قاقاس تاغلار،ئېتىزلار، چېچەكلەرگە لىق تولدى قىپيالىڭاچ باغلارمۇ. كەتتى سوغاق،كەتتى جۇد قۇيرىقنى قىسقانچە، گۈلخانلارغا ئايلىنىپ يۈرەكتىكى چوغلارمۇ. نورۇز كەلدى نورۇز كەلدى ئەگەشتۈرۈپ خۇشاللىق، قىن-قىنىغا پاتماي قالدى يۈرەكلەر. سايرار قۇشلار بىر-بىرىدىن قىزغىنىپ، بىر-بىرىدىن چىرايلىق،ئۇز چېچەكلەر. نورۇز كەلدى كۈلدى قۇياش باشقىچە، يىشىل لىباس كەيدى ئانا تەبئەت. خۇشپۇراققا تولدى باغلار،دالىلار، يۈرەكلەردە شادلىق،ئىشەنچ،جاسارەت. نورۇز كەلدى مېھرى ئانا قەلبىدەك، كۈلۈپ كەتتى ئوتلۇق ئارزۇ تىلەكلەر. ئانا زىمىن ئۇيقۇسىدىن ئويغاندى، ۋىلىق-ۋىلىق كۈلدى گۈللەر،چېچەكلەر. نورۇز كەلدى ئاپپاق قاردەك چېچەكلەپ ، خۇشاللىققا چۈمدى ھەر جان،ھەر گېياھ. نۇرۇز چىللاپ تەشنا سوققان يۈرەكلەر، ئالدى ئۇلۇغ ئەنئەنىنى يادىغا. نورۇز كەلدى چىكىسىگە گۈل قىسىپ، ئايىماستىن تۆكۈپ ئوتلۇق مۇھەببەت. نورۇز بىزگە ئەجداتلاردىن تەۋەرۈك، نورۇز ئېشى ئىناقلىققا كاپالەت. نورۇز كەلدى سۆيگۈ ئېلىپ،چوغ ئېلىپ، جۇد،سوغاقنىڭ بىلى سۇندى،پۈكۈلدى. نورۇز كەلدى ،كەلدى بىزگە قۇد-ئامەت، ئىتەك-ئىتەك يېشىل ياقۇت تۆكۈلدى. نورۇز كەلدى مەلىمىزگە ھۇد كەلدى، نورۇز كەلدى بىزنىڭ ئەلگە قۇد كەلدى. ئېچىلدۇرۇپ گۈل-چېچەكلەر بەس-بەستە، نورۇز كەلدى ئامىتىمىز قوش كەلدى. نورۇز كەلدى تۇيغۇلارنى غىدىقلاپ، بار ئۇنىڭدا سىر،ھېكمەتلەر،بىشارەت... نورۇز كەلدى بىخۇتلارنى بىقىنلاپ، يۈرەكلەردە لاۋۇلدىتىپ مۇھەببەت. نورۇز ناخشا ئېيتپ كەلدىڭ گۈل قىسىپ، ئۇيقۇسىدىن ئويغاندى زىمىن. باغلار،تاغلار يېشىل تون كەيدى، چوغدەك مېھرىڭ بولماقتا يانغىن. سۆيگۈ بەردىڭ جانلاندى ھەممە، ياغدى بىزگە بەخت-خۇشاللىق. خىسلىتىڭدىن سۆيۈندى دىللار، بۇلبۇللارغا تولدى گۈلزارلىق. پەسىللەرنىڭ سەركىسى ئۆزۈڭ، بار سېنىڭدە ئۇلۇغ ئەنئەنە. دېھقان ئاتام چاچقان ئۇرۇقلار، ئايلىنىدۇ گۆھەرگە،زەرگە. بىر مەخسەتتە سۇقار يۈرەكلەر، ھېكمىتىڭ بار ھەر بىر گېياھتا. ئوتلۇق تىلەك،ئوتلۇق ئارماندىن، ياڭرىماقتا جۇشقۇن كۈي-ناخشا. سەن ئەزەلدىن بەكمۇ سۈيۈملۈك، مۇقەددەس روھ،يۇقالماس ئۆزلۈك. ----------يۇلغۇن يازمىللىرىدىن 13779601267 (ئەلكۈيى تورى نۇرۇزلۇق مۇكاپاتلىق ئەسەرلەر مۇسابىقىسىگە)

tiwip

	خەتكۇچ سىلىپ ، تەپسىلى بىر كۆرەي ...

pariay

	لىرىكىڭىز خۇددى ئادەمنى يېشىللىق دۇنياسىغا باشلاپ كىردى ، نورۇز كەلدى ،زىمىن كۈلدى ، ھەممە جاي يېشىل تون كەيدى . ئانام ئەتكەن نورۇز ئېشىنى سېغىنىپ كەتتىم ، بۇ يىلمۇ ئېغىز تەگكىلى نىسىپ قىلغاي !

pinhani777

	ھەقىقىتەن مەزمۇنلىق بوپتۇ ، ئەجرىڭىزگە ئاپىرىن قېرىندىشىم!!!.

qinar

	سېغىنىشقا لىپمۇ-لىق تولۇپ كەتكەن دىللاردا، قەدىمې بىر ئارماننىڭ لاۋۇلدايدۇ ئوتلىرى. يۈرەكلەردە كۆيمەكتە ئىشقى-پىراق لاۋۇلداپ، نۇرۇز دېگەن ئەزەلدىن زىمىستاننىڭ ئەجىلى. جۇدتا قالغان يۈرەكلەر ھەر كۈن باھار ئىزدەيدۇ، نۇرۇز كەلدى قۇچاقلاپ گېرە-گېرە گۈللەرنى. بىدىلىكلەر كۈلمەكتە تورغايلارغا قېتىلىپ، ئارمانلىرىم كىشنەيدۇ تۇلپارلاردەك ئەسەبىې بۇمىسرالىرىڭىز ماڭا بەك ياقتى <.يۈرەكلەردە كۆيمەكتە ئىشقى-پىراق لاۋۇلداپ،> دىگەندىكى  لاۋۇلداپنى <يېلىنجاپ>دەپ ئالسىڭىز قانداق بۇلار ،ئاتكاچىلىق قىلغان بۇلسام كۆڭلۈڭىزگە ئالماڭ.

uygar

	نۇرۇز ئەمەس نورۇز .

turditohti

	ئەسىرىڭىزگە ئۇتۇق تىلەيمەن

yulgun1

	بۇ 5قەۋەتتىكىuygar يوللىغان 2011-02-24 22:51 غا قارتىلغان  :    نۇرۇز ئەمەس نورۇز . سەۋەنلىكىمنى كۆرسىتىپ قويغىنىڭىزغا رەخمەت.تەھرىرلەپ قويدۇم.

yulgun1

	چىنار،تەكلىۋىڭىزنى لايىق تاپتىم ھەم سىز دېگەندەك تەھرىرلەپ قويدۇم.

huxrui

	بۇمەزمۇنى  بەك ياخشى  يىزىلغان شىئېر ئىكەن .ئەجرىڭىزگە كۆ پ تەشەككۇر . مەنمۇ نۇرۇز ھەققىدە شىئېر يازغان ئىدىم . بۇ شىئېرنى كۆ رۇپ ، مەن ھىچ نەرسە يازالمىغانلىقمنى ھىس قىلدىم . ئەمدى يوللىيالمايمەندە .