گۈل چېھرىڭىزگە نۇقسان يەتمىسۇن

维医医生

	دوستۇم سىز ياشلىقىڭىزنىڭ شاھىدى بولغان گۈزەل رۇخسارىڭىزنى ،تۇلۇن ئايدەك چىرايىڭىزنى قوغداشنى ئويلامسىز ؟ گۈزەللىكىڭىزگە تەسىر يەتكۇزۈپ ،گۈل يۈزىڭىزگە داغ كەلتۈرگەن دانىخورەكتىن قۇتۇلىشنى ئويلامسىز ؟ئۇنداقتا سىز تۆۋەندىكى سەھىپىگە قولاق سېلىڭ:  دانىخورەك بولسا –تېرىگە تەۋە قوشۇمچە ئەزا كېسەللىكى بولۇپ ،ياشلىق دەۋرىدە كۆپ كۆرىلىدىغان بىر خىل تۈك خالتىسى ۋەتېرە ياغ بەزلىرىنىڭ سوزۇلما ياللۇغىدىن بولغان دانە-دانە سۈت رەڭلىك مۇدۇردىن ئبارەت بولۇپ ،ئۇيغۇر تىبابىتى كىلاسسىك ئەسەرلىرىدە ‹‹ بۇسۇرى لەبەنى ›› دەپ ئاتىلىدۇ.  ئۇ ئاساسلىقى يۈز ،پېشانە ،دۈمبىنىڭ يۇقىرى قىسمدا كۆپ كۆرىلىدۇ.دانىخورەكنىڭ بەزىلىرىنىڭ ئۇچى ئاق، بەزىلىرىنىڭ ئۇچى قارا كېلىدۇ .  دانىخورەكنڭ كېلىپ چىقىش سەۋەبىنى تىبابىتىمىزدە ئاساسلىقى :      1.قان خىلىتىنىڭ ئۇقۇنەتلىنىشىدىن پەيدا بولىدۇ دەپ قارىلىدۇ .     2. تۇخۇم سېرىقى رەڭلىك سەپىرا خىلىتى تەسىرى سەۋەبىدىن بولىدۇ دەپ قارىلىدۇ     3. ئچكى ئاجىراتما بەزلەر خىزمىتىنىڭ بۇزلىشى سەۋەبىدىن بولىدۇ دەپ قارىلىدۇ.     4. تېرەتازلىقى ياخشى بولماسلىقى سەۋەبىدىن يەنى :شوپۇرلار ۋە ماي ساتقۇچىلارغا بېنزىن سىلىقلاش مېيى ،كىرسىن ۋە ھەر خىل مايلارنىڭ ئاستا خارەكتىرلىك ۋەياكى ئۆتكۈر خارەكتىرلىك رېئاكسىيە بىرىشىدىن ،خمىيىلىك خۇسۇسىيەتكە ئگە يۈز مايلىرىنى كۆپ سۈرتۈش ،ماي تەركىبى كۆپ سوپۇنلارنى كۆپ ئىشلىتىش ۋە ياكى ئۆتكۈر سوپۇنلارنى كۆپ ئىشلىتىش سەۋەبىدىن كېلىپ چىقىدۇ دەپ قارىلىدۇ .    5. ئېرسىيەت سەۋەبىدىن كېلىپ چىقىدۇ، دەپ قارىلىدۇ .     داۋالاشتا تۆۋەندىكى ئاددى رېتسىپلارنى كۆڭۈل ھۇزۇرۇڭلارغا سۇندۇم :          1. شاھتارە بىر سىقىم ،چۈچۈكبويا يۇپۇرمىقى بەش دانە ،سۆگەتگۈلى يۇپۇرمىقىدىن ئۈچ دانە ئېلىپ قاينىتىپ يەرلىك ئورۇن يۇيىلىدۇ.    2. كۈنجۈت يېغى بىر قوشۇق ،گۈل يېغى بىر قوشۇق ،قىزىلگۈل سۈيى ئككى قوشۇق . بۇلارنى ئارلاشتۇرۇپ ئىللىتىپ ،ئىلمان ھالەتتە سۈرتۈلىدۇ ،سەھەردە يۇيىۋېتىلىدۇ.       3. زىغىر بىر ئۇچۇم ،سىيادان بىر ئۇچۇم ،،قىزىلگۈلدىن بىر ئۇچۇمنى سوقۇپ تاسقاپ ،بىر ئۇچۇم تال ياغىچىنىڭ كۈلىنى ئارلاشتۇرۇپ ،بىر پىيالە سىركە قۇيۇپ ،يەرلىك ئورۇنغا چېپىلىدۇ .    4. چىلان 50دانە ،ئىت ئۈزۈمى بىر سىقىم ،ئەينۇلا30 دانە،سەرپىستان50دانە،تەمرى ھىندى 30 دانە ،كاسىنە ئۇرۇقى بىر ئۇچۇم ،بارلىق دورىلارنى بىر چىنە سۇدا قاينىتىپ ،يېرىمى قالغاندا ئككى سىقىم تەرەنجىبىن قوشۇپ ئېرىتىپ ،بىر پىيالىدىن ئىچىلىدۇ. دىققەت قىلىشقا تېگىشلىك ئشلار :     1. مايلىق تېرە تىپىدىكى كىشىلەر ئۆزىنىڭ تېرىسىگە ماس كېلىدىغان ئشقارلىق سوپۇنلارنى ئىشلىتىپ تېرىنىڭ زىيادە مايلىق ھالىتىنى چەكلەش، تېرە تازلىقىغا ئالاھىدە دىققەت قىلىش كېرەك .    2. يەل قوزغايدىغان سىڭىش تەس بولغان ئۆتكۈر غىدىقلىغۇچى يېمەك –ئىچمەكلەردىن پەرھىز قىلىش .                                              3. تەنتەربىيە پائالىيەتلىرى بىلەن ئاكتىپ شۇغۇللىنىپ بەدەن ساغلاملاشتۇرۇش .                                                                  4 .سىرتقى مۇھىتتىكى زىيانداشلاردىن ساقلىنىش. دوستۇم يۇقارقى رېتسىپلار سىز ئۈچۈن ئەسقېتىپ قالسا ئەجەپ ئەمەس.قېنى، ئىشلىتىپ كۆرۈپ بېقىڭ. (ئەسكەرتىش:ئۆزۈم توپلىغان رېتسىپلاردىن ئېلىندى)

isilbala

	ئالامەت ئىسىل تىما يۇللاپسىز ،رەھمەت سىزگە لەۋەن قىز ...

bargiya

	بولسا ئاددىي يەرلىك ئۇسۇللار يەنى تۇرمۇشىمىزدا قىلالايدىغان  ئاددىي رېتسىپلاردىن يوللىغان بولسىڭىز كۆپ ئادەملەرگە قولايلىق بولغان بولاتتى. كۆپلىگەن ئۇيغۇر تىبابەت ئاتالغۇلىرى شۇ ساھەدىكىلەرگە تۇنۇشلۇق بولغان بىلەن باشقىلارغا "غارايىپلار دۇنياسى"دەكلا بىلىنىدۇ

qinar

	تىمىڭىز ياخشىكەن بىراق دەرھال پايدىلانغىلى بولمايدىكەن.مىنىڭ يۇزۇمگە بىر ئاز دانىخۇرەك چىقىپ قاپتىكەن ،رىتسىپلىرىنى تېپىش تەس بۇلغاچقا پايدىلىنالمىدىم.

维医医生

	ئەگەر بۇرېتسىپلار سىلەرگە بەك قىيىن بىلنىپ كەتكەن بولسا ،ئاددى رېتسىپ دەپ بىرەي:يۇمغاقسۈت سۈيىگە سىركە ئارلاشتۇرۇپ چېپىپ بەرسىڭىزمۇ بولىدۇ.(لېكىن ئۇنتۇپ قالماڭ :ئەرزان گۆشنىڭ شورپىسى يوق ئەمەسمۇ؟)

uygurkizliri

	گۈزەل تىرىگە ئىگە بولۇشنى  خالىسىڭىز  تۆۋەندىكىلەرگە دىققەت قىلىڭ ،مايلىق گۆش يىيىش ئاز بولسۇن، مىۋە- چىۋە يىيىش كۆپ بولسۇن  ،  لەڭپۇڭ-راڭپىزا يىييىش ئاز بولسۇن، پۇرچاق يىيىش كۆپ بولسۇن، تۇخۇم يىيىش ئاز بولسۇن ، سۈت ئىچىش كۆپ بولسۇن   ، ئاچچىق نەرسىلەرنى يىيىش ئاز بولسۇن قاتتىق پوستلۇق مىۋىلەرنى يىيىش كۆپ بولسۇن، ھەرىكەت قىلماسلىق ئاز بولسۇن ، ئوكسىگىنلىق چىنىقىش كۆپ بولسۇن، قىلىن كىيىم كىيىش ئاز بولسۇن ،يۇيۇنۇش كۆپ بولسۇن

tomoquk

	يۈزۈمگە ئاندا ساندا بىرەر تال چىقىپ قالمىسا تىرەك ياخشى خۇداغا شۈكرى. لازىنى ئالامەت يەيدىغىنى مەن كىچىگىمدىن ! مۇشۇ بالا قورساقتا ۋاقتىدا ئالمىنى كۆپ يەپ بەرسە تىرىسى ياخشى بولامدىكىن دەيمەن.

sat喜欢

	مۇنبەردىكى قىزلاغا ياخشى تېما بوپتۇ بۇ ~  [s:2]

iu8241

	全国注册建筑师一级二级/证券从业资格/社会工作师/注册税务师/国际商务单证员/质量工程师/大学英语四级六级/土地登记代理人/代 考/替 考/考 试答 案/分 数修 改/证 件办 理/详情请登陆永久域名：www.xgttk.com/客服Q 287985985

我曾来过

	辛苦辛苦，谢谢了~~ 电影 www.uuuqq.com 2012最新电影排行榜