مەڭگۈلۈك ئەقىدە

izim

	تونۇشقاندىن بۇيان سەن بىلەن، ئۆتتى باشتىن نۇرغۇن قىيان-لەڭ. تاۋلىدى ھەم مۇستەھكەم قىلىپ، قىيان بىرلە ئەقىدەممۇ تەڭ.  گەرچە يىراق تۇرساقمۇ، بىراق، ئۈمىد بىرلە تەلپۈندۈم ساڭا. گاھى رەشىك ئوتى ياقساڭمۇ، ئاتا قىلىپ ئازاپنى ماڭا.  ھېجراننىڭمۇ ئاچچىق ئازابى، بەلكى ماڭا بولدى بىر بەخت. رەنجىسەڭمۇ ئۇرۇنسىز مەندىن، ساڭا دىلدىن راسلىغاچ تەخت.  مەيلى رەنجى مېنىڭدىن، ئەمما چۈشەنسەڭلا بولدى قەلبىمنى. ساڭا بولغان ئەقىدەم بىلەن، ساڭا بولغان ئوتلۇق مېھىرىمنى.  يىللار ئۇزۇن (ھايات بىز تېخى) كۈتەر بىزنى گۈزەل مىنۇتلار. ئىشەنچىم بار ئۆزۈمگىمۇ ھەم، گاھى كەلسە تاغدەك توساقلار،  كۈچ قۇۋەتتۇر مېنىڭ جىسمىمغا، سېنىڭ سۆيگۈڭ، سېنىڭ ئەقىدەڭ. بوران چاپقۇن كەلسىمۇ بەلكى، تەۋرىتەلمەس ۋەدەمنى ۋەدەڭ.  مەنبە : ئىجادىيەت

tomoquk

	يىراق دەپ ئارىنى كۆڭلىڭنى بۇزما، كاككۇك ۋە زەينەپتىن ياخشى ھالىمىز. ۋىسالغا يىتەلمەي كەتسە بەزىلەر ئارمانلار قۇچىمىز قىلىپ گاھىمىز؟ توموچۇق

atikam1

	سۆيگەندە  شاماللار مەڭزىڭگە يېنىك، قالارسەن سەن مېنى ئەسلەپ شۇ كۈنى. تەۋرەنمەس ساڭا بولغان ئەقىدەم ، يۇرسەممۇ  سەرسانا ،كۈندۇز ھەم تۈنى.

heman11

	مەنلام شىئېر يازالمايمەن دېسە،ئۇيغۇردىن شىئېر يازالمايدىغاندىن يەنە كىم باردۇ؟مۇشۇ مۇنبەردىكى شىئېرلارغا ئۆلچەم نىمە بىر بىلىپ باقساق بۇلاتتى؟

qinar

	شېئىرىڭىزنى ئۇقۇپ ئىلھامىم كىلىپ قالدى. ئاخشاملىرى كۆرگىنىڭدە يۇلتۇزلارنى، چاقنىغىنى يۇلتۇز ئەمەس كۆزلىرىمدۇر. دەرەخلەرنىڭ يىنىككىنە شىۋىرلىشى، ساڭا مەنسۇپ دىيەلمىگەن سۆزلىرىمدۇر.

kun^kiz

	كۈندە بىر رەت ئۇچۇرشىپ تۇرساق ، يۈرمەس ئىدۇق بۇتناپ قورۇنۇپ . سەن ئۇياقتا ،مەن بۇياقتا يار ، كىمنى كىمدىن يۈردۇق قورۇشۇپ .

barna853

	ئەلكۇيى مۇنبىرىدىكى ئەزالارنىڭ ئىلھامى يانچۇقىدىلىمىكىن دەپ قالىمەن بەزىدە! [s:2]

arman1002

	مەنمۇ شىېر يازالمىساممۇ ،قىزىقىپ ئوقۇپ قۇيىمەن

tunji

	يىراقتىكى ئۇ قىز سىزنى تاشلىۋەتسىچۇ؟ داۋامىنى يىزىڭ ئاخىرىنى چىقىرىڭ، مەسلە تىخى تولۇق ھەل بولمىدى دەردىڭىز بولسا دادىللىق بىلەن ئوتتۇرىغا قويۇڭ، بىرلىكىتە ھەل قىلىمىز