تاللاڭيانفۇن نۇسخىسى | 继续访问电脑版

كۆرۈش: 1287|ئىنكاس: 8

كىچىككىنە يېزا بازىرى(ئادىل تۇنىياز) [ئۇلانما كۆچۈرۈش]

UID
1264
يازما
408
تېما
64
نادىر
0
جۇغلانما
12615
تىزىملاتقان
2009-1-25
ئاخىرقى قېتىم
2012-8-13
توردا
3 سائەت
يوللىغان ۋاقتى 2011-2-2 17:14:44 |ھەممە قەۋەتنى كۆرۈش

كىچىككىنە يېزا بازىرى



ئادىل تۇنىياز


بۈگۈن سەھەردە ،
قۇياش سۇنغان ئاق گۈلچەمبىرەك
ياراشقاندا مۇز دېرىزەمگە ؛
تىرىلگەندەك قارلىق دالىغا
دەپىن قىلغان كېپەنلىك باھار ،
ئەسلىمەمنىڭ تاش ئەينىكىگە
ئېقىپ چۈشتى ئۇزۇن بىر سايە .
قەلبىم شۇئان يىرتىپ تۇماننى
ئەرۋاھ كەبى چىقتى ئايلىنىپ ،
كىچىككىنە يېزا بازىرىنى .

كىچىككىنە يېزا بازىرى ،
سالام سېنىڭ چوغدەك تېڭىڭغا .
كۆڭلەپ كىيىپ شايى تۈتۈندىن ،
سەھرادىكى قىزغۇچ تۇماندا ،
ئۇخلاۋاتقان كۆپكۆك ھاۋاغا .
سالام ئېگىز تېرەكلىرىڭگە –
زەر قاناتلىق يىڭناغۇچلاردەك ،
قونۇۋالغان كۈن نۇرلىرىغا .
سالام كېچىدە قۇياشنى چۈشەپ
تام تۈۋىدە سوزۇپ چىللىغان
شاھزادىدەك خورازلىرىڭغا .
سالام ئىشىكنى غىچىرلاپ ئېچىپ
ئىبادەتكە ماڭغان بوۋايغا .

ئەنە ،
تۆت كوچىنىڭ دوقمۇشىدىكى
چاك كەتكەن تام تۈۋىدە ،
ياغلىق سېلىپ رەڭدار بۇلۇتتەك ،
چىنىلەرنى تىزىپ ئۈستىگە ،
ئولتۇرىدۇ قېتىقچى قىزلار .
تورغاي يول ئالماستا يول ئالغان تۇزچى ،
تاش تۇز باسقان ئېشەك ھارۋىنى ،
بازار چېتىگە كېلىدۇ ھەيدەپ .
كىيىملىرى جۇلجۇل قەلەندەر
چاپاق باسقان كۆزىنى ئېچىپ ،
تام تۈۋىدە كۆردى بۈگۈنمۇ ،
تۈنۈگۈنكى سېخىي قۇياشنى .

ئەنە ،
تورۇسى ئىسلاشقان خۇشىۇي چايخانا ،
سالام بېرەر خېرىدار تاڭغا .
تەمبۇرچىدەك مۇڭلۇق ئاۋازدا
ساماۋەردە ناخشا ئېيتار چاي .
كالا سۇغارغىلى بېرىپ گۇگۇمدا ،
كۆل بويىدا يىگىتى بىلەن
ئۇچرىشىپ قالغان سەھرا قىزىدەك –
تونۇردىن چىققان پا – پا گىردىلەر
مەڭزى چوغدەك قىزارغىنىچە
سېۋەتلەردىن باقار ئۇياتچان .

تۇرىدۇ بىر قىز ،
ساتماق بولۇپ دوقمۇشتا ،
سۈبھى پەيتى قوناقلىقىدىن
ئېلىپ كەلگەن بىر تاغار ئوتنى .
قىزىل گۈلدەك خۇشبۇي ھاۋا ھەم
كەڭ دالىنىڭ مەيىن شامىلى
چەمبىرەكتەك ئايلىنار ئۇنى .
سالۋا تەلپەكلىك دېھقان ،
بېدە باسقان كالا ھارۋىغا ،
ئەگەشتۈرۈپ كەلگەن تاڭدىكى
جىگدە چېچەكلىرىنىڭ ئىللىق پۇرىقى
كوچىلارغا چاچار خۇش پۇراق .
يېقىن يېزىنىڭ باغۋىنى ئەنە
شاپتۇل ساتقىلى كىردى سەھەردە ،
شاپتۇل چېچىكىدەك ھالرەڭ سۈبھىنى
سېتىۋەتتى غۇۋا شەھەرگە .
سېتىۋەتتى ئالمىچى يىگىت ،
ئوسما قويغان قاشلىق جۇۋانغا ،
سېۋەتتىكى ئالمىلا ئەمەس ،
ككڭلىدىكى ئالمىلارنىمۇ .

سالام ، ئاشۇ يېزا بازىرىدىكى
كۆكتاتچى مومايلار ، گۈل ساتقۇچىلار ،
كۆكسى لەڭپۇڭدەك لىغىرلاپ تۇرغان
ھېسىپچى ئاياللار ، لەڭپۇڭچى قىزلار .
سالام ، شاۋقۇنلۇق ئاشپۇزۇلدىكى
ئۇسسۇلچى چۆمۈچلەر ، ناخشىچى سەيلەر .
سالام ، كاۋاپداندا پىچىرلاۋاتقان
ئىخلاسمەن كاۋاپلار ، ئەۋلىيا چوغلار .
سالام ، بەك يىراق جاڭگالدىن كەلگەن
ساقىلى بېدىدەك بورا ساتقۇچى .
سالام ، زوڭزىيىپ كۈپ تاللاۋاتقان
قېشى ئاق ، كۆڭلى ئاق ، ئۈستىبېشى ئاق
ئاق ئۇنغا مىلەنگەن نۇرلۇق تۈگمەنچى .
سالام ، تاش تۈۋىدە ئولتۇرغان چوكان ،
سالام ساتالماي قالغان تۇخۇملىرىڭغا .
سالام ماي چاپانلىق جۇۋازچى بوۋاي ،
سالام ، ماي قاپىقىڭغا ، جۇۋاز كالاڭغا .
ئۆمۈچۈك تورلىرى تۆكۈلۈپ تۇرغان
سالام قاراڭغۇ جۇۋازخاناڭغا .
سالام ، ئاپتاپتا قارىداپ كەتكەن
ئاققوناق ساتقۇچى ، بۇغداي ساتقۇچى .
خالتا كۆڭلىكىڭگە ياماقلار چۈشكەن ،
مال بازىرىدا تۆگە يېتىلەپ
كېتىۋاتقان تۆگە باققۇچى .
سالام ، يالاڭئاياغ سەھرا قىزىنىڭ
ئالدىغا تىزىقلىق باغلام ۋە باغلام
قۇرۇتۇپ ئېپكەلگەن ياۋا سۈپۈرگە .
سالام شۇ سۈپۈرگە چېچەكلەپ ئۆسكەن
شاماللىق دالىغا ، ئاق كۆڭۈل كۈنگە .
سالام شۇ يەردىكى قەدىم پوسۇندا
سېلىنغان قەۋەتسىز ئاددىي ئۆيلەرگە .
سالام شۇ ئۆينىڭ تەكچىلىرىگە
باھاردەك-باھاردەك تىزىپ قويۇلغان
سۆگەتگۈل ، ئەتىرگۈل قوناقگۈللەرگە .
سالام سۆيۈملۈك يېزا بازىرىدىكى
پەردازسىز ، گىرىمسىز بوۋاقتەك دۇنيا ،
سالام ، ئۇندىكى ھەممە-ھەممىگە .

كىچىككىنە يېزا بازىرى

1990-يىل 3-ئاي ، ئۈرۈمچى



مەنبە: "دېڭىزدىكى كوچا "

(

ئەلكۈيى مىكرو بلوگ ئېچىلىش مۇراسىمى

UID
8953
يازما
51
تېما
2
نادىر
0
جۇغلانما
510
تىزىملاتقان
2011-1-30
ئاخىرقى قېتىم
2011-3-27
توردا
0 سائەت
يوللىغان ۋاقتى 2011-2-2 19:09:49 |ھەممە قەۋەتنى كۆرۈش

تىما ئىگىسى(bayawan)نىڭ يازمىسىغا قارىشىم

مەنمۇ  ئۆزۇم تۇغۇلۇپ ئۆسكەن كىچىككىنە يىزامنى  ئەجەب  سىغىندىم دىسە

قار مەلىكە

UID
2247
يازما
725
تېما
42
نادىر
0
جۇغلانما
24827
تىزىملاتقان
2010-5-29
ئاخىرقى قېتىم
2012-11-24
توردا
7 سائەت
يوللىغان ۋاقتى 2011-2-3 00:58:30 |ھەممە قەۋەتنى كۆرۈش
بۇ ساپ ئۇيغۇر پۇرىقى بىلەن تۇيۇنغان ئىسىل ئەسەر.بۇرۇنمۇ نەچچە قىتىم ئۇقۋەتكىنىم ئىسىمدە.ھازىرمۇ 2 رەت كۆرۋەتتىم.ئادىل تۇنىيازنىڭ كۈزۈتۈش ئېقتىدارىغا ئاپرىن ئېيتماي تۇرالمىدىم.مىسرالېرىدىن مىللىتىنى نەقەدەر سۇيىدىغان شائېىر ئىكەنلىكى كۆرنۇپلا تۇرىدۇ.
بۇنىڭدىن كېيىن بارغانسېرى ئېچكىرى ئۆلكىلەرنىڭ شەھەر-قىشلاقلېرىغا ئوخشاپ قىلۋاتقان تەكلىماكان ئەتراپلېرى كىشىنى ئىزتىراپقا چۈكتۇرىدۇ.

ۋەتىنى يوق ئادەم ئۈنى يوق بۇلبۇل!(ماقال-تەمسىل)

دەلىللەنگەن ئەزا

نېمە يېزىشنى ئوي

UID
2154
يازما
1365
تېما
36
نادىر
0
جۇغلانما
43100
تىزىملاتقان
2010-5-28
ئاخىرقى قېتىم
2012-11-29
توردا
42 سائەت
يوللىغان ۋاقتى 2011-2-3 12:45:03 |ھەممە قەۋەتنى كۆرۈش
مەن  بۇ شىېرنى ئوقۇۋېتىپ ،،،كىچىك چاغلىرىمدىكى يېزىمىزدىكى كىچىك بازارنى ئەسلەپ قادىم  ،،،تۇپىلىق يوللاردا يۇگۇرۇپ  يۇرۇپ  لەڭپۇڭ  ،قېتىق ئېچىپ  قايتىپ كېلىدىغانلىرىم  خىيالىمدىن ئۆتتى،،،

يەر شارىدا قالمىسا ئىنسان گەۋدىسى ،قالار شۇ كىشىنىڭ قول يازمىسى

UID
5521
يازما
80
تېما
1
نادىر
0
جۇغلانما
2270
تىزىملاتقان
2010-9-8
ئاخىرقى قېتىم
2012-4-13
توردا
6 سائەت
يوللىغان ۋاقتى 2011-2-3 15:02:06 |ھەممە قەۋەتنى كۆرۈش
خۇدايىم سالامەت قىلسۇن شائىرنى .

باشقىلارنىڭ ئىتىقادىدىن گۇمان قىلغىچە ئۈزۈڭنىڭ ئىمانى ھەققىدە ئويلان  .

UID
2272
يازما
299
تېما
1
نادىر
0
جۇغلانما
9539
تىزىملاتقان
2010-5-30
ئاخىرقى قېتىم
2012-12-10
توردا
4 سائەت
يوللىغان ۋاقتى 2011-2-3 17:01:57 |ھەممە قەۋەتنى كۆرۈش
بۇلۇپمۇ بۇنداق بازارلارنىڭ قىزىپ كىتىدىغىنى ... ئادەمنىڭ زۇقىنى كەلتۈرىدۇ .

دۇنياغا ھەممىمىز  ئارتىس !

UID
8422
يازما
4
تېما
0
نادىر
0
جۇغلانما
40
تىزىملاتقان
2011-1-5
ئاخىرقى قېتىم
2011-6-15
توردا
0 سائەت
يوللىغان ۋاقتى 2011-2-3 20:05:57 |ھەممە قەۋەتنى كۆرۈش
مەن شائىر ئادىل تۇنىيازنىڭ ئەسەر لىرىنى بەك ياقتۇراتتىم.بولسا دوستلىرىمىزنىڭ شائىرنىڭ باشقا شېئىرلىرىنىمۇ يوللاپ قويۇشىنى ئۈمىد قىلىمەن.

كۆيۈمچان ئەزا

نېمە يېزىشنى ئوي

UID
9138
يازما
83
تېما
1
نادىر
0
جۇغلانما
2674
تىزىملاتقان
2011-2-6
ئاخىرقى قېتىم
2012-10-7
توردا
6 سائەت
يوللىغان ۋاقتى 2011-2-6 15:32:41 |ھەممە قەۋەتنى كۆرۈش
ئادىل تۇنىيازنىڭ ئەسەرلىرىنى تەبىئەت،چوڭقۇر ئىزدىنىشلىرى ھەم ئىچكى ئازاپلىرى بىلەن يۇغۇرىدىغان ئۇسلۇبىنى بەك ياىشى كۆرىمەن.

چىنار

UID
7397
يازما
322
تېما
3
نادىر
0
جۇغلانما
10295
تىزىملاتقان
2010-11-21
ئاخىرقى قېتىم
2011-3-8
توردا
0 سائەت
يوللىغان ۋاقتى 2011-2-6 16:33:37 |ھەممە قەۋەتنى كۆرۈش
تونۇش مەنزىرە،ئاددى لىكىن يىقشىلىك ئادەملەر

كىرگەندىن كىيىن ئىنكاس يازالايسىز كىرىش | تىزىملىتىش

|شىركەت ھەققىدە ئەلكۈيى ھەققىدە| سەھىپىلىرىمىز| مۇلازىمەتلىرىمىز| ئېلان بىرىڭ| ئەلكۈيى چوڭ ئىشلىرى| نەشىر ھوقۇقى | ئالاقىلىشىش

Powered by Discuz! X2(NurQut Team) © 2006 - 2015 www.alkuyi.com All Rights Reserved
爱酷艺网络科技公司版权权益 نەشىر ھوقۇقى: ئەلكۈيى تور - تېخنىكا چەكلىك مەسئۇلىيەت شىركىتىگە تەۋە 新ICP备10001494号-1
شىركەت ئادرېسى : ئۈرۈمچى شەھىرى جەنۇبىي شىنخۇا يولى 835- نومۇر گۇاڭخۇي سارىي 13- قەۋەت ئې ئىشخانا
مۇلازىمەت قىززىق لىنىيە تېلىفۇن نومۇرى:3222515-0991 : : 8555525-0991   QQ: 285688588

رەسىمسىز شەكلى|يانفۇن|ئەلكۈيى تورى ( 新ICP备10001494号-1 )

چوققىغا قايتىش