ئاپتۇبۇستىكى تېز سىزمىلار

kanjitay

	1 قىستا-قىستاڭ ئاپتۇبۇس ئىچى، كىچىككىنە يەرشارى كەنتى . يېنىمدىلا تۇرغان قىزچاققا، كىملەردىندۇر ئۇچۇر كەلگەنتى. يانفۇندىكى ئۇچۇرنى ئوقۇپ، مىيىقىدا كۈلدى گۈزەل قىز، نەپەسلىرى چاچتى ھارارەت، تىنىقلىرى چىقار رېتىمسىز. ئازابىمغا تونۇش بۇ ھېسلار، بىلىپ قالدىم قىزچاق سىرىنى. <ئۇ> مۇ بەلكىم شۇنداق كۈلگەندۇ؟ ئەسكە ئالدىم كىمدۇر بىرسىنى. 2 ئاق روماللىق ناتونۇش ئانا, ئەجەب قاراپ كەتتىڭىز ماڭا. بىر يەرلىرىم ئوخشاپ قالدىمۇ، يىراقتىكى بالىڭىزغا يا؟؟؟ ئوخشىساممۇ-ئوخشىغاندىمەن، مەنمۇ ئۆيدىن ئايرىلغان بالا. سېغىنىشلار دەيدۇ ئاچچىقلاپ، تويە مانا سەن كۆيگەن تالا يىغلاپ دائىم ئەنسىرەپ يۈرمەڭ، مۇساپىرغا خۇدا باش-پاناھ. 3 ئالدىمدىكى ئېگىز گەۋدىنىڭ، كاستىيۇمىدا بور -توزانى بار. سالماق نەزەر تاشلاشلىرىدا، ئارزۇ-ئۈمىد ھەم پىغانى بار. مەكتەپتىلا ئەمەس ئۇستازنىڭ، تۇرمۇشتىمۇ كۆپ جاپاسى بار. ئېغىر-ئېغىر تىنىشلىرىدا ، ئۆسۈپ كەتكەن مال-باھاسى بار. مەنبە: مەشىق خاتىرەم

qelem

	ئاددى،چۈچۈك تىللارنى قوللىنىش بىلەن بىرگە شىئېرىڭىزدە تەرىپلەنگەنلەرنىڭ ئىچكى دۇنياسىنى روشەن يورۇتۇپ بېرىپسىز، تېخىمۇ تىرىشىڭ، سىزگە ئۇتۇق تىلەيمەن.

bargiya

	ماڭا شېئىرىڭىزدىكى ئاددىلىق بەكمۇ ياقتى. بەزىدە بەكلا  ئالاھىدە مۇرەككەپ ئىبارىلەرگە ئېسىلىۋىلىشتىن مۇشۇنداق ئاددىي تىللار بىلەن پۈتۈلگەن لېرىكىلار ئۆزگىچە ھوزۇر بېغىشلايدۇ.قەلىمىڭىزدىن ئۈمىد كۈتتۈم..توختاپ قالماڭ!!

taranqi

	خەتنى كىچىك يېزىش سىزنىڭ ئادىتىڭىزمۇ ؟ئەسىرىڭىز  بەك ياققاچقىمۇ خەت كىچىكلىكىدىن زارلاپ سالدىم

tiwip

	يۇقۇردىكى تورداشلىرىم ئىيتقاندەك ، تىلى ھەقىقەتەنمۇ يېنىك ھەم يىقىشلىق چىقىپتۇ . گەرچە شىئېرغا ئانچە ئىپىم بولمىسىمۇ ، ئەمما ئۇنىڭدىن ھوزۇر ئالالايمەن .  ئىجادىيەتلىرىڭىز ئۇچۇن ، سىزگە ئامەت تىلەيمەن .

alif

	شېئىرلىرىڭىزنى سۈيۈپ ئوقۇدۇم، ياخشى يېزىپسىز،يەنىمۇ تىرىشىڭ!! ئازابىمغا تۇنۇش بۇ ھېسلار، بىلىپ قالدىم قىزچاق سىرىنى. <ئۇ> مۇ بەلكىم شۇنداق كۈلگەندۇ؟ ئەسكە ئالدىم كىمدۇر بىرسىنى                 بۇ مىسىرالارنى بەكىرەك ياقتۇردۇم .

ئايتۇغ

	قىستا-قىستاڭ ئاپتۇبۇس ئىچىدىكى كۈزىتىشلىرىڭىزدىن سىزىلغان سىزمىلار مىنىمۇ شۇ مەيدان كەيپىياتىغا چۆمدۈردى....تىلى ئاددى،راۋان...چىقىپتۇ.ھەقىقەتەن ياقتۇردۇم.قەلەمنى چىڭ تۇتۇڭ!

kun^kiz

	شېئىرىڭىزنى شۇنداق  ياختۇرۇپ قالدىم. بولۇپمۇ  بىرىنچى ھەم  ئىككىنچى  شېئىرىڭىزنى ، ئەپسۇس مېنىڭ ئاپام يوق . [s:3]

y.rahman

	ئاددى، ئاممىباپ،جانلىق،چۈشۈنۈشلىك بولغان ئەسەرلەر تېخىمۇ كۆ پ كىشىلەرنىڭ   بەدىئى زوق ئېلىشىغا تۈرۈتكە بولالايدۇ ، دەپ قارايمەن...بۇ تېز سىزمىلار ئاددى تىل،ساپ ھېسسىيات، كۈچلۈك پىكىرنىڭ بىرلەشتۈرۈلىشىدىن ھاسىل بولغان مەھسۇلات ئىكەن  ،  رەھمەت ساڭا ! باشقابىر قىتئە، باشقا بىر ئەلدە بىر تەرەپتىن ئوقۇپ ، بىرتەرەپتىن ئىشلەپ يەنە بىرتەرەپتىن جۇدالىق ۋەمۇساپىرلىقنىڭ ئازابىنى تارتىپ ،جاپا چېكىۋاتىسەن بۇنى چۈشىنىمەن....... بەرداشلىق بول !!! قەلىمىڭ يۈكسىلىۋېتىپتۇ، يەنىمۇ تىرىشقىن.......   باشقا يازغانلىرىڭنىمۇ  كۆرۈشكە ئىنتىزارمەن، بالدۇرراق يوللارسەن.......