بىر سائىلنىڭ رىسالىسى

bayawan

	بىر سائىلنىڭ رىسالىسى روزى سايىت قول ، پۇتى ساق ، قەلبى چولاق توكۇرمەن ، غۇرۇر سېتىپ مۇتقا ، توقۇم توقۇرمەن . سىياقىمدا بىچارىلىك ، مىسكىنلىك ، بارغان يەردىن « چالما » يۈدۈپ قوپۇرمەن . پارچە-پۇرات سەدىقىگە خوشۇم يوق ، چوڭ-چوڭ بەرسە ئاندىن رەھمەت ئوقۇرمەن . ساددىلارغا ئېيتارىم شۇ :« دادام يوق ، پۇلسىز ، كېسەل -ئۈچەيلىرىم سوقۇرمەن . ئانام قارىغۇ ، ئاكام پالەچ ، ئىنىم گاس ، ئاھ ، نامراتلىق ...» دەيمەن تىنىپ چوڭقۇر مەن . « سېخىيلارنىڭ جايى جەننەت ! » شۇ گەپتە يانچۇقىنىڭ ئاغزى چىڭنى نوقۇرمەن . ئالىقان ئېچىپ ، دۇئا چېچىپ ، كۆز ياشلاپ ، بەرمەسلەرنىڭ ئىنسابىنى چوقۇرمەن . خەقنى ئالداپ تاپقىنىمنى ھەر ئاخشام تاۋىكاغا خەجلەيدىغان موخۇرمەن . ئاكام تىمەن ، ئانام ساپمۇساق ، دادام بار ، ( ئاغزى شالتاق ، لەۋزى يالغان كۇپۇرمەن ) . ياتار جايىم تۇغ-شەددىلىك گۈمبەزدە ، نىكاھىمدا ئىككى خوتۇن-پوخۇرمەن ... قول قاپارتىپ يۈرمىسەممۇ ، يېنىم توم ، رىزقى كەڭرى ، ئەقلى چولتا « خور-خور » (1) مەن . باغرى يۇمشاق مىللىتىم بار بەرگىلى ، بەرگەنسېرى قىچىشقاقتەك يۇقۇرمەن . نامىم سائىل ، ھېچنەرسىدىن كېمىم يوق ، خۇدا بەرگەن «ھالى ئېگىز ئوقۇر » مەن . كېمىمغۇ يوق ، يۈرەك پوك-پوك غېمىم بار ، يۇرت شەنىگە  داغ ، ساقايماس قوتۇرمەن . دەپ قالسا ئەل : « ئىشلەپ يېگىن ئالدامچى ! » ھالىم چاتاق ، ئۇچاغ ئوپۇر-توپۇرمەن ... « ئانا تىلىم زەر تىلىم » دىن ئېلىندى.

pariay

	مەرھۇم شائىر رۇزى سايىت ئاكىنىڭ ئەسىرى بىلەن ئۇچراشتۇرغىنىڭىزغا كۆپتىن - كۆپ تەشەككۈر !! مەرھۇمنىڭ ياتقان يىرى جەننەتتە بولغاي !!

ajayep男boy

	بەك ياخشى .بەكلا مەنالىق  يىزىلغان شىئىركەن ............مەرھۇم شائىرمىزنىڭ ياتقان يىرى جەننەتتە بولغاي ئامىن،،،،،،،،،،،،،،

tomoquk

	تىلەمچىلەرنىڭ ئەپتى بەشىرىسى ئىچىپ بىرىلگەن ،مەندىمۇ بار ئىدى بۇ كىتاپ.شائىرنىڭ ياتقان يىرى جەننەتتە بولسۇن..ئىسىل كىشى ئىدى

kmtkmt

	ئاللاھ رەىمەت قىلسۇن مەرھۇم رۇزى سايىت ئاكىنىڭ بۇ شىېرنى كورمەپتىكەنمەن. ھازىرقى سائىللارغا پۇل بەرمىسىمۇ بەرمىسىمۇ بولىدۇ.

uqkuni

	مەن بۇ شىئىرنى مىڭ قېتىم ئوقۇغاندىمەن ، لىكىن ھەر قېتىم ئوقۇغاندا مەرھۇم   روزىكامنىڭ قەلەم ماھارىتىگە قول قويماي تۇراملايمەن ، مەنمۇ ئىزدىنىۋاتىمەن، تىرىشۋاتىمەن ،بىراق مەن قاچان شۇ پەللىگە يىتەرمەن