يوقالما،يوقالما، قىزغىن ھاياجان...

جىم

	«ئۆچمە سۆيگۈم» دىن ئىككى تال گۈل: يېقىندا قەشقەر ئۇيغۇر نەشىرىياتى تەرىپىدىن ياش شائىر ئەنۋەرجان سادىق كۆكنۇرنىڭ «ئۆچمە سۆيگۈم›› ناملىق شېئىرلار توپلىمى نەشىر قىلىندى. توپلامدىكى لېرىكىلار شائىرنىڭ مۇھەببەت، تەبىئەت،ئادەم،روھىيەت،ئىجتىمائىيەت ھەققىدە ئون نەچچە يىلدىن بۇيان يازغان ئىزتىراپلىرى،ئۈمىد،ئارمانلىرى  مۇرەككەپ تۇيغۇلىرى يوشۇرۇنغان شېئىرلىرىدىن تاللاپ تۈزۈلگەن، شېئىر ئاشىنالىرىنىڭ بۇ توپلامنى بىر ئوقۇپ ھوزۇرلىنىپ بېقىشىغا ئەرزىيدۇ. بۇ توپلامنى دوست-يارەنلەرنىڭ بىر-بىرىگە سوۋغا قىلىشىغىمۇ مۇۋاپىق كېلىدۇ. تۆۋەندە «ئۆچمە سۆيگۈم» دىن ئىككى تال گۈلنى ئوقۇرمەنلەرگە سۇندۇم:                   يوقالما،يوقالما، قىزغىن ھاياجان... ئەنۋەرجان سادىق كۆكنۇر   يوقالما،يوقالما، قىزغىن ھاياجان... يوقالما ئوت بولۇپ ئاھ،كۆيگەنلىرىم... يوقالما ئەسەبىي ئىستەكلرىم ھەم، يوقالما سەن ئۈچۈن مىڭ ئۆلگەنلىرىم.   يوقالما،يوقالما، قىزغىن ھاياجان... يوقالما، ئەي مېنىڭ سۆيۈشلىرىم ھەم. مەن شۇنداق ياشايكى بارىمنى بېرىپ، ئۇنتۇلماس بىر لەززەت بولسۇن مۇجەسسەم.   يوقالما،يوقالما، قىزغىن ھاياجان... يوقالما،مەيۈسلۈك ئەزسىمۇ شۇئان. چاقناشتا، كۆيۈشتە،يارات ئۆزۈڭنى، بولغايكىم سەن سۆيگەن ھەممە قەدىردان...   ئېلىشىمەن رېئاللىق بىلەن...   ئېلىشىمەن رېئاللىق بىلەن... ئۇ ئەجدىھا بولسۇن ياكى ئىت. مەيلى بولسۇن ھېلىگەر سەتەڭ، ئېلىشقۇم بار ئۇنىڭدىن سىرىت.   ئۇ ئېپ كەلدى ئاجىزغا نېمە، كۆز ياش،ئازاپ مەيۈسلۈك ئاخىر. ئۇ يېغلاتتى مەزلۈم دىللارنى، قېنى جەسۇر ئەرلىك خاراكتىر؟...   تۇرمۇش-كۆرەش،كۆرەش مۇھەببەت، كۇكۇم تالقان بولغىن  يا بولما. قەھرىڭ بىلەن سۆيگىن ھاياتنى، ئۆلۈمىڭ بىلەن كۈيلىگىن،سولما...

tomoquk

	مەن كىتاپ سىتىۋىلىشقا ئامراق...... چوقۇم سىتىۋالىمەن......

kun^kiz

	ياخشى ئىش بوپتۇ مۇبارەكلىگۈدەك ، مەنمۇ بىر كىتاب خۇمار  مەنمۇ  سىتۋالمەن  ئۇ كىتابنى .