ئۇخلاپ قالغان كۆزۈڭدە يۇلتۇز

bagtemur

	ئۇخلاپ قالغان كۆزۈڭدە يۇلتۇز ( ئەما ناخشىچى ئىبراھىم قۇربان ئاكىغا بېغىشلايمەن )   تىلىم بارماس ئەما دېيىشكە، ئۇخلاپ قالغان كۆزۈڭدە يۇلتۇز. بارماقلىرىڭ چالسا مۇڭ كۈيگە، ھەۋەس قىلار ساڭا ئاھۇ كۆز.   ئاۋازىڭدىن بۇلبۇلمۇ مەستخۇش، قەلىبلەرگە باشلار ھاياجان. يۈرىكىڭدە يوپيورۇق دۇنيا، سەنچە بولماق ھەر كىمگە ئارمان.   ئىجاد قىلدىڭ تالاي كۈي-نەزمە، ناخشىلىرىڭ ئەجەپ مەردانە. خۇشپۇراقلىق سەنئەت بېغىدا، دەيمەن سېنى بىر گۈل يىگانە.   ئۇزۇن ئۆمۈر بەرگەي خۇدايىم، ئىزلىرىڭدىن رەيھان ئېچىلسۇن. كامال تېپىپ ئۆرلە يەنىمۇ، باشلىرىڭغا ئۈنچە چېچىلسۇن !

qinar

	شئېرنى خېلى ياخشى يېزىپسىز،تىلمۇ راۋان .تېخمۇ تىرىشىپ نادىر ئەسەرلەرنى رۇياپقا چىقىرىشىڭىزنى ئۇمىد قىلىمەن.

uygurkizliri

	بەكمۇ ياخشى يىزىپسىز   ،كۆزى ئەما بولسىمۇ ئەمما قەلبى ئەما ئەمەس  قاراڭغۇ دىللارنى يورۇتقۇچى ناخشىچى ئىبراھىم ئاكىغا سالامەتلىك ،خىزمىتىگە ئۇتۇقلۇق،ئائىلىسىگە بەخت تىلەيمەن

tomoquk

	دەماللىققا ئىسىمگە ئالالمىدىم؟ ئىيىتقان ناخشىلىرىنى بىر يوللاپ قويمامسىلەر دوسلار؟ قەلەم تەۋرەتكۈچىنىڭ شۇ كىشىگە بولغان ھۆرمىتى قايىللىغى ياخشى بايان قىلىنغان يوللانما بوپتۇ بۇ. كۈيلىرىنىڭ مەڭگۈ ياڭراپ تۇرىشىغا ،تىنىنىڭ سالەمت ئۆمرىنىڭ بولۇشغا تىلەكداشمەن.

@xahrizat

	شىئىرىڭىزنىڭ ماۋزۇسى بەكمۇ جايىدا قويۇلۇپتۇ. شۇنىڭغا ماس ھالدا مەزمۇنىمۇ بەك ياخشىكەن. ھارمىغايسىز.

pinhane

	شېئىرىڭىزنىڭ  ماۋزۇسى   تولىمۇ  ياخشى  قويۇلۇپتۇ.....  كۆزى ئەما بولسىمۇ ،قەلبى ئويغاق كىشىلەرنىڭ بولۇشى  بىزنى  سۆيۈندۈرىدۇ،  ئۆزىمىز ھەققىدە ئويلاندۇرىدۇ.

parhat0901

	ياخشى يېزىپسىز،،،،،،،تېخىمۇ  تىرىشىڭ،،،،،،،،،