ھەشەملەردە ھەسىرەت جىق ئىكەن(ساتىرا)

turdi

	ھەشەملەردە ھەسىرەت جىق ئىكەن (ساتىرا) تۇردى ئىسرائىل   تونۇشقانتىم بىر پەرى بىلەن،  تۈگىگەندە يىگىتلىك تاقەت. ئامەت قاچسا ئوغۇل بالىدىن، ئۇچىرايدىكەن داق يەردە  ئاپەت.   كالتە چاپان بولساممۇ ئەسلى، تىتىرەپ يۈرگەن تۆشۈم ئېچىلىپ. پۇلى يوق مۈشۈك ئامىراقتەك بەزگە ، يۈرۈپتىمەن ئايغا ئېسىلىپ.   راست گەپ ئىكەن :"قۇل ئاتقا مىنسە، چىقمايدىغان دۆڭى يوق''دېگەن. ھەشەمەتكە ھېرىس بوپ ئاخىر، مەن بوپتىمەن دۆڭدە ئوق يېگەن.   "باي''نىڭ قىزى لېۋەن مەلىكە، قۇل-مەھلىيا قىلدى مېنىمۇ. باشتا ماختاپ "تۇلپارىم!''دېدى، ئاخىرىدا مېندى مېنىمۇ!   تەۋەككۈلگە ئات سالدىم "چۇھ''دەپ، باشلىۋەتتىم تويغا تەرەددۇت. قۇرقماي ئالدىم قەرزنى ئەلدىن ، قەرز پۇل دېەەن بولسىمۇ بىر ئوت.   تەبىركلىشىپ كەلدى دۇستلىرىم، تويدىن ئاۋۋال چېلىندى دۇمباق. چىللاپ تۇرغان بىر خوراز بولدۇم، چىققان جايىم ئېگىز بىر قونداق.   يەرنى ئالدىم ،ئۆينىمۇ سالدىم، تويدىن ئاۋۋال تەل بولدى ماكان. ئۈستىۋاشقا كۆمۈلدى "پەرى''، ئۆز ئۇچامدا ئەمما يوق چاپان.   ئۆتكۈزۈلدى ھەشەم بىلەن توي، ھاڭ-تاڭ قالدى پۈتۈن بىر شەھەر. گۇگۇمغىچە ئىچىلدى ھاراق، ئىچىشۋازلىق باشلىنىپ سەھەر.   ئىككىمىزگە راسلىنىپ تازا، ئەڭ ئالدىنقى پىكاپتىن ئورۇن. ئوتتۇز پىكاپ ئايلاندى كوچا، كۆرمىگەندەك شەھەرنى بۇرۇن.   بېشى تاتلىق ،ئاخىرى ئاچچىق ، بولدى ئەپسۇس بۇ شېرىن توينىڭ . ئىشەنمىدىم ،ئۇقۇپ سانىنى ، ئىچكەن ھاراق،سويۇلغان قوينىڭ.   "تەزىم''لارغا كېتىپتۇ تۈمەن، ئاز بولماپتۇ نىكاھ ھەققىمۇ. بىلىپ قالدىم دەردىم ئىچىمدە، ئېغىز ئېچىپ بولماس خەققىمۇ.   "شېرىن ئاي''لار ئۆتتى قايغۇدا، قەرز ئويلاپ قالدىم گاڭگىراپ. بولۇپ قالدىم ئاختا ئاتلاردەك، يولدا ماڭسام بېشىم ساڭگىلاپ. ئىلغىماي يەپ ،تويۇپ كېكىرىپ، "پەرى''يۈرەر دۇنيادىن غەمسىز. ئۇ ئېگىز شاخ كويىدا يۈرسە، دەردلىرىمدىن غەم يەيدۇ دەمسىز؟!   غەيرەت قىلاي دېسەم غەملەرگە، غەم ئۇلغۇيۇپ جېدەلنى تۇغدى. سۈپۈرگىچى ئىكەن ئەۋلادى، پۇلى بارلار گېلىمنى بوغدى.   بىرى كەلسە توۋلاپ سەھەردە، كەچتە بىرى سۆرەپ تالاغا. "پەرى''يۈرەر ،پەرۋايى پەلەك، تىقىپ قويۇپ مېنى بالاغا.   بانكا كەلدى ،ئۆلچىدى ئۆينى، تۇتۇۋالماق بولۇپ قەرزگە. ئۆزۈم تۇرسام تەرگەن بالانى، قولۇم بارسۇن قانداق ئەرزگە ؟   ۋېچىركىدا نەچچە يۈز قۇشقاچ، ۋېچىرلىسا:دۇستلىرىڭ بىز !دەپ. تۆگكەنلىرىم ئازمۇ ئۇلارغا، كەلگىنى يوق بىرىمۇ ئىزلەپ.   ھەشەمەدكە "ھە-ھۇ!''دېگەنلەر، بەدەر قاچتى جېندىن قاچقاندەك. سورۇندىكى ساقىيلار قېنى ؟ ماراپ يۈرەر خۇددى چاشقاندەك.   بىلىپ يەتتىم ئەللەر ئېيتقاندەك، ھەشەملەردە ھەسىرەت جىق ئىكەن. قەرزنىڭمۇ ئۆسۈمى بىللە، بىرى بېگىز ،بىرى مىق ئىكەن.   ئۆلۈۋالماق بولدۇم بىر كۈنى، جاندىن كېچىپ،ئۆزۈمنى ئېسىپ. قوتۇلدۇرۇپ ئالدى نەئېتەي، ئۆسۈمخورلار ئارقاننى كېسىپ.   ياكى ئۆلمەي ،يا تېرىلمىدىم، ئەجەل كەلمەس دېرىزەم قېقىپ. ئەي خالايىق بىلىپ بىلىپ قېلىڭلار، پۇت سۇنغۇلۇقكەن يوتقانغا بېقىپ!! بۈگۈر ناھىيە باغۋەنچىلىك مەيدان باشلانغۇچ مەكتىبىدىن: تۇردى ئىسرائىل   2010-يىل 31-دېكابىر بۈگۈر   تېلېفون:      4695125 -0996  (ئۆي).13345454541 ئىزاھات : «ئەلكۈيى نورۇزلۇق ئەسەر پائالىيىتى»گە تەييارلانغان ئەسەر.

taranqi

	تازا قاملاشتۇرۇپ يېزىپسىزغۇ ؟  جەمئىيتىمىزدىكى بەزىبىر كىشىلىرىمىزگە ماس كەلگۈدەك !

orkixi

	قۇلاققا ياققۇدەك  ياخشى شېئىركەن .

turdi

	بۇ ساتىرادا كىشىلىك جەمىيىتىمىزدىكى  ئۆزىنى بىلمەي شىلتىڭ  ئېتىپ، ئەسكى كىگىزگە يۈگۈنۈپ  بەش كۈن ياتىدىغان ھورۇن ئىشەكلەر جايىدا قامچىلىپتۇ.ئاپتۇر تۇردىئىسرائىلنىڭ بۇندىن كېيىنمۇ ،ياشلىرىمىز ئارىسىدىكى بولمىغۇر ئىللەتلەرنى قامچىلايدىغان ،مۇشۇنىڭغا ئوخشاش نادىر ئەسەرلەرنى تېخىمۇ ككپ سۇنۇشىنى ئۈمىد قىلىمەن.ھۆرمەت بىلەن: ئەسىرىڭىزنىڭ ئىخلاسمەن ئوقۇرمىنى

yulgun1

	بۇ ساتارادا ياشلار ئارىسىدىكى ھورۇنلۇق،تەييارتاپلىق قاتتىق قاچىلانغان.ئاپتۇرنىڭ ئىجادىيىتىگە ئۇتۇقلار تىلەيمەن.

tiwip

	بىر نەرسىنى ئۇنتۇپ قالدىڭىزمۇ قانداق ؟ بۇنى "ئەلكۇيى تورى نۇرۇز بايراملىق مۇكاپاتلىق ئەسەرلەر " پائالىيىتىگە قاتناشتۇرىدىغاندەك قىلىسىز ، ئەمما (ئەلكۈيى تورى نۇرۇزلۇق مۇكاپاتلىق ئەسەرلەر مۇسابىقىسىگە)  دىگەن ئەسكەرتمىنى ئۇنتۇپ قالغاندەك تۇرىسىز ...

turdi

	ئەسلىدە بۇ شىئېرىمنى "ئەلكۈيى موكاپاتلىق ئەسەر'' پائالىيىتىگە  قاتناشتۇرماقچىدىم بىراق ،دېھققەتسىزلىكىمدىن تورغا ئەسەر يوللىغاندا "ئەلكۈيى موكاپاتلىق ئەسەر پائالىيىتىگە قاتناشتۇرۇلىدىغان ئەسەر'' دېگەن ئىزاھاتنى بېرىشنى ئۇنتۇپ قاپتىمەن چۇنكى مەن كومپىيۇتېرنى يېقىندىلا ئۈگۈنۈشكە باشلىغانمەن.ھۆرمەتلىك تەھرىرلەرنىڭ بۇ سەۋەنلىكىمنى كەچۈرىۋىتىپ ئەسىرىمنى باھالىنىدىغان ئەسەرلەر قاتارىدىن ئورۇن ئالغۇزۇپ،باھالاشقا قاتناشتۇرۇپ بېرىشىنى سەمىمىيىتىم بىلەن ئۈمىد قىلىمەن .ھۆرمەت بىلەن :كەمىنە ئاپتۇر -تۇردى ئىسرائىل .2011.2.24

tunji

	سەمىمىيلىكىڭىزنى ياقتۇردۇم

pariay

	تەربىيەۋى ئەھمىيىتى چوڭقۇر ساتىراكەن ! جەمىيىتىمىزدە يۈز بېرىۋاتقان ناچار خائىشلارنى قامچىلاپسىز ؟ئەسىرىڭىزنىڭ مۇكاپاتلىنىشىنى چىن دىلىمدىن ئۈمۈت قىلىمەن !

tiwip

	بۇ 6قەۋەتتىكىturdi يوللىغان 2011-02-24 19:30 غا قارتىلغان : ئەسلىدە بۇ شىئېرىمنى "ئەلكۈيى موكاپاتلىق ئەسەر'' پائالىيىتىگە  قاتناشتۇرماقچىدىم بىراق ،دېھققەتسىزلىكىمدىن تورغا ئەسەر يوللىغاندا "ئەلكۈيى موكاپاتلىق ئەسەر پائالىيىتىگە قاتناشتۇرۇلىدىغان ئەسەر'' دېگەن ئىزاھاتنى بېرىشنى ئۇنتۇپ قاپتىمەن چۇنكى مەن كومپىيۇتېرنى يېقىندىلا ئۈگۈنۈشكە باشلىغانمەن.ھۆرمەتلىك تەھرىرلەرنىڭ بۇ سەۋەنلىكىمنى كەچۈرىۋىتىپ ئەسىرىمنى باھالىنىدىغان ئەسەرلەر قاتارىدىن ئورۇن ئالغۇزۇپ،باھالاشقا قاتناشتۇرۇپ بېرىشىنى سەمىمىيىتىم بىلەن ئۈمىد قىلىمەن .ھۆرمەت بىلەن :كەمىنە ئاپتۇر -تۇردى ئىسرائىل .2011.2.24 ئىسىل يازما ئىكەن ، تەپسىلى ئوقۇپ چىقتىم ھەتتا تونۇشلىرىمغىمۇ تەۋسىيە قىلدىم . "تەھرىرلەش"دىگەن خەتنى چىكىپ، ئاستىغا قىستۇرۇپ قويۇڭ ، پەقەت بولمىسا ،باشقۇرغۇچىلارغا قىسقا ئۇچۇر شەكلىدە ئەسكەرتىپ قويسىڭىزمۇ بولارمىكىن . سىزمۇ قەستەن قىلمىغاندىكىن ، ئۇلارمۇ توغرا چۇشەنمەيدىغان يەردە ئەمەس .