مىسۋاكتىكى مۆجىزە

tiwip

	مىسۋاكتىكى مۆجىزە   پەيغەمبەر ئەلەيھىسسالام مۇنداق دېگەن: "ئۇممىتىمگە مۇشەققەت سېلىپ قويىدىغان بولمىسام ئەلۋەتتە، ئۇلارنى ھەر نامازدا مىسۋاك قىلىشقا بۇيرىغان بولاتتىم". [بۇخارى ۋە مۇسلىم رىۋايىتى]. "مىسۋاك ئېغىزنى پاكىزلايدۇ، پەرۋەردىگارنى رازى قىلىدۇ". [نەسەئى رىۋايىتى]. "پەيغەمبەر ئەلەيھىسسالام ئۇيقۇسىدىن ئويغانغان ۋاقىتىدا مىسۋاك ئىشلىتەتتى". [بۇخارى ۋە مۇسلىم رىۋايىتى].   مىسۋاكنىڭ ھۆكمى    ئىمام نەۋەۋى رەھمەتۇللاھى ئەلەيھى: ھەر قانداق بىر ھالەتتە مىسۋاك ئىشلىتىش سۇننەتتۇر، دەيدۇ. ئىبنى قەييىم رەھمەتۇللاھى ئەلەيھى: مىسۋاك ئىشلىتىش ھەققىدە كەلگەن ھەدىسلەر ئۇمۇمىي بولغانلىقى ۋە روزىدار كىشىنىڭمۇ مىسۋاك قىلىشقا ئېھتىياجى بولغانلىقى ئۈچۈن  روزىدار كىشى بولسۇن ياكى ئېغىزى ئۇچۇق كىشى بولسۇن ھەر قانداق كىشىنىڭ ھەر قانداق ۋاقىتتا مىسۋاك ئىشلىتىشى مۇستەھەپ بولىدۇ. چۈنكى مىسۋاك ئىشلىتىش پەرۋەردىگارنى رازى قىلىدىغان ئەمەللەرنىڭ جۈملىسىدىندۇر. پەرۋەردىگارنىڭ رازىلىقى روزىدار كىشىدىن تېخىمۇ قاتتىق تەلەپ قىلىنىدۇ. ئىككىنچىدىن مىسۋاك ئېغىزنى پاكىزلىغۇچى بولۇپ، پاكىزلىق روزىدار كىشىدىن تەلەپ قىلىنىدىغان ئەمەللىرىنىڭ ئالدىنقىسى ھېسابلىنىدۇ، دەيدۇ. مىسۋاكنىڭ پايدا ۋە پەزىلەتلىرى   يېڭى زامان ئىلىملىرى مىسۋاكنىڭ تۆۋەندىكىدەك تىببىي پايدىلىرى بارلىقىنى ئىسپاتلىدى: (بۇ، شىركەتلەرنىڭ مۇشۇ ماددىلارنى ئۆز ئىچىگە ئالغان چىش پاراشۇگى ئىشلەپچىقىرىشتا بەسلىشىشكە  تۈرتكە بولغان)    1- مىسۋاك تەركىبىدە چىشلارنى قۇرت يەپ كېتىشتىن مەنئى قىلىدىغان (فلوريد) ماددىسى بار.ئېغىزنىڭ مىكروبلارنىڭ ئامبىرى دەپ قارىلىدىغانلىقىنى ياخشى بىلسىڭىز كېرەك. دوختۇرلارنىڭ تەكىتلىشىچە، ئېغىزدا تۈرلۈك مىكروبلار ئورۇن تۇتقان بولۇپ، بۇ مىكروبلار تېنى ساغلام، ئېغىزىنىڭ پاكىزلىقىغا كۆڭۈل بۆلىدىغان كىشىلەرگە زىيان يەتكۈزەلمەيدۇ لېكىن چىشلارنىڭ ئارىسىدا تائاملارنىڭ قالدۇقلىرى يىغىلىپ قالغان ۋاقتىدا مىكروبلار ھەرىكەتكە كېلىپ ئۇنى چىرىتىشكە، پۇرىتىشقا باشلايدۇ – دە، نەتىجىدە ئۇنىڭدىن بەد بۇي پۇراقلار پايدا بولىدۇ. ئاندىن چىشلار چېرىشكە، قۇرتلاشقا باشلايدۇ. ئاندىن ئۇ تېخىمۇ كېڭىيىپ، بۇرۇن ياللۇغى، كاناي ياللۇغى ۋە مەيدە ياللۇغى قاتارلىق تۈرلۈك ياللۇغىنىشلارنى پەيدا قىلىپ، بەدەننىڭ قالغان قىسمىغا تارقىلىشقا باشلايدۇ. جىسىملارغا تارقالغاندىن كېيىن ئاسانلا قانغا ئۆتۈپ كېتىپ خەتەرلىك كېسەللەرنى كەلتۈرۈپ چىقىدۇ.    2- مىسۋاك تەركىبىدە ئېغىزدا ئالاھىدە خۇش پۇراق پەيدا قىلىدىغان (ئەتىرلىك مايلار) بار.    3- مىسۋاك تەركىبىدە چىشلاردىكى سېرىقلىقنى يۇقۇتۇپ، ئۇنى ئاقارتىپ پارقىرىتىدىغان (خىمىيىلىك ماددا) بار.    4- مىسۋاك چىشلارنىڭ ئارىسىدىكى قالدۇق تائاملارنى چىقىرىپ تاشلايدۇ.    5- مىسۋاك تەركىبىدە چىشنىڭ ئەتراپىدىكى گۆشلەرنى ۋە تامغاقلارنى چىڭىتىپ، ئۇنى ئاسان قاناپ كېتىشتىن مۇھاپىزەت قىلىدىغان ماددا بار. ردستوك ئۇنىۋېرسىتېتىدىكى مىكروبلارنى تەكشۈرۈش ئىنىستوتىنىڭ مۇدىرى رودىت ئەپەندى كەشىپ قىلغان ھەقىقەت ئۇ مۇنداق دەيدۇ: مەن "ئەررىھالە" دېگەن كىتابتىن ئەرەبلەر چىش چوتكىسى ئورنىدا ئىشلىتىۋاتقان مىسۋاك توغرىسىدىكى بايانلارنى ئوقۇغانىدىم. ئاپتور ئۇنى مەسخىرە شەكلىدە بايان قىلغانىكەن... ئاپتور ئۇنى يىگىرمىنچى ئەسىردە چىشلىرىنى شىۋىقلارنىڭ پارچىلىرى بىلەن پاكىزلىغان قەۋمنىڭ ئارقىدا قالغان خەلق ئىكەنلىكىگە دەلىل قىلىپ كەلتۈرگەنىكەن. مەن: چوقۇم، بۇ تال - شىۋىقلارنىڭ ئارقىسىدا بىر ئىلمىي ھەقىقەت بولىشى مۇمكىن، دەپ پەرەز قىلغانىدىم.    ئاخىرى پۇرسەت يىتىپ كەلدى، سۇداندا خىزمەت قىلىدىغان بىر ساۋاقدىشىم قايتىشىدا ھېلىقى تال – شىۋىقلاردىن بىر قانچە تال ئالغاچ كەلگەنىكەن، مەن دەرھال تەكشۈرۈش، تەتقىق قىلىشنى باشلىدىم. تەكشۈرۈش نەتىجىسىدىن بىلدىمكى ئۇلار 14 ئەسىردىن بىرى ئىشلىتىپ كەلگەن مىسۋاكنىڭ تەركىبىدە نۇرغۇنلىغان پايدىلىق ماددىلار بار ئىكەن. خالايىقلار چىش پاراشۇگى ئىشلىتىشكە باشلىغىلى ئىككى يۈز يىل بولغان بولغان بولسا، مۇسۇلمانلار مىسۋاك ئىشلىتىشكە باشلىغىلى 14 ئەسىردىن كۆپ ۋاقىت بولدى. ئاراك مىسۋېكىدىكى خىمىيىلىك تەركىبىگە نەزەر سالغان ۋاقىتىمىزدا پەيغەمبەر ئەلەيھىسسالامنىڭ نېمە ئۈچۈن ئۇنى تاللىغانلىقىنىڭ سەۋەبلىرىنى تۇنۇپ يەتسەك كېرەك. مىسۋاكنىڭ يەنە باشقا نۇرغۇن سىرلىرىنى كەشىپ قىلغان ئىلمىي تەتقىقاتلار    1- ئىلمىي تەكشۈرۈش ئاراك شىۋىقىدىن بولغان يېشىل مىسۋاكنىڭ تەركىبىدە چىشلارنىڭ چىرىپ كېتىشىگە قارشى تۇرىدىغان، چىشلارنىڭ ئەتراپىدىكى گۆشلەرنىڭ قاناپ كېتىشىدىن ساقلاپ، ئۇنى كۈچەيتىدىغان ۋە ئېغىزنى پاكىزلايدىغان كۆپ مىقداردا (ئەفس) ماددىسىنىڭ بارلىقىنى تەكىتلىگەن.   2- مىسۋاك تەركىبىدە مىكروبلارنى يوقۇتۇشقا ياردەم بېرىدىغان پۇرىقى قاتتىق، تەمى ئاچچىق sinnigrin ماددىسى بار.    3- ئىلمىي تەكشۈرۈش نەتىجىسى مىسۋاك تەركىبىدە چىشتىكى كىر ۋە سېرىقلىقنى چىقىرىشقا ياردەم بېرىدىغان ماددا بارلىقىنى ئىسپاتلىدى.    4- دوكتۇر تارىق ئەلخۇرى مىسۋاك تەركىبىدە چىشنى ئاقارتىدىغان ۋە چىشنى قۇرت يەپ كېتىشتىن ھىمايە قىلىدىغان سىلىكا ماددىسى بىلەن بىرگە كلورايد ماددىسىنىڭ بارلىقىنى تەكىتلىدى.    5- مىسۋاك تەركىبىدە تامغاق ۋە چىشنىڭ ئەتراپىدىكى يومشاق گۆشلەرنىڭ ساغلاملىقىغا ۋە ئۇنىڭدىكى يارا ۋە ياللۇغۇنۇشلارنىڭ تىز ساقىيىشىغا ياردەم بېرىدىغان ۋىتامىن C ۋە trimethylamine  تىرامىسىل ئەمىن ماددىلىرى بار.    6- مىسۋاك تەركىبىدە يەنە چىشنى قۇرت چۈشۈشتىن ساقلايدىغان كىبرىت ماددىسى بار.    ئامېرىكا چىش پاراشوكى ئىشلەپچىقىرىش شىركىتى مىسۋاك ماددىسىدىن چىش پاراشوكى ئىشلەپچىقىرىپ، ئۇنى مىسۋاكتا بار بولغان پارلىق پايدىلىق خۇسۇسىيەتلەرنى يېزىپ تۇنۇشتۇرغان ۋە ئۇنى باشقا ھەرقانداق چىش پاراشوگىنىڭ ئورنىدا ئىشلىتىش ھەققىدە تەۋسىيە قىلغان. سىز ھەق سۆزلەيدىغان كاپىرلارنى كۆرگەنمۇ؟ «ئۇلارغا (ئىسلامنىڭ ھەق دىن ئىكەنلىكى) ئاشكارە بولغانغا قەدەر ئۇپۇقلاردىكى ۋە ئۆز نەپسىلىرىدىكى مۆجىزىلىرىمىزنى كۆرسىتىمىز».                       مەنبەسى :ئىسلام تور بىكەتلىرىدىن يىغىپ ساقلىغانلىرىم

tutem

	رايونىمىزدا چىقۋاتقان مىسۋاكلاردىن  قايسىسى ئەڭ ئىشەنچىلىك؟مەنغۇ چىننۇرىنى ئىشلىتىمەن. مۇسۇلمانچە بولغان چىش چوتكىسى،پاستىسىنى دەپ باقمامدۇق؟...

kukbura0998

	ئەسسالامۇ ئەلەيكۇم، قىرىندىشىم.  بۇ ساۋاتنى يوللاپ بەك ياخشى قىپسىز مەن تىخى بايىلا ئىنىم بىلەن مىسۋاك توغرىلىق پاراڭلاشقان ئىدىم. بۇ تىمىڭىزنى كۆرۈپ مىسۋاك ھەققىدىكى بىلىمىمنى تولۇقلىۋالدىم. رەھمەت سىزگە!    راست،  بىزنىڭ بۇ تەرەپلەردە( سىز قەيەردىنكى بىلمىدىم، مەن 0998دىن) ھەقىقى مىسۋاكتىن تاپقىلى بولارمۇ، بىلمىدىم؟؟؟!!!

samran

	مىسۋاك دىگەننى ساتىدىغۇ قەشقەر ھىيتگاھنىڭ يىنىدا.

atikam1

	مىسۋاق توغرىلىق پايدىلىق چۇشەندۇرۇشلەرنى شۇنداق ياخشى سۆزلەپسىز ،،،،، كىچىكىمدىن تارتىپ بىزنىڭ ئۆيدىكىلەر   مىسۋاق ئىشلىتەتتىكەن  ،،،3 ئەۋلات ھەرەمگە ھەجگە بېرىپ  ھىچنىمە ئالماي  مىسۋاكلا  ئېلىپ كەپتىكەن  ،،،شۇڭا  ئۇزۇن يىلدىن بىرى بىزنىڭ ئۆيدە مىسۋاك  ئىشلىتىدۇ  ،،،،مەنغۇ چىش پاستىسى ئىشلىتىمەن ،،،،

رىتا

	مەن مەيەردە تاپالماي يۈرگەن ،ئاتىكەم ئاچا سىز بار تۇرۇپمۇ ئىشلەتمەي ،چىش پاستىسى ئىشلىتىسىز ؟ھىيىتگاھ تەرەپلەردە مەن ھىچ مىسۋاكنى  كۆرمىدىمغۇ؟

qiqek

	يىنىمىزدىكى تۇڭگانىنىڭ دۇكىنىدا مىسۋاك ساتىدىكەن 8سوم دەيدۇ ،ھەرەمنىڭ دەيدۇ ،مەن مىسۋاكنى قىممەت دەڭ ئاڭلىغان .جىڭ مۇ يا جامۇ بىلەلمىدىم

tiwip

	بۇ 1قەۋەتتىكىtutem يوللىغان 2011-02-03 01:04 غا قارتىلغان  : رايونىمىزدا چىقۋاتقان مىسۋاكلاردىن  قايسىسى ئەڭ ئىشەنچىلىك؟مەنغۇ چىننۇرىنى ئىشلىتىمەن. مۇسۇلمانچە بولغان چىش چوتكىسى،پاستىسىنى دەپ باقمامدۇق؟... توتىم ئەپەندىم . مىسۋاك بىلەن ، مىسۋاك خام ئەشىيا قىلىنىپ ئىشلەنگەن ، چىش پاراشوكى ئايرىم نەرسە . دىيارىمىزدىن مىسۋاك چىقىشى مۇمكىن ئەمەس.   ئەگەر ئۇيغۇر كارخانىچىلار  راستىنلا چەتئەلدىن ئىمپورت قىلىنغان مىسۋاكنى خام ئەشىيا قىلىش ئارقىلىق چىش پاستىسى ياسىغان بولسا ، ئۇنى ئىشلىتىشكە ۋە تەۋسىيە قىلىشقا بولىدۇ . لىكىن ئۇلار شۇنداق قىلغانمۇ ياكى ئاز مىقداردا قوشامدۇ ؟  بۇنىڭغا بىر نىمە دىمەك تەس . شۇڭا مىسۋاك ئىشلىتىشنى خالايدىغانلارغا تەۋسىيەرىم :  ئۇرۇمچىدە خانتەڭرى سودا سارىيىدا ، سابا ئىمپورت بۇيۇملىرى دوكىنىدا، سەنشىخاڭزا ئالتۇن بۇلاق سودا سارىيى يەرئاستى قەۋىتىدە، ئاق مەسچىت ئەتراپىدا ، ئۆلچەمگە لايىق مىسۋاكلارنى  ئۇچراتقانمەن . شۇلارنى سىناپ بىقىشىڭلارنى تەۋسىيە قىلىمەن .

taranqi

	بۇ ئەڭ تەبئىي ، ئەڭ ئىشەنچىلىك مەھسۇلاتتە بۇ ....

uyhuriya07

	يەنە بىر يىڭى بىلىم.......كۈندىن كۈنگە ئەقىللىق بولۇپ كەتكۈدەكمەن. ئاپام دائىم ئاشۇ نەرسىنى ئشلەت دەيدىغان ،بۇنداق پايدىلىق تەرەپلىرىنى بىلمەپتىمەن.تىخى چىش چوتكىسىدا شەك بولغاچقا شۇ ياغاچنى ئىشلات دەمدىكىن دەپتىمەن.......ئەسلى مۇنداقكەن_دە!!بىلۋالدىم!!